ރާއްޖޭގެ އެޑިއުކޭޝަން މިނިސްޓްރީގެ ނަމުގައި ޓިކްޓޮކްގައި ހަރަކާތްތެރިވަމުން ދަނީ އެ މިނިސްޓްރީއާ ގުޅުން ހުރި އެކައުންޓެއް ނޫން ކަމަށް އެ މިނިސްޓްރީން ވިދާޅުވެއްޖެ އެވެ.
އެޑިއުކޭޝަން މިނިސްޓްރީއެމްވީގެ ނަމުގައި ހިންގަމުންދާ ޓިކްޓޮކް އެކައުންޓެއްގެ ވާހަަކަ ހިއްސާ ކުރަމުން މިނިސްޓްރީން ވިދާޅުވީ، ޓިކްޓޮކްގައި އެނަމުގައި ހަރަކާތްތެރިވާ އެކައުުންޓަކީ އެ މިނިސްޓްރީގެ އެކައުންޓެއް ނޫން ކަމަށެވެ.
އެ އެކައުންޓްގައި ރާއްޖޭގެ ގައުމީ ނިޝާން ހިމަނާފައި ވެއެވެ. އެހެންނަމަވެސް އެ އެކައުންޓްގައި އެއްވެސް ވީޑިއޯއެއް އާއްމުންނަށް ފެންނަން ނެތެވެ. އެ އެކައުންޓް ވަނީ ޕްރައިވެޓް ކޮށްފައެވެ.
ޓިކް ޓޮކްގައި “educationministrymv”ގެ ނަމުގައި ހަރަކާތްތެރިވާ މި އެކައުންޓަކީ މި މިނިސްޓްރީގެ އެކައުންޓެއް ނޫންކަން އެންމެހާ ބޭފުޅުންގެ މަޢުލޫމާތަށްޓަކައި ދަންނަވަން. pic.twitter.com/5rtCFrsWEw
— Ministry of Education (@MoEdumv) June 1, 2021
އެޑިއުކޭޝަން މިނިސްޓްރީ އޮފް މޯލްޑިވްސްގެ ނަމުގައި އެ އެކައުންޓުން 1543 މީހަކަށް ފޮލޯ ކޮށްފައިވާއިރު، 99 މީހަކު އެ އެކައުންޓަށް ފޮލޯ ކުރެއެވެ.
ރާއްޖޭގެ އެއްވެސް މިނިސްޓްރީއަކުން ޓިކްޓިކް ބޭނުން ކުރާކަން ރަސްމީކޮށް ހާމަކޮށްފައެއް ނުވެއެވެ. އެހެން ނަމަވެސް ރައްޔިތުންގެ މަޖިލީހުގެ އިދާރާއިން ޓިކްޓޮކް ބޭނުން ކުރަމުންދާކަން މީގެ ކުރިން ހާމަކޮށްފައި ވެއެވެ.
އަދި ރާއްޖޭގެ މިނިސްޓަރުންގެ ތެރޭގައި ހިމެނޭ ޔޫތް މިނިސްޓަރ އަހުމަދު މަހްލޫފް ޓިކްޓޮކް ބޭނުން ކުރެއެވެ. އަދި އެ އެކައުންޓް ވެރިފައިވެސް ކޮށްފައި ވެއެވެ.
ސަލްމާން މިސްކިތުގެ ގޯތި ތެރޭގައި ހެދި ނަށާ ޓިކްޓޮކްއަކަށް ގިނަބައެއްގެ ފާޑު ކިޔުން
- 10 މަސް ކުރިން
- 9
ތަމްބްލަރތަ ދެން ބޭނުންކުރަނީ
ޢިސްތިއުފާ
ތިޔަ ކުރައްވާ ބުރަ މަސައްކަތަށް ސާބަސް ، ވީ ލަވް ޔޫ މިނިސްޓަރ އައިޝަތް އަލީ