ސްޓެލްކޯ އާއި އެމްޑަބްލިއުއެސްސީން ބަންދުކޮށްފައިވާ މަގުތަކާއި ގޯޅިތައް ހުޅުވަން މާލޭ ސިޓީ ކައުންސިލުން މަސް ދުވަހުގެ މުއްދަތެއް ދީފައިވާ ކަމަށް މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒި މިއަދު ކުރެއްވި ޓުވިޓެއްގައި ވިދާޅުވީ، މާލޭގެ ބައެއް މަގުތަކާއި ގޯޅިތައް ޢާއްމުންނަށް ބޭނުން ނުކުރެވޭ ގޮތަށް ބަންދުކޮށްފައިވާތީ ދިމާވާ ދަތި އުނދަގޫތަކުގެ ޝަކުވާ ކައުންސިލަށް ލިބެމުން އަންނަ ކަމަށެވެ. އެހެންކަމުން އެ ޝަކުވާތައް ލިބެމުން އަންނާތީ އެ މަގުތަކާއި ގޯޅިތައް ހުޅުވުމަށް އެ ދެ ކުންފުންޏަށް މިއަދުން ފެށިގެން އެއް މަސް ދުވަހުގެ މުއްދަތެއް ދީފައިވާ ކަަމަށެވެ.
މާލޭގެ ބައެއް މަގުތަކާއި ގޯޅިތައް ޢާއްމުންނަށް ބޭނުންނުކުރެވޭ ގޮތަށް ބަންދުކޮށްފައިވާތީ ދިމާވާ ދަތި އުނދަގޫތަކުގެ ޝަކުވާ ކައުންސިލަށް ލިބެމުންދާތީ، އެ މަގުތަކާއި ގޯޅިތައް ހުޅުވުމަށް ސްޓެލްކޯއާއި އެމް.ޑަބްލިޔު.އެސް.ސީ އަށް މިއަދުން ފެށިގެން 1 މަސް ދުވަހުގެ މުއްދަތެއްވަނީ ދެވިފައި. pic.twitter.com/oIB5HOb3Y5
— Dr Mohamed Muizzu (@MMuizzu) August 8, 2021
މިވަގުތު ބަންދު ކޮށްފައިވާ ބައެއް މަގުތަކަށް ބަލާއިރު ހިމެނެނީ އަމީނީ މަގުގައި ހުންނަ ސްޓެލްކޯގެ ހެޑް އޮފީހާ ޖެހިގެން އޮންނަ ގޯޅި އާއި އެ އޮފީހާއި ކުޑަކުދިންގެ ބަގީޗާ ފަހަތަށް އޮންނަ ގޯޅިއާ ގުޅިފައިވާ ފެންމީރު ހިނގުން، ސްޓެލްކޯގެ ބޭނުމަށް ބަންދުކޮށްފައިވާ ދޮންއަދަރާދަ ހިނގުމުގެ ބައި އަދި އެމްޑަބްލިއުއެސްސީން އާސަހަރާ ކައިިރިން ބަންދުކޮށްފައި އޮންނަ ފަޅުމަތީ މަގުގެ ސަހައްދާއި ނިކަގަސް ހިނގުމުގެ ބަންދުކޮށްފައި ހުރި ބައެވެ.
ބަންދު ކޮށްފައިވާ މަގުތައް ހުޅުވުމަށް ކައުންސިލުން އަންގާފައިވާއިރު، މީގެ ހަފްތާއެއްހާ ދުވަސް ކުރިން ކައުންސިލުން ވަނީ ހަލާކުވެފައިވާ އުޅަނދުތަކާއި ދުވަސް ވެފައިވާ އުޅަނދުތައް ވެސް މާލޭ މަގުތަކުން ނެގުމުގެ މަސައްކަތް ފަށާފައެވެ. އެހެން ނަމަވެސް މިހާރު އެކަން ވަނީ މަޑު ޖައްސާފައެވެ.
ވަރަށް އުފާވެއްޖެ. ސާބަހޭ ސަބާހޭ
ވަރަށް އުފާވެރި ޚަބަރެއް. އަދި ކިރިޔާ ބަޔަކު އައި ތިޔަ
ވަރަށް އުފާވެރި، ހާދަ ފަސޭހަވާނެއޭ އަހަރެންގެ ސަކުވާ އަޑުއަހާފި، ވަރަށް އުފާވެއްޖެ ދެން އަމިނީ މަގަށް ނުކުންނަންވީމާ ލާވަށާލާފައި ދުއްވަން ނުޖެހެނެ
.ނުވާނެ ތިކަމެއް..
ޢެގޯޅިތަކުގަ ހުރީ ތެޔޮޓޭންކުތަކާ އިންޖީނުތަކާ ފެންޕުލާންޓް ތަކެއް މިހާރު ކާރީގަހުރި ބިލްޑިންގުތަކައްއެރީމަފެނޭ އެގޯޅިތައް މުއީޒް ވެސް އެގޯޅިތަކުގެ ފޮޓޯއެއް ހިއްސާނުކުރީމަ ސުވާލުއުފެދޭ ޔާގީން ކުރިއަށްއޮއް 10 އަހަރުގަވެސް ތިކަމެއްނުވާނެކަން ވާނަމަ ގޯޅިތަކުގެ ކުރެހުމުގެ ބަދަލުގަ ހިއްސާކުރާނީ ފޮޓޯތަކެއް.
ވަރަށް ރަނގަޅު ނަމަވެސް ކޮބައިތޯ ޕޮލިހުން ބަނ ދު ކޮއްފައިވާ މަގު އެއީވެސް ހުޅުވަންޖެހޭ މަގެއް ހަމަހަމަ އުސޫލު ގެންގުޅުއްވާ
ފުލުހުން ބަންދުކުރި މަގުވެސްހުޅުވަން ޖެހޭ
އިސްކަންދަރު ކޮށީގެ ހުޅަގުން އޮންނަ ރިޔާސީ ހިނގުން ވެސް ހުޅުވައިދެއްވާ ބަލަ. ވަރަށް އުދަގޫ ވެ އެމަގު ބަންދު ކޮށްފަ އޮތީމާ.
މަ މިހުރިހާ ދުވަހު ހީކުރީ މާލޭ ކައުންސިލަކީ ކައުންސެލިންގ ދޭ ތަނެއްކަމަށް. މުއިއްޒު އައިމަ މިއެނގުނީ އެއީ މާލެއަށް ހިދުމަތްތަކެއް ފޯރުކޮށްދޭ ތަނެއްކަން. މާލޭގެ އެކި ސަރަހައްދުތަކުގައި ޕާކިންގ ޒޯނުހެދުމާއި، ގިނަ ދުވަސްވީ ވެހިކަލްނެގުމާއި، އުނދަގޫވާ ހަސްތައް ކޮށުމާއި، މަގުތަކުގެ ދެފަރާތުގައި ޕާރކުނުކުރެވޭގޮތް ހެދުންފަދަ އެތައް ކަމެއް މިހާރު އެބަފެނޭ. ރައީސަކަށް ގެންނަންވީ މުއިއްޒު