ހދ. ނޭކުރެންދޫ ގައި އެޅުމަށް ހަމަޖެހިފައިވާ އިންޑަސްޓްރިއަލް ޕްރިޒަންގެ ފޭސް 1 ގެ މަސައްކަތް ކުރުމަށް ޔުނިކް ޗޮއިސް ޕްރައިވެޓް ލިމިޓެޑާއި ހަވާލުކޮށްފި އެވެ.

މިއަދު ހޯމް މިނިސްޓްރީގައި ބޭއްވި ރަސްމިއްޔާތެއްގައި މިނިސްޓްރީގެ ފަރާތުން އެއްބަސްވުމުގައި ހޯމް މިނިސްޓްރީގެ ފަރާތުން ސޮއި ކުރެއްވީ ޕާމަނަންޓް ސެކްރެޓަރީ އަބްދުއްރަޙްމާން ޞަލާޙް ރަޝީދު އެވެ. ޔުނިކް ޗޮއިސް ގެ ފަރާތުން ސޮއި ކުރެއްވީ އެކުންފުނީގެ މެނޭޖިން ޑިރެކްޓަރު ރިޔާޒް އަލީ އެވެ.

އެ ރަސްމިއްޔާތުގައި ވާހަކަދައްކަވަމުން ހޯމް މިނިސްޓަރު އިމްރާން ވިދާޅުވީ ރާއްޖޭގެ މިއަދުގެ ހާއްސަކޮށް ގޭންގް ތަކާއި ޑްރަކް ނެޓްވޯކްތަކާއި މަސްތުވާތަކެތީގައި ޖެހިފައިނާ ގިނަ ޒުވާނުން މުޖްތަމައަށް އަބުރާ ގެނައުމަށް ގިނަ މަސައްކަތްތަކެއް ކުރަން ޖެހޭ ކަމަށެވެ.

"އެކަމަށް އޮތް އެންމެ ބޮޑު އެއް ހައްލެއް ކަމަށް އަޅުގަނޑަށް ގަބޫލްކުރެވެނީ މިއަދު ދުނިޔޭގައި ގައުމުތަކުގައި ކާމިޔާބު ކަމާއިއެކުގައި ތަންފީޒުކުރަމުން ގެންދާ އިންޑަސްޓްރިއަލް ޕްރިޒަނެއް ރާއްޖޭގައި ވެސް ގާއިމް ކުރެވުން. ނޭކުރަންދޫ ޕްރިޒަންއަކީ އިންޑަސްޓްރިއަލް ޕްރިޒަން އެއް. އޯޕަން ޕްރިޒަން ސިސްޓަމްގެ ތެރޭގައި ހިންގާނީ. އެކަމަށްޓަކައި މިހާރު ވަނީ ގިނަ މަސައްކަތްތަކެއް ކުރެވިފައި." އިމްރާން ވިދާޅުވި އެވެ.

ހދ. ނޭކުރެންދޫ ގައި އެޅުމަށް ހަމަޖެހިފައިވާ އިންޑަސްޓްރިއަލް ޕްރިޒަންގެ ފޭސް 1 ގެ އެއްބަސްވުމުގައި މިނިސްޓްރީ އޮފް ހޯމް އެފެއަރޒް އާއި ޔުނިކް ޗޮއިސް ޕްރައިވެޓް ލިމިޓެޑާއި ދެމެދު މިއަދު ސޮއިކޮށްފި. 1/2 pic.twitter.com/VHSCKyDrUv

— Home Ministry, MV (@HomeMinistrymv) October 8, 2022

އިދާރަކުރެއްވިޔާ ނޭކުރަންދޫ ޖަލުގެ މަސައްކަތާއި އެކު ކުރިއަށް ގޮސް އެ މަސައްކަތް ނިމުމުން ރާއްޖޭގެ ކުށުގެ ވެށްތަޓަށް ބޮޑު ހެޔޮ ބަދަލެއް އަންނާނެ ކަމަށް އުންމީދު ކުރައްވާ ކަމަށް މިނިސްޓަރު ވިދާޅުވި އެވެ.

ހދ. ނޭކުރަންދޫގައި އަޅަން ނިންމާފައިވާ ޖަލުގެ މަސައްކަތްތައް މިހާރު ދާ ގޮތުން މި ދައުރުގެ ތެރޭގައި ޖަލު އަޅާ ނުނިމޭނެ ކަމަށް ހޯމް މިނިސްޓަރު އިމްރާން މީގެ ކުރިން ވަނީ ވިދާޅުވެފަ އެވެ.

ނޭކުރަންދޫ ޖަލުގެ ޕްރޮޖެކްޓަށް މި އަހަރަށް ލިބިފައި ވަނީ 10 މިލިއަން ރުފިޔާއެވެ. އަދި އަންނަ އަހަރަށް ހަމަޖައްސައި ދީފައި ވަނީ ވެސް 10 މިލިއަން ރުފިޔާ ކަމަށް މިނިސްޓަރު މީގެ ކުރިން ވަނީ ހާމަކޮށްފަ އެވެ.