މިއަދު ކުރިއަށްދިޔަ އެމްޑީޕީގެ ދާއިރާތަކުގެ އިންތިހާބުގައި މަތި އުތުރު ޕްރޮވިންސްގެ ރައީސް ކަމަށް ވާދަކުރެއްވި ޕްލޭނިންގެ މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީން އިންތިހާބުކޮށްފިއެވެ.
އެ ޕާޓީގެ މަތި އުތުރު ދާއިރާގެ ރައީސްކަމުގެ މަގާމު ހުސްވީ ކުރިން އެ މަގާމުގައި ހުންނެވި އިބްރާހިމް ވަހީދު (އިބުރޭ) އެމްޑީޕީގެ ޑެޕިއުޓީ ޗެއާޕާސަންގެ މަގާމަށް އިންތިހާބުވުމާ ގުޅިގެންނެވެ.
އެމްޑީޕީ ދާއިރާތަކުގެ އިންތިހާބު ކުރިއަށްގެންގޮސްފައި ވަނީ މިއަދު ހެނދުނު 9:00 އިން ހަވީރު 4:00 އަށެވެ.
އަޅުގަނޑަށް އިތުބާރުކޮށް ވޯޓު ދެއްވި އެމްޑީޕީ މަތި އުތުރު ޕްރޮވިންސްގެ އެންމެހާ މެންބަރުންނަށް ޝުކުރިއްޔާ. މުސްތަގުބަލުގައި އަޅުގަނޑު މަސައްކަތް ކުރާނީ މި ޕްރޮވިންސްގެ އެންމެހާ މެންބަރުންނާ ގާތުން 💛 pic.twitter.com/0UnSq4cKK2
— Akram Kamaludeen (@Akramkdeen) December 17, 2022
މި އިންތިހާބުގައި މަތި އުތުރު ޕްރޮވިންސް ރައީސް ކަމުގެ ބައި އިލެކްޝަންގައި ވޯޓު ލުމަށް 3000 އަށްވުރެ ގިނަ މީހުންނަށް ހައްގު ލިބިގެން ވެއެވެ. މަތި އުތުރު ޕްރޮވިންސްގައި ހިމެނެނީ ހއ. ހދ. ށ، އަތޮޅެވެ.
އެ ޕާޓީގެ މަތި އުތުރު ޕްރޮވިންސްއަށް ވާދަކޮށްފައި ވަނީ އަކްރަމްގެ އިތުރުން، ހެލްތް މިނިސްޓްރީގެ ސްޓޭޓް މިނިސްޓަރު އަހްމަދު އާދިލާއި ހެރިޖޭޓް މިނިސްޓްރީގެ ސީނިއާ ޕޮލިސީ ޑިރެކްޓަރު އަހްމަދު ހާޝިމް (ޓިންޓިން) އެވެ.
އަކްރަމް މި ދާއިރާގެ ރައީސް ކަމުގެ މަގާމަށް ހޮވުމާއި ގުޅިގެން ގިނަބަޔަކު ދަނީ އޭނާއަށް މަރުހަބާ ކިޔަމުންނެވެ.
އަކްރަމް ވަނީ، އޭނާއަށް އިތުބާރުކޮށް ވޯޓު ދެއްވި އެމްޑީޕީ މަތި އުތުރު ޕްރޮވިންސްގެ ހުރިހާ މެންބަރުންނަށް ޝުކުރު އަދާ ކޮށްފައެވެ.
"މުސްތަގުބަލުގައި އަޅުގަނޑު މަސައްކަތް ކުރާނީ މި ޕްރޮވިންސްގެ އެންމެހާ މެންބަރުންނާ ގާތުން". އަކްރަމް ވިދާޅުވިއެވެ.
މިވެސް ބޮޑު ވަގެއް ހަމަ ، ގައުމު ދަވާލުމުގައި އަވަދިނެތި އުޅޭ ގައްދާރެއް
އެފްކޮންސް އައުޓް އެއީ އިންޑިއާ އަށް އެޅޭނެ ބްރިޖެއް ނޯންނާނެއޭ މަމެން ހުވައޭ ތިޔާ ނާދީ އާއި އަދި އޯޑިއޯން ބިމުގައި އަޅާ އިމާރާތް ތައް ބޮލަށް ވެއްޓޭނެއޭ 10 އެމްއެމްގެ ދަގަނޑުން ތަނބުތައް ކޮންކްރީޓް ކޮށްގެން ނަގައިފިނަމަ އެއިމާރާތް ތައް ބޮލަށް ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ ވެއްޓޭނެއޭ
ބޭކާރު ކަންތައް ބޭކާރު މަގާމުތައް. ކޮން ރައީސްކަމެއްތަ. ތިހަވާލުވެގެން އުޅޭ މިނިސްޓްރީގެ މަގާމުގެ މަސްއޫލިއްޔަތު އަދާކުރެވޭ ތޯ ބަލާބަލަ
މީ މިގައުމުގައި އުފެދުނު އެންމެ ކަރެޕްޓު މީހުންގެ ތެރެއިން ކަރެޕްސަނު ހިންގުމުން ޕީއެޗުޑީ އޮތްމީހާ
ތިި ލާާދީނި ޕާޓީއެއް ތިޕާޓީގައުޅޭނިވެސް ލާދީނީ މީހުން...
ފޮޑިއަކުރަމު...
ކުރިމަތިލި 3 މީހުންގެ ތެރެއިން އެންމެ ކޮރަޕްޓް މީހާ ހޮވަން މަތިއުތުރު ޕްރޮވިންސްގެ މީހުނަށް އެނގުނީ. ސާބަސް ކަލޭމެންނަށް.
ކޮން އަކުރަމް އެކޭ ކިޔާކަށްތަ. މީނަގެ އަޞްލުނަން ނޫނީ ފުރިހަމަނަން ނުލިޔުނީ މީނަޔަކީ ކާކުކަން މީހުންނަށް އޮޅުވާލަންތަ؟ އަކުރަމް ކަމާލުއްދީން ލިޔުނީމަ މީނަޔަކީ ކާކުކަން އެނގޭނީ. ރާއްޖެޓީވީގެ ވެރިޔާ މީނަޔަކީ. ވަރައްނުބައި ނުލަފާ މީހާގަނޑެއްމީ.
ކޮންތާކު ތިޔަ މަތިއުތުރު ޕްރޮވިންސް އޮންނަނީ؟ މި އެމްޑީޕީ އަކީ ދިވެހި ޖޯގްރަފީއަށްވެސް އިޙުތިރާމް ނުކުރާ ބައިގަނޑެއްދޯ؟ އަހަރުމެން ނުދަންނަން އެއްވެސް ޕްރޮވިންސެއް. އަހަރުމެން ދަންނަނީ ހއ، ހދ، ށ، ނ، ރ، ބ، ޅ، ކ، އއ، އދ، ވ، މ، ފ، ދ، ތ، ލ، ގއ، ގދ، ޏ، ސ. ޤުދްރަތީގޮތުން ރާއްޖެ ބެހިފައި އޮންނަނީ 26 އަތޮޅަށް. ސިޔާސީ ގޮތުން 19 އަތޮޅަށް ބަހައިގެން ދިގުޒަމާންތަކެއް ވަނީ ހޭދަކޮށްފަ. މައުމޫނުގެ ވެރިކަމުގައި އަރިއަތޮޅު ދެބަޔަކަށް ބަހާފަ އއ، އދ ހަމަޖެއްސި. މިހާރު އޮންނަނީ 20 އަތޮޅު. ދެންކޮން ޕްރޮވިންސެއްތަ؟ ރާއްޖޭގެ އަތޮޅުތަކަށް ކިޔާފަ ހުންނަނީ ނުލާހިކުރީތި ދިވެހިވަންތަ ނަންތަކެއް. މިސާލަކަށް ތިލަދުންމަތި، މާޅޮސްމަޑުލު. އައްޑުއަތޮޅު. މިނަންތައްކަމުނުދާ ނަމަ އަހަރުމެންނަކަށް ނަޝީދެއްވެސް ކަމަކުނުދޭ. އެހެންކޮންމެސް ނަމެއް ހަދާފަ ކިޔަންފަށަންވީ.