ރާއްޖޭގެ އުތުރާއި މެދު ރާއްޖެ ތެރޭގެ އަތޮޅުތަކަށް ވައިބާރުވެ، ކަނޑު ގަދަވެދާނެ ކަމަށް ލަފާކޮށް، ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ހުދު ސަމާލު ނެރެފިއެވެ.
މެޓް އޮފީހުން މިއަދު ހެނދުނު 7:58 ގައި ނެރުނު ސަމާލުގައި ބުނެފައި ވަނީ، ހއ. އަތޮޅުން ފެށިގެން ދ. އަތޮޅާއި ހަމައަށް ހިމެނޭ ހިސާބުތަކަށް ވައި ބާރުވެ ކަނޑުތައް ގަދަވާނެ ކަމަށެވެ.
Alert White for strong winds of 19 – 24 mph with rough seas. pic.twitter.com/vcxshAwJAJ
— Maldives Meteorology (@MetMaldives) February 27, 2023
އެ ސަމާލުގައި ބުނެފައިވާގޮތުން، ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެއެވެ. އަދި ކަނޑުތައް ގަދަވާނެ ކަމަށް ލަފާ ކުރެވެއެވެ.
މި ސަމާލުގެ މުއްދަތު ހަމަވާނީ މެންދުުރު 14:00 އަށެވެ.
ރާއްޖޭގެ މޫސުން މިއަދު ހެނދުނު 10:00 އާ ހަމައަށް ލަފާކޮށް، މޫސުމާއި ބެހޭ ގައުމީ އިދާރާއިން ބުނެފައި ވަނީ ދުވާލުގެ ވަގުތުތަކުގައި ބައެއް ރަށްތަކަށް ކެރީގެ އަސަރު ކުރިނަމަވެސް މޫސުން އާންމު ގޮތެއްގައި ރަނގަޅުވާނެ ކަަމަށެވެ.