ރިޔާސީ ކެނޑިޑޭޓެއްގައި ހުންނަން ޖެހޭ ކޮލިޓީއާ ރައީސް އިބްރާހިމް ސޯލިހު ގާތްވެސް ނުކުރާ ކަމަށް އެމްޑީޕީން ވަކިވެ ދަ ޑިމޮކްރެޓްސްގައި އިސްކޮށް އުޅުއްވާ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ވިދާޅުވެއްޖެއެވެ.
ޑިމޮކްރެޓްސްއިން މިރޭ ބޭއްވި ރިޔާސީ ކެމްޕޭން ޖަލްސާގައިއިންތިގެ ވާހަކަފުޅުގައި މުޅިން ހެން ކަހަލަ ގޮތަކަށް ފާޑު ވިދާޅުވީ ރައީސް ސޯލިހަށެވެ.
އިންތި ވިދާޅުވީ ރައީސް ސޯލިހު ކެމްޕޭންއަށް އެކި ރަށް ރަށަށް ވަޑައިގަންނަވަމުންދާ އިރު ރާއްޖެއާއި ދުނިޔޭގައި އޮތް ބޮޑެތި މައްސަލަތަކަށް ވާހަކަ ދައްކަވައި ބަހުސެއް ކޮށްލައްވައި ތަގުރީރެއް ކޮށްލަވާ ތަނެއް އެމަނިކުފާޏުގެ ކިބައިން ނުފެންނަ ކަަމަށެވެ.
"ރިޔާސީ ކެނޑިޑޭޓެއްގެ ފަރާތުން ފެންނަން ޖެހޭ ކޮލިޓީ ގާތަށް ވެސް ނުފެނޭ. މިއިން މައުލޫއަކަށް ބަހުސެއް ކޮށްލާ ތަގުރީރެއް ކޮށްލާ މިއިން ކަމެއް ކުރާތަނެއް ހަމަ ހިލާ އެއްގޮތަކަށް ވެސް ނުފެނޭ." އިންތި ވިދާޅުވިއެވެ.
ހަމަ އެހެންމެ އެމްޑީޕީގެ ކޮލިޓީއެއް ނެތް ރައީސް ސޯލިހު ނެތްއިރު ރާއްޖެއަށް ވެސް ހައްގުވާ ކޮލިޓީ އެމަނިކުފާނުގެ ކިބައިގައި ނެތް ކަމަށް އިންތި ވިދާޅުވިއެވެ.
އޭގެ ބަދަލުގައި އެ ކޮލިޓީ ހުރީ ޑިމޮކްރެޓްސްގެ ކެނޑިޑޭޓް އިލިޔާސް ލަބީބް ކަމަށް އިންތި ވިދާޅުވިއެވެ.
އިންތި އިތުރަށް ވިދާޅުވީ ރައީސް ސޯލިހުހާ ފަސޭހައިން ވެރިކަން ކުރައްވުމުގެ ފުރުސަތު ލިބިވަޑައިގެންނެވި ބޭފުޅަކު ނެތް ކަމަށެވެ.
އެހެން ނަމަވެސް ފަސް އަހަރުގެ ތެރޭގައި ވެރިކަން ހަރަބު ކޮށްލިގޮތް ރަނގަޅަށް ބެއްލެވުމަށް އިންތި އިލްތިމަސް ކުރެއްވިއެވެ.
އިންތި އިތުރަށް ވިދާޅުވީ އެމްޑީޕީގެ އަސްލު ގެއްލި އެ ޕާޓީ އަކީ މިހާރު ވަގުންގެ ނެޓްވޯކަކަށް ހަދާފައިވާ ކަމަށެވެ.
އެހެން ނަމަވެސް މިއީ އެމްޑީޕީ އުފެއްދި މަގުސަދު ނޫން ކަން އޭނާ ފާހަގަ ކުރެއްވިއެވެ.
"އޭރުގައި ހިޔާލަށް ވެސް އެމްޑީޕީގެ މެމްބަރަކު ގެނައި ކަމެއް ނޫން. މިއަދުގެ ހާލަތަކީ އެމްޑީޕީއަކީ ވަގުންގެ ނެޓްވޯކަކަށް ހަދާ ނިންމައިފި. ފަސޭހަ ކަމާއެކު ވެރިކަން ކުރަން ލިބުނީމަ އެމްޑީޕީއަކީ އޭގެ ގޮތުގައި ވަރުގަދަ ޕާޓީއެއްގެ ގޮތުގައި ވަރުގަދަ ފިކުރެއްގެ ގޮތުގައި ބިނާ ކުރުމުގެ ފުުރުސަތު ހަރާބު ކޮށްލައިފައި ރައީސް އިބްރާހިމް މުހައްމަދު ސޯލިހު ވެރިކަމަށް ވަޑައިގެން. މިއީކީ މި ރާއްޖޭގެ އިސްލާހަށް މަސައްކަތް ކުރި މީހުން މާފު ކުރާނެ ކަމެއް ނޫން. ދަ ޑިމޮކްރެޓްސްވެސް މާފު ކުރާނެ ކަމެއް ނޫން" އިންތި ވިދާޅުވިއެވެ.
މީއަދި މާގަދަމީހަކަށް ހެދހިގެން އުޅޭމީހެއް
މީ މަތިންއައިސްހުރި އެއްޗެއްތަ މީހުންނަށް އެއްޗިސްކިޔަން. ރައީސް ސޯލިހްހާ ރައީސްކަމުގެ ކޮލިޓީހުރި ބޭފުޅަކު މިފަހަރު ވެރިކަމަށް ކުރިމަތިލާފައެއް ނެތް. މީހަގީގަތް.
ތިބޭފުޅުންނެންނު ސޯލިހް ވެރިކަމަށް ގެނެއީވެސް ކޮލެޓީ ކަމުން
ނަށީދު އަދި އޭނައާއެކު މިހާރު ތިބީ އެންމެ ގޮތްކުޑަ މީހުން. އަހުލާގުގެ އެއްވެސް ވަރެއް ނެތް. ދެން އެހެންމީހުން މިނަން ކޮންބައެއް ތީ؟
އިންތި މެނަށް ނަޝީދު ތިޔަ ދޭ ފައިސާ އެއީ ނަޝީދު ކޮންތަނަކުން ކޮންބަޔަކުދޭ ފައިސާތޯ !
މިހާރުތޯ އެނގުނީ ؟؟؟ ލަދު ކޮބާ؟؟؟