ސިނަމާލެ ބްރިޖު ހަޤީގަތަކަށް ހެދި ޕްރޮގްރެސިވް ޕާޓީ އޮފް މޯލްޑިވްސް ( ޕީޕީއެމް) ގެ ސަރުކާރުގައި މަސައްކަތް ކުރަން ފުރުސަތު ލިބުމުން ފަހުރުވެރިވާ ކަމަށް ރައީސް މައުމޫން އަބްދުލްގައްޔޫމްގެ ދަރިކަނބަލުން ދުންޔާ މައުމޫން ވިދާޅުވެއްޖެއެވެ.
ދުންޔާ އެހެން ވިދާޅުވެފައިވެ ސަރުކާރަށް ތައުރީފްކޮށްފައިވަނީ މިއަދު އެކަމަނާ ކުރެއްވި ޓްވީޓެއްގައެވެ. އަދި ޓްވީޓްގައި އެކަމަނާ ވަނީ ސިނަމާލެ ބްރިޖަކީ ރާއްޖޭގެ ހުރިހާ ރައްޔިތުންނަށް އެކަމުގެ ސަބަބުން މަންފާ ކުރާނެ ކަމެއް ކަމުގައި ވިދާޅުވެފައެވެ. ހުޅުމާލެ ހަގީގަތަކަށް ހެއްދެވި ރައީސް މައުމޫންގެ ހަދާން އާކުރަން ޖެހޭ ކަމަށްވެސް އެކަމަނާ ވަނީ ވިދާޅުވެފައެވެ.
Proud to have been part of the PPM Government that made the China-Maldives Friendship Bridge a reality! I hope this brings great benefit to our people. Remembering also the vision of President @maumoonagayoom who made Hulhumale’ a reality despite the odds. pic.twitter.com/NxMGk7OPEY
— Dunya Maumoon (@dunyamaumoon) August 30, 2018
މި ސަރުކާރުގެ ފޮރިން މިނިސްޓަރ ކަމާއި، ހެލްތް މިނިސްޓްރީގެ ސްޓޭޓް މިނިސްޓަރ ކަން ވެސް ކުރެއްވާފައިވާ ދުންޔާ މައުމޫން ސަރުކާރުގެ ވަޒީފާތަކުން އިސްތިއުފާދެއްވާފައިވަނީ އެކެއް ފެބްރުއަރީގެ އަމުރާއި ގުޅިގެން ހިނގާދިޔަ ކަންތަށްތަކުގައި އެކަމަނާގެ ބައްޕާފުޅު ކުރީގެ ރައީސް މައުމޫން އަބްދުލް ގައްޔޫމް ސަރުކާރަށް ކުރެއްވު ތާއީދު އަބުރާ ގެންދިޔުމާއި އެކު އެމަހުގެ 27 ވަނަ ދުވަހުއެވެ.
އޭގެ ފަހުން ސަރުކާރާއި އެކުވެސް އަދި އިދިކޮޅު ހަރަކާތްތަކުގައިވެސް ދުންޔާ ހަރަކާތްތެރިވެފައެއް ނުވެއެވެ. އިސްތިއުފާ ދެއްވަމުން ދުންޔާ ވިދާޅުވީ އެކަމަނާ ހުންނެވީ ބައްޕާފުޅާއި އެކުގައި ސާބިތުކަން މަތީގައި ކަމަށެވެ.
ޜާއްޖެ ތަރައްގީ ކުރެވޭނީ ރާއްޖޭގައި އުޅެ ފަނިފަކުސަ ނައްތާލައިގެން ކަން މިހާރު ދުންޔާއަށް ވިސްނޭނެ