ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ރިބްރޭންޑްކޮށް، އެ ކުންފުންޏަށް ކިޔަން ފެށި "އާބަންކޯ" ގެ ނަން ބޭނުންކުރުން ހުއްޓާލައި ކުރިއެކޭ އެއްގޮތަށް އެޗްޑީސީގެ ނަން މިއަދު ކިޔަން ފަށައިފިއެވެ.
އެޗްޑީސީގައި ބޭއްވި ހާއްސަ ރަސްމިއްޔާތެއްގައި އެކަން އިއުލާންކޮށް ދެއްވީ އެ ކުންފުނީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އިސްވެރިންނެވެ.
We are pleased to announce that we are reinstating our corporate identity as Housing Development Corporation (HDC) by unveiling the logo and brand name to reflect our legal name.
We remain steadfast in our commitment to developing safer, smarter, and sustainable cities for our… pic.twitter.com/MTHNC3yAT2
— Housing Development Corporation (@hdcmaldives) January 18, 2024
އެޗްޑީސީން ނެރުނު ބަޔާނެއްގައި ވަނީ މިހާރު ބޭނުންކުރަމުން އަންނަ އާބަންކޯގެ ނަމުގެ ބަދަލުގައި އެޗްޑީސީ ބޭނުންކުރަން ނިންމާފައިވަނީ މި ކޯޕަރޭޝަންގެ ނަމާގުޅޭގޮތުން ކަސްޓަމަރުންނަށް އޮޅުންއަރާތީ ކަމަށެވެ.
އެޗްޑީސީ ރީބްރޭންޑުކޮށް، 22 ވަނަ އަހަރީ ދުވަހާއި ގުޅިގެން މިދިޔަ އަހަރު އޭޕްރީލް މަހު ކުންފުނީގެ ނަން އާބަންކޯއަށް ވަނީ ބަދަލުކޮށްފައެވެ.
އެޗްޑީސީ ރީ ބްރޭންޑްކޮށް އާބަންކޯއަށް ނަން ބަދަލުކުރެވިގެން ދިޔަ ނަމަވެސް އެ ނަމަށް ގާނޫނީ ހައިސިއްޔަތު ލިބިފައި ނުވާ ކަމަށާއި ގާނޫނީ ހައިސިއްޔަތުން ތަފާތު ކަންކަމުގައި މިހާތަނަށްވެސް ބޭނުންކުރަމުން ދަނީ އެޗްޑީސީ ކަމަށް އެބަޔާނުގައިވެއެވެ.
އެޗްޑީސީއަކީ މާލޭގެ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލަ ހައްލު ކުރުމަށް ރައީސް އޮފީހުގެ ވަކި ޔުނިޓެއްގެ ގޮތުގައި 2001 ވަނަ އަހަރު، އޭރުގެ ރައީސް މައުމޫން އަބްދުލްގައްޔޫމްގެ އިރުޝާދުގެ ދަށުން އުފެއްދެވި ތަނެކެވެ. އޭގެ ފަހުން ހުޅުމާލޭ ޑިވެލޮޕްމަންޓް ކޯޕަރޭޝަނުގެ ނަމުގައި ވަކި ކުންފުންޏަކަށް ބަދަލުކުރިއެވެ. ހުޅުމާލެ ޕްލޭންކޮށް، ތަރައްގީކުރީ އެ ކުންފުނިންނެވެ. ފަހުން އަނެއްކާ ވެސް ހައުސިން ޑިވެޕްލޮޕްމަންޓް ކޯޕަރޭޝަނަށް ނަން ވަނީ ބަދަލުކޮށްފައެވެ.
މި ކޯޕަރޭޝަންގެ ޕޯޓްފޯލިއޯގައި ހިމެނޭ ކާމިޔާބު ޕްރޮޖެކްޓްތަކުގެ ތެރޭގައި ހުޅުމާލެ، ކުޑަގިރި، އާބަން އައިލް ހިމެނެއެވެ. މީގެ އިތުރުން ތިލަފުށި، ރަސް މާލެ އަދި ހުޅުމާލެ ފޭސް 3 ތަރައްގީކުރުމުގެ މަސައްކަތް ބާރު ދުވެލީގައި ހުއްޓުމެއްނެތި ކުރިއަށް އެބަދެއެވެ.
އެޗްޑީސީން ފާހަގަ ކުރާ ގޮތުގައި އެ ކޯޕަރެޝަނުން އެންމެ އިސްކަންދޭ ކަމަކީ ތަރައްގީގެ މަސައްކަތްތަކަކީ އިގްތިސާދީގޮތުން ފައިދާހުރި އަދި ތަނުގައި ދިރިއުޅޭ ފަރާތްތަކުން ބަލައިގަންނަ ފަދަ ޕްރޮޖެކްޓްތަކަށް ހެދުމެވެ. މިކަން ހާސިލް ކުރުމަށް އެޗްޑީސީން ދަނީ ކެނޑިނޭޅި މަސައްކަތް ކުރަމުންނެވެ. ބޯހިޔާވަހިކަން ތަރައްގީކޮށް އެންމެނަށް ލިބޭނެ އިންތިޒާމެއް ހަމަޖެއްސުމަށް މަސައްކަތް ކުރަމުންދާ ކަމަށް އެ ބަޔާނުގައިވެއެވެ.
އެޗްޑީސީގެ އަމާޒަކީ ތަރައްގީކުރާ ސިޓީތަކުގައި އިޖްތިމާއީ ގޮތުންނާއި، އިގްތިސާދީ ގޮތުން، އަދި ތިމާވެށިގެ ދާއިރާއިން ދެމެހެއްޓެނިވި ތަރައްގީ ގެނެސްދިނުމެވެ.
ކޮންކަހަލަ ގައުމެއް! ގާނޫނާއި ގަވާއިދާ ޚިލާފް ވިއަސް ކުންފުނިހިންގަން ތިބޭ ބަޔަކު ކުއްވެރިއެއްނުވޭ! މިލިޔަން ރުފިޔާގެ ގެއްލުން ދީފަ ެސް ދާންވީ!
ދުވާލަކު ނަމެއް ! މިހާރު ހަދާފަހުރި ހުރިހާ އެއބަސްވުންތަކެއް ބަދަލުކުރޭ . އާބަންކޯއައް ދައކަން ޖެހެފައިސާ އެޗްޑީސީ އައް ދައްކާކައް އެގްރީމަންޓަކުނެއް . ކަންކަންވާވަރުން ނަންބަދަލުކުރަންވާނީ . އެއްމެފަހުން ރައްޔިތަކައްދީފައިވާނެ ތަނެއްވެސް ގާނޫނުން އިނގެއް ނެއް .އެކިނަންނަމުގައި ތިކުރަނީ ވައްކަން ، އެކިނަނނަމުގައި ލޯނުނަގައި އިނވެސްޓްމަޓް ހޯދަނީ . ކޭޕާކް އައްތުރެ 7 ގުނަމަތީގަ ތިޖަރީމާތައް ތިޔަހިނގަނީ .
އެމްޓީސީ ދެބައި ކޮށްފަ އާބަންކޯ ކިޔާ ވަކި ކުންފުނިޔެއް އުފައްދަންވީ !
މަޖާ ކުޅިވަރެއްތިޔައީ އެހެންވެއްޖާ ، ބޭކާރު ގޮތުގަ 1.2 މިލިޔަން ހަރަދުކޮއްލުން އޭ ތިޔަމީހުނައް އެއްވެސް ކަމެއްނޫން.
ވަޓް ގޭމް ޔޫ އާރ ޕްލޭއިން
ވަރަށް ރަގަޅު! ޒަމާނުއްސުރެ ކިޔަމުންއައި ނަން ބަދަލުކުރީ ކޮރަޕްޝަން ފޮރުވަން! އަދި މީހުންނަށް އެތަން އުޅޭ! ދެން ހިންގާފައިހުރި ވައްކަމުގެ މައްސަލަތައް ބަލައިދީ!
ތި ތަނަށް ކިޔަންވީ ވަގުންގެ ނެޓްވޯކް.. ވިނަރެސް ފްލެޓްގެ ކުލިން ވައްކަން ކުރި ވަގުން..
ހަމަ ބަނޑުއަޅާލަންވެގެން ގަތްގަނޑެއް. މިހާރުގެ ވެރިން ކުރެން އަހާލަބަލަ ސައިޒަކަށް ނުބަލާ ބޮޑު އަގުގަ ކިތަޢޓީޝާޓު ބޭރުން ހައްދައިގެން ގެނެއްސަ ހުރިތޯ.