ރާއްޖޭގެ ރާޅާއެޅުންތެރިންނާ ބައްދަލު ކުރެއްވުމަށްފަހު، މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް، އަޙުމަދު މަހުލޫފުވެސް ރާޅާ އަޅުއްވައިފިއެވެ.
މައުލޫމާތު ލިބިފައިވާ ގޮތުގައި މިނިސްޓަރު މަހުލޫފު، ރާއްޖޭގެ ރާޅާއެޅުންތެރިންނާ ބައްދަލު ކުރައްވާފައިވަނީ މިއަދުއެވެ.
ޓްވިޓަރ ގައި އާއްމުކޮށްފައިވާ ވީޑިޔޯ އަކުން، މިނިސްޓަރު މަހުލޫފު ރާޅާއަޅުއްވާ މަންޒަރު ފެންނައިރު، ވީޑިޔޯ އާއްމު ކުރި ފަރާތުން ބުނެފައިވަނީ މިއީ މަހުލޫފު ރާޅާއެޅުއްވި ފަހަރުކަމުގައެވެ.
Minister of youth and sports @AhmedMahloof catching his first wave today after meeting with the surfers. @MSAsurfing @MBBAmv @kuda_ayya #JazeeraRaajje pic.twitter.com/61RmJSspqd
— Rye (@ryanthoyyib) December 8, 2018
މަހުލޫފު ރާޅާއަޅުއްވާފައިވަނީ ވަރުނުލާ ރާޅުގަނޑު ސަރަޙައްދުގައެވެ. އެސަރަޙައްދަކީ މާލޭގައި ދިރިއުޅޭ ރާޅާއެޅުންތެރިން އާއްމުކޮށް ރާޅާއެޅުމަށް ގޮސް އުޅޭ ސަރަޙައްދެވެ. މީގެ އަހަރުތަކެއް ކުރިންސުރެ އެސަރަޙައްދު އެކަމަށްޓަކައި ބޭނުންކުރަމުން އައިއިރު، ބުރިޖު އަޅަން އެސަރަޙައްދު ބަންދު ކުރިއެވެ. އެހެންނަމަވެސް، މިހާރު އެސަރަޙައްދުވަނީ ރާޅާއެޅުންތެރިންނަށް ހުޅުވާލާފައެވެ.
@AhmedMahloof gone surfing 🏄🏿 pic.twitter.com/BzcmhYUqyA
— Saazu_aloha 🥥 (@alohasaazu) December 8, 2018
މަހުލޫފު ގެންދަނީ އެކި ކުޅިވަރުތަކުގައި އުޅޭ ފަރާތްތަކާ ބައްދަލު ކުރައްވަމުންނެވެ. އެގޮތުން، މިއަދު އޭނާވަނީ ދެވަނަ ނޭޝަނަލް ވިމެންސް ޓީ-20 ކްރިކެޓް ޝީލްޑްވެސް ފައްޓަވާދެއްވާފައެވެ.
މިސޮރުދެން މާބޮޑައް ވެފަހުންނަނީ. މެދުމިން އޯކޭ
ރަގަޅު. ދެން ބިޑިބޯ ކުދިންނާ ބައްދަލުކޮއްފަ ބިޑިއެއް ބޯލާ. މާރާމާރީ ހިންގާ ގުންޑާއިންނާ ބައްދަލުކޮއްފަ މާރާމާރިއެއް ހިންގާލާ.
ރަނގަޅު. މަގުމަތިކުނިކަހާލާ، ރާޅާއަޅާލާ، ފުޓުބޯޅަކުޅެލާ، އަތިރިއަށް ގޮސް ދޫނިހިފާލާ ހަދާ. ހަރުދަނާކަމެއް ގައުމަށް ކޮށްދެވޭނީ އެފިކުރު ހުރެގެންތާ.
ދެއްކުންތެރި ކަމުންވެސް ހައްދު ފަހަނަ އަޅާފަ.
ތި ރާޅާ އަޅަނިއްޔެއްނޫން ރާޅާ ލައްގަނީ. ކަލޯ ޒުވާނުން ތިބީ މާލޭގަ އެކަންޏެއް ނޫން. ވުޒާރާއެއް ހިންގޭ ފާޑަކަށް ނޫން ތި އުޅެނީ