މަޅި މޯލްޑިވްސް އިން އިންތިޒާމުކޮށްގެން ކުޑަހެންވޭރާއި މަސްއޮޑި ސްޕޯޓްސް ކުލަބް ގުޅިގެން މިހާރު ކުރިޔަށްގެންދާ "ޑުޕަ ފިފްޓީން" މަޅި ފުޓްސަލް ޗެލެންޖުގެ ދެވަނަބުރުގެ ޖާގައެއް އެފްސީ ޒެފިއާ ހޯދައިފިއެވެ.

މުބާރާތުގެ ގްރޫޕް އީގައި ހިމެނޭ އެފްސީ ޒެފިއާ ދެވަނަބުރުގެ ޖާގައެއް ކަށަވަރުކުރީ އެ ޓީމު ކުޅުނު ގްރޫޕުގެ ފަހު މެޗުގައި ނަމުރު އެފްސީ 5-0 އިން ބަލިކޮށްގެންނެވެ. މި ނަތީޖާއާއެކު އެ ޓީމު ދެވަނަބުރަށް ދަތުރުކުރީ ކުޅުނު ތިން މެޗުގެ ތެރެއިން އެއްވެސް މެޗަކުން ބަލިނުވެ ޖުމްލަ ހަތް ޕޮއިންޓާއެކު އެވެ. އެއީ ދެ މެޗުން މޮޅުވެ އެއް މެޗު އެއްވަރުކޮށްގެންނެވެ.

މުބާރާތުގައި އެފްސީ ޒެފިއާ ކުޅުނު ފުރަތަމަ މެޗުން އެއްވަރުވީ މެންޗެސްޓަރ ޔުނައިޓެޑް ސަޕޯޓާސް ކުލަބް އަތުންނެވެ. ދެވަނަ މެޗު ޒެފިއާ ކާމިޔާބުކުރީ އާން ދޯ 6-4 އިން ބަލިކޮށްގެންނެވެ. މި ނަތީޖާއާއެކު ނަމުރު އެފްސީ ވަނީ މުބާރާތުން ކަޓާފައެވެ. އެއީ ގްރޫޕް ސްޓޭޖުގައި ކުޅުނު ތިން މެޗުންވެސް ބަލިވުމާއި ގުޅިގެންނެވެ.

މި މެޗުގައި އެފްސީ ޒެފިއާ ޓީމުން ޖެހި ފަސް ލަނޑުގެ ތެރެއިން ތިން ލަނޑު ޖެހީ ފާރިޝް އެވެ. ދެން އެ ޓީމަށް ލަނޑުތައް ޖަހައިދިނީ ނޫރިޝް އާއި ފަސާހު އެވެ. މެޗުގެ މޮޅު ކުޅުންތެރިއަކަށް ހޮވިފައިވަނީ ޒެފިއާ ގެ ފާރިޝް އެވެ.

މުބާރާތުގައި މިއަދު (28 ޖެނުއަރީ 2021) ގައި ކުޅުމަށް ހަމަޖެހިފައިވާ މެޗުތައް