ބަޔާން މިއުނިކަށް ކުޅެމުންގެންދާ ލޫކަސް ހާނަންޑޭޒް ގެންނަން ފްރާންސް ލީގްގެ ކްލަބް ޕެރިސް ސެއިންޓް ޖާމައިން (ޕީއެސްޖީ)އިން މަޝްވަރާކުރަން ފަށައިފިއެވެ.
އެގޮތުން މިހާރު ޕީއެސްޖީން ވަނީ ހާނަންޑޭޒް ބޭނުންވާ ޝަރުތުތަކާއި ބެހޭގޮތުން ވާހަކަދައްކާ އެކަންކަމަށް އެއްބަސްވެފައި ކަމަށްވެސް ރިޕޯޓްތައް ބުނެއެވެ.
ނަޕޯލީގައި މޮޅު ކުޅުމެއް ދެއްކި ދެކުނު ކޮރެއާގެ ފުޓްބޯޅަ ތަރި ކިމް މިން ޖޭ ބަޔާނަށް ގެނެވުމުގެ މަޝްވަރާތައް ކުރުމަށްފަހު ބަޔާނުން ހާނަންޑޭޒް ދޫކޮށްލުމުގެ ވިސްނުން ގެންގުޅެމުންދާ ކަމަށް ރިޕޯޓްތައް ބުނެއެވެ. އޭގެ ކުރީގައި ޖަރުމަންގެ ކްލަބް ބަޔާން މިއުނިކްއިން އޭނާ ދޫކުރާކަށް އެއްބަސްވެފައެއް ނުވެއެވެ.
ފްރާންސްއަށް ނިސްބަތްވާ ހާނަންޑޭޒް ބަޔާންގެ ސްކޮޑްގައި މަސައްކަތް ކުރީ މިޑްފިލްޑަރެއްގެ ގޮތުގައެވެ.
މީގެ ކުރިން 2019 ވަނަ އަހަރު ހާނަންޑޭޒް އެތުލެޓިކޯ މެޑްރިޑާއި ގުޅުނީ 68 މިލިއަން ޕައުންޑަށް ފަސް އަހަރުގެ އެއްބަސްވުމެއްގެ ދަށުންނެވެ.
ހާނަންޑޭޒް ވަނީ މިދިޔަ ސީޒަނުގައި އޭނާގެ ކްލަބަށް 11 މެޗު ކުޅެދީފައިއެވެ. އެ ހުރިހާ މެޗެއް ވެސް ކުޅެފައިވަނީ މިދިޔަ އަހަރުގެ ނޮވެމްބަރު މަހު ވޯލްޑް ކަޕް ފެށުމުގެ ކުރިންނެވެ.