މިއަހަރުގެ މިހާތަނަށް އައިއިރު އަދިވެސް އެންމެ ގިނައިން ފަތުރުވެރިން ރާއްޖެއަށް ޒިޔާރަތްކުރަނީ ރަޝިޔާއިން ކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުގައި މިއަހަރު ފެށިގެން މިމަހުގެ 24 ވަނަ ދުވަހުގެ ނިޔަލަށް ރާއްޖެއަށް 394،200 ފަތުރުވެރިން ވަނީ ޒިޔާރަތްކޮށްފައެވެ. އޭގެ ތެރެއިން އެންމެ ގިނަ ފަތުރުވެރިން ޒިޔާރަތް ކޮށްފައިވަނީ ރަޝިއާއިންނެވެ.
ރަޝިޔާއިން ރާއްޖެއަށް 50،832 ފަތުރުވެރިން ޒިޔާރަތް ކޮށްފައިވާއިރު 44،597 ފަތުރުވެރިންނާއެކު ދެވަނައަށް އެންމެ ގިނަ ފަތުރުވެރިން ޒިޔާރަތް ކޮށްފައިވަނީ އިނގިރޭސިވިލާތުންއެވެ. މި ލިސްޓުގެ ތިންވަނަ ލިބެނީ އަވަށްޓެރި އިންޑިއާ އަށެވެ. އެގައުމުން 41،559 ފަތުރުވެރިން ރާއްޖެ އައިސްފައިވާއިރު ދެން އެންމެ ގިނަ ފަތުރުވެރިން ރާއްޖެ އަންނަނީ ޖަރުމަނާއި އިޓަލީ އަދި ފްރާންސުންނެވެ.
ކޮވިޑް-19ގެ ބަލިމަޑުކަމާ ގުޅިގެން ރާއްޖޭގެ ބޯޑަރު ބަންދުކޮށްފައި އޮތުމަށް ފަހު، 2020 ވަނަ އަހަރުގެ ޖުލައިމަހުގެ 15 ވަނަ ދުވަހު ބޯޑަރު އަލުން ހުޅުވާލިފަހުން، ފަތުރުވެރިންނަށް ހިދުމަތްދޭ 1،173 ތަނެއް މިހާރު ވަނީ އަލުން ހިދުމަތަށް ގެނެސްފައެވެ. މީގެތެރޭގައި ހިމެނެނީ، 168 ރިސޯޓާއި، 852 ގެސްޓްހައުސްގެ އިތުރުން 152 ސަފާރީއެވެ. މިއީ 54،478 ބެޑް ކެޕޭސިޓީއެވެ.
އަދި ހޯމްސްޓޭ ޓުއަރިޒަމްގެ ނަމުގައި ރަށްރަށުގައި މުޅިން ތަފާތު ވައްތަރެއްގެ ފަތުރުވެރިކަމެއް ވަނީ ތައާރަފުކޮށްފައެވެ.
ރާއްޖެއަކީ ފަތުރުވެރިންނަށް ރައްކާތެރި މަންޒިލަކަށް ހެދުމުގެގޮތުން، ޓޫރިޒަމް މިނިސްޓްރީން ފެށި ވެކްސިން ޕްރޮގްރާމުގެ ދަށުން މިހާތަނަށް 97.7 އިންސައްތަ ރިޒޯޓް މުވައްޒަފުން ވަނީ ވެކްސިން ފުރިހަމަ ކޮށްފައެވެ.
ސަރުކާރުގެ މިއަހަރުގެ އަމާޒައަކީ 1.6 މިލިއަން ފަތުރުވެރިން ރާއްޖެ ގެނައުމެވެ. ކޮވިޑާއި ގުޅިގެން ވަރަށް ބޮޑަށް ހީނަރުވެފައި އޮތް ރާއްޖޭގެ އިގްތިސާދު މިވަނީ މަޑުމަޑުން ރަނގަޅުވާން ފަށާފައެވެ.
ދެރަކަންކަން
މަ ހީކުރީ މިހާރު ތިން ބިހުން ދެ ބިހުގައި ލަނީ ހަވާދުކަމަށް
އެންމެ ގިނައިން ފަތުރުވެރިން ރާއްޖެ އަންނަނީ ރަޝިއާ އިންކަމަށް އެބަބުނެއެވެ. އެކަމަކު ރާއްޖެއިން ވޯޓުދެނީ ރަޝިއާ އާ ދެކޮޅަށެވެ. ބޯހަލާކު!
އެހެންވީމަ އަހަރެން ދުނިޔޭގެ އެންމެ ބާރު ގަދަ ގައުމުގެ ވެރިޔާ ، ޕޫޓިން އައް ތާއީދު ކުރަނީ.