23:57
އިންޑޮނޭޝިޔާ އިން ނެރުނު ސުނާމީގެ އިންޒާރު އުވާލައިފި
22:06
ރާއްޖޭގެ މޫސުމާއި ބެހޭ ގައުމީ އިދާރާ އިން ވިދާޅުވީ ބިންހެލުން އައީ މާލެ އާއި 5875 ކިލޯމީޓަރު ދުރަށް ކަމަށް.
— Maldives Meteorology (@MetMaldives) November 14, 2019
22:01
ޕެސިފިކް ސުނާމީ ވޯނިން ސެންޓަރުން ބުނާ ގޮތުގައި ގެއްލުން ބޮޑު ސުނާމީއެއް އުފެދުމުގެ ފުރުސަތެއް މިހާރު ނެތް.
22:00
ޕެސިފިކް ސުނާމީ ވޯނިން ސެންޓަރުން ނެރުނު އިންޒާރު ކެންސަލް ކޮށްފި. ނަމަވެސް އަދިވެސް އިންޑޮނޭޝިއާގެ މޫސުމާއި ބެހޭ އިދާރާ އިން ނެރުނު އިންޒާރު ކެންސަލެއް ނުކުރޭ.
21:59
ބިންހެލުން އައިސްފައި ވަނީ އިންޑޮނޭޝިއާގެ އުތުރުގައި އޮންނަ މުލަކޫ ނަމަކަށް ކިޔާ ރަށެއްގެ ކައިރިން ކަނޑުގެ އަޑިއަށް. އެމެރިކާގެ ޖިއޮލޮޖިކަލް ސާވޭ އިން ބުނާ ގޮތުގައި ބިންހެލުން އައިސްފައި ވަނީ ކަނޑުގެ 62 ކިލޯމީޓަރު އަޑިއަށް.
21:51
ސުނާމީގެ އިންޒާރު ނެރުނީ ބިންހެލުން އައި ސަރަހައްދާއި 300 ކިލޯމީޓަރު ދުރަށް. އެހެންކަމުން ސުނާމީގެ ނުރައްކަލެއް ދިވެހިރާއްޖެއަކަށް ނެތް. ނަމަވެސް މި ބިންހެލުމާއި ގުޅިގެން ރާއްޖޭގެ މޫސުމާއި ބެހޭ ގައުމީ އިދާރާ އިން އަދި އެއްވެސް އެއްޗެއް ވިދާޅެއް ނުވޭ.
21:50
އިންޒާރުގައި ބުނެފައި ވަނީ ގެއްލުންބޮޑު ސުނާމީއެއްގެ ރާޅުތަކެއް އުފެދުމުގެ ފުރުސަތު އެބައޮތް ކަމަށް.
21:49
އިންޑޮނޭޝިއާގެ މޫސުމާއި ބެހޭ ގައުމީ އިދާރާއިންނާއި ޕެސިފިކް ސުނާމީ ވޯނިން ސެންޓަރުން ވެސް ވަނީ ސުނާމީގެ އިންޒާރު ނެރެފައި.
އިންޑޮނޭޝިއާ އަށް 7.4 މެގްނެޓިއުޑްގެ ބިންހެލުމެއް އަތުވެއްޖެއެވެ. މި ބިންހެލުމާއި ގުޅިގެން ބައެއް ސަރަހައްދުތަކަށް ސުނާމީގެ އިންޒާރު ވަނީ ނެރެފައެވެ.
އަލްޙަމްދުލިއްލާހި ރައްބިލްޢާލަމީން