އިއްޔެ ދުނިޔޭގެ އެކި ސަރަހައްދުތަކުން ރެކޯޑް އަދަދެއްގެ މީހުން ކޮވިޑް-19 އަށް ފައްސިވެއްޖެއެވެ. ތަފާސް ހިސާބުތައް ދައްކާ ގޮތުގައި އިއްޔެ 656481 މީހަކު ވަނީ ކޮވިޑް-19 އަށް ފައްސިވެފައެވެ. އިއްޔެ އަކީ މިހާތަނަށް އެއްދުވަސް ތެރޭގައި އެންމެ ގިނަ މީހުން ކޮވިޑް-19 އަށް ފައްސިވި ދުވަހެވެ.
އިއްޔެ 9945 މީހަކު ވަނީ ކޮވިޑް-19 ޖެހިގެން މަރުވެފައެވެ. އިއްޔެ އަކީ މިހާތަނަށް ކޮވިޑް-19 ޖެހިގެން ދެވަނަ އަށް އެންމެ ގިނަ މީހުން މަރުވި ދުވަހެވެ.
ވަކިވަކި ބައްރުތަކަށް ބަލާއިރު އިއްޔެ އެންމެ ގިނަ މީހުން ކޮވިޑް-19 އަށް ފައްސިވީ ޔޫރަޕުންނެވެ. އިއްޔެ ޔޫރަޕްގެ ގައުމުތަކުން 280,080 މީހަކު ކޮވިޑް-19 އަށް ފައްސިވިއެވެ. ދެން އެންމެ ގިނަ މީހުން ފައްސިވީ އެމެރިކާ ހިމެނޭ އުތުރު އެމެރިކާ ބައްރުންނެވެ. އުތުރު އެމެރިކާ އިން އިއްޔެ 198,592 މީހުން ކޮވިޑް-19 އަށް ފައްސިވިއެވެ. އޭގެ ތެރެއިން 183,527 މީހުން ފައްސިވީ ހަމައެކަނި އެމެރިކާ އިންނެވެ.
އޭޝިއާ އިން އިއްޔެ 99,954 މީހުން ކޮވިޑް-19 އަށް ފައްސިވިއެވެ. އޭޝިއާގެ ގައުމުތަކުގެ ތެރެއިން އިއްޔެ ވެސް އެންމެ ގިނަ މީހުން ފައްސިވީ އިންޑިއާ އިންނެވެ. އިންޑިއާ އިން އިއްޔެ 45,343 މީހަކު ކޮވިޑް-19 އަށް ފައްސިވިއެވެ. ދެކުނު އެފްރިކާ އިން އިއްޔެ 62,898 މީހަކު ކޮވިޑް-19 އަށް ފައްސިވިއެވެ.
ކޮވިޑް-19 އަށް ފައްސިވާ މީހުންގެ އަދަދު ޔޫރަޕާއި އެމެރިކާގައި އިތުރު ވަމުން އަންނައިރު ހުޅަނގުގެ ގައުމުތަކަށް ފިނި މޫސުން އައުމާއިއެކު ހާލަތު ގޯސްވެ މަރުވާ މީހުންގެ އަދަދު އެތައް ގުނައެއް އިތުރުވެގެން ދާނެ ކަމުގެ އިންޒާރު ތަޖުރިބާކާރުން ދަނީ ހުއްޓުމެއްނެތި ދެމުންނެވެ.
