ބޮލީވުޑް އަދި ހޮލީވުޑްގައި މިހާރު އަރަމުން އަންނަ ތަރި ޕްރިޔަންކާ ޗޯޕްރާ ދަނީ އޭނާގެ ފިރިމީހާ އަދި ލަވަކިޔުންތެރިޔާ ނިކް ޖޯނަސްގެ ޓުއާގައި ބައިވެރިވަމުންނެވެ. އެ ޓުއާގެ ވީޑިއޯތަކާއި ފޮޓޯތައް އޭނާ ވަަރަށް ގިނައިން މީސް މީޑިއާގެ އެކި ޕްލެޓްފޯމްތަކުގައި ހިއްސާ ކުރެއެވެ.
މި ދަތުރުގެ ތެރެއިން ފިރިމީހާ ދެކެ ވާ ލޯބި ހާމަ ކުރުމަށް ޕްރިޔަންކާ ވަނީ ލޯބީގެ ޕޯސްޓެއްވެސް ކޮށްފައެވެ. އެ ޕޯސްޓްގައި ޕްރިޔަންކާ ބުނީ، ތިކަހަލަ ބައިވެރިއަކު ހުރުމަކީ އޭނާއާއި ދަރިފުޅަށްވެސް ނަސީބެއް ކަމަށެވެ.
"ތިއީ ދަގައްފާނެއް، ތިކަހަލަ ބައިވެރިއަކު ހުރީތީ އަހަރެންނާއި ދަރިފުޅަށްވެސް މިއީ ނަސީބެއް، އާ ޓުއާގެ ފަށައިގެން ކުރިއަށްގެންދާތީ މަރުހަބާ ކިޔަން.".
ނިއުޔޯކްގެ މަޝްހޫރު ޔަންކީ ސްޓޭޑިއަމްގައި ބޭއްވި ޖޯނަސް ބްރަދާސް ކޮންސެޓްގައި ބައިވެރިވި ޕްރިޔަންކާ ވަނީ އޭނާގެ ފިރިމީހާ ނިކް އާއި އޭނާގެ ހުނަރުވެރި އެއްބަނޑު އެއްބަފާ ދެބެން ކަމަށްވާ ޖޯ އާއި ކެވިން އަށް ހިތްވަރު ދީ ކަންކަން ކޮށްފައެވެ.
މި ކޮންސާޓްގައި ސޯފީ ޓާނަރ އާއި ގާތް ރަހުމަތްތެރިންނާއި މުޅި ޖޯނަސް އާއިލާ ހިމެނެއެވެ. އިލެކްޓްރިފިކޭޝަން ހަރަކާތަށް މީސް މީޑިއާގައި ބޮޑު ސަމާލުކަމެއް ލިބުނުއިރު، ގިނަ ފޮޓޯތަކަކާއި ވީޑިއޯތަކުން އެ އުފާވެރިކަން ވަނީ ދައްކުވައިދީފައެވެ.
މި ދެތަރިން ހިއްސާކުރާ މި ލޯބީގެ ބަސްތަކަށް ސަޕޯޓަރުންގެ ލޯބި އިތުރުވެގެން ދާ ކަހަލައެވެ.
ނިކް މި ދަތުރުގެ އިތުރު ފޮޓޯތަކަށް އިންތިޒާރު ކުރާ ކަމަށެވެ.
ދެން އަޅެ ނިކު އެއްކޮށް ޕީ.ސީ ހުރި ފޮޓޯ ނުލާ ބަޔަ. އަހަރެން ޖެލަސް ވެޔޭ!