ހަންކެޑެ ސަރަހައްދުގައި އިންޑިއާގެ އެފްކޮންސް އިންފްރާންސްޓްރަކްޗާއިން ހަދަމުންދާ ބްރިޖްގެ 200 މީޓަރުގައި ތާރު އަޅައިފިއެވެ.
އިމާރާތްކުރުމާއި ބިނާރާ ބެހޭ ވުޒާރާއިން ބުނީ އައްޑޫގެ ފޯ-ލޭން ޑީޓުއަރ ލިންކްގައި ތާރު އެޅުމުގެ މަސައްކަތް މި މަހުގެ 18 ވަނަ ދުވަހު ފަށާފައިވާ ކަމަށެވެ.
މި މަޝްރޫޢުގައި ދެ ބްރިޖާއި ތިން އެމްބޭންކްމަންޓްސް ހިމެނެއެވެ. މި ލިންކްގެ ދިގުމިނުގައި 1.463 ކިލޯމީޓަރު ހުންނައިރު، މިހާތަނަށް 200 މީޓަރުގައި ތާރު އެޅިފައިވާ ކަމަށް އެ ވުޒާރައިން މައުލޫމާތު ދެއްވައެވެ.
2021 ގެ އޮކްޓޯބަރު މަހުގެ ތެރޭގައި މި މަޝްރޫއުގެ މަސައްކަތް ފެށިއިރު، މިއީ 1.4 ކިލޯމީޓަރުގެ ހަތަރު ލޭން ހިމެނޭ ބްރިޖެކެވެ.
ހަންކެޑެ ތަރައްގީ ކުރަނީ އެ ރަށާއި ގައުކެނޑިއާ ދެމެދު އޮތް ބްރިޖު ބަދަލުކޮށް، އެ ހިސާބުގައި ވަކި ބްރިޖް އަޅައިގެންނެވެ.
ހަންކެޑެ ވަށައިގެން ބްރިޖެއް ހެދުމުގެ ބޭނުމަކީ އެތަން ފަތުރުވެރިކަމަށް ތަރައްގީ ކުރުމަށް ބޭނުންވާ ޕްރޮޖެކްޓަށް ހަންކެޑެ ވަކި ކުރުމެވެ.
ހަންކެޑެ އަކީ ރިއަލް ސްޓޭޓް ޓޫރިޒަމަށް ސަރުކާރުން ހަމަޖައްސާފައިވާ ތަނެކެވެ. މި މަސައްކަތް ކުރުމަށް ނިންމާފައިވަނީ ޑިސެމްބަރު 2، 2021 ގައެވެ.
ހަންކެޑަ ތަރައްގީ ކުރުމަށް ހަމަޖެހިފައިވަނީ މޯލްޑިވްސް ފަންޑް މެނޭޖްމަންޓް ކޯޕަރޭޝަން އެމްއެފްއެމްސީ އިންނެވެ.
މިއީ ވަރަށް ބޭކާރު ބްރިޖެއް،ހަންކެޑެ ސަރަހައްދުގެ ޓުއަރިޒަމަށް އޮތްފުރުސަތުުު ގެއްލޭ ކޮސް ކަމެއް.އެތަނުގެ ގުދުރަތީމާހައުލުުު ހަލާކުކޮށް ބީޗް ކުރިމަތީ މިބޭއްވީ ބޮޑު ކޮންކްރީޓްގަނޑެއް،ރަށުގެ ހައުސްރީފްވެސް ފުނޑިއްޖެ. ދެން ދޮންމީހާ،މިތަނުގަ ކީއްބާ ކުރާނީ ހޮލިޑޭއަށް އައިސް.ބޮޑަށް ބެލެވެނީ މިއީ އމްޑީޕީިި ސަރުކާރުން އައްޑުއަތޮޅުގަ ރާ އާންމުކުރުމަށް ހިންގި ކަމެއްކަމަށް.
ކަކުތާފެން ހުރި ތަނެއް ހިއްކާފަ މަގެއް ހަދާލުމަކީ ބްރިޖެއް ކަމަށް ދެކޭ ބަޔަކު އައްޑޫގައި ދިރިއުޅޭބާ؟