ޓީ-ޖެޓީ ސަރަހައްދަށް ކުނި އެޅި މީހަކު ހޯދާ ޖޫރިމަނާކޮށްފިއެވެ.
މާލެ ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނެފައިވަނީ ޓީ ޖެޓީ ސަރަހައްދަށް ކުނި އަޅަމުންދާ ފަރާތެއް ވަނީ ހޯދާ ޖޫރިމަަނާ ކޮށްފައި ކަމަށެވެ. ކައުންސިލުން އެ މީހާގެ ފޮޓޯ ވެސް އާންމުކޮށްފައި ވެއެވެ.
އެ ފޮޓޯއިން ފެންނަ ގޮތުގައި އެ ސަރަހައްދަށް ކުނި އަޅައިގެން ޖޫރިމަނާކޮށްފައިވަނީ ދިވެހި ފިރިހެނެކެވެ.
މާލެ ސަރަހައްދުގައި މަގުތައް ކުނި އެޅުމުގެ މައްސަލަ ބޮޑު ވެގެން ދިޔައީ ނިމިދިޔަ ރޯދަ މަހާއި ދިމާކޮށެވެ. މަގުތަކުގައި ކުނި ގިނަ ހިނގާބިނގާވެ އުޅުމަށާއި ދުއްވާ އެއްޗިއްސަށް އުނދަގޫތަކާއި ކުރިމަތިވިއެވެ.
އާންމުކޮށް ކުނި އަޅާ ކަމަށް ފާހަގަވާ ތަންތަން:
- އަލަމާ ގޯޅި
- ކެނެރީ ގޯޅި
- ހަދީބީ މަގު
- އޯޑިއޯން ގޯޅި
- މާވެޔޮ މަގު ފަތަހަ ކަންމަތި
- ހެންވޭރު ސަހަރާ ކަންމަތި/ ކާސިންޖީ މަގު
- ބަރުޖޯރާ ގޯޅި ކަންކަމަތި
- ޕިއްޒާ ބޯނާ ގޯޅި
- ދިލްބަހާރު މަގު/ ދަގަނޑުކެނޑި ގޯޅި ކަންމަތި
- ޖަމާލުއްދީން ސްކޫލް ކުރިމަތީ ހަނި ގޯޅި
މާލެ ސިޓީ ކައުންސިލުން ވިދާޅުވީ، މާލޭ މަގުމަތީ ކުނި ބަހައްޓަމުންދާ މީހުން ފާހަގަކުރަމުންދާ ކަމަށާއި އެގޮތަށް ކުނި ބަހައްޓާ މީހުންގެ ފޮޓޯ އަދި ވީޑިއޯ 9341144 ނަންބަރަށް (ވައިބަރ/ވަޓްސްއެޕް) ކޮށްދިނުމަށް އެދޭ ކަމަށެވެ. އަދި ވެބްސައިޓު މެދުވެރިކޮށް ކުނި އަޅާ މީހުންގެ ފޮޓޯ އާއި ވީޑިއޯ ފޮނުވޭނެ ކަމަށް ވެސް ވިދާޅުވެފައި ވެއެވެ.
ކުނި އެޅިމީހާ ޖުރުމަނާ ކުރުމަކީ ހައްލެއްނޫން ހައްލަކީ ކުރިންވެސް އަމަލުކުރަމުންދިޔަ ގޮތަށް އަމިއްލައަށް ޕިކަޕެއްގަ ނޫނީ ސަިކަލުގަވެސް ކުނިކޮޅު އުކާލަން ބޭނުންވާ މީހާއަށް އަގނު ނެގުމަކާނުލައި ސަރުކާރުން އެފުރުސަތު ތަނަވަސްކޮށްދިނުން އަގު ނުނަގާވާހަހަ މި ބުނީ ކުނިން އަގު ނެގުމާ ޕިކަމުން ސަރުކާރަށް އަނަގާ އަގު ގެވާހަކަ މަހަކު މަޖުބޫރުން ކޮންމެ ކަރަންޓު މީތަރަކުން 150 ރުފިޔާ ފޭރިގަނމެފަވެސް މިގެންދަނީ ވަކިބާވަތެއްގެކުނި އެހެންވީމާ މިކަން ހަމަޖހޭ ގޮތަކަށް ބަދަލުކޮށްގެން މިކަން ހައްލުވާނީ އަމިއްލަ މީހާޔަށް އަގަކާނުލައި ކުނި އުކާނުލެވޭނަމަ މަގުމައްޗަށްވެސް އަޅާނެ