ރޭ ހައްޔަރު ކުރި ރާއްޖެޓީވީގެ ނޫސްވެރިން މިނިވަން ކުރުމަށް ކޮމިޓީ ޓު ޕްރޮޓެކްޓް ޖަރނަލިސްޓްސް (ސީޕީޖޭ) އިން ގޮވާލައިފިއެވެ.
ރޭ ހައްޔަރު ކޮށްފައި ވަނީ ރާއްޖެޓީވީ ތިން މުވައްޒަފުން ކަމަށްވާ މުހައްމަދު ފަޒީން، މުހައްމަދު ވިސާމް އަދި އާމިރު ސަލީމްއެވެ. މައުލޫމާތު ލިބިފައިވާ ގޮތުގައި މި ތިން މީހުން ހައްޔަރުކޮށްފައި ވަނީ ފުލުހުންގެ ޔުނިފޯމުގައި ބަޔަކު އިންޒާރުދީ އާންމު ކުރި ވީޑިއޯއާއި ގުޅިގެންނެވެ.
ރޭ ކޮމިޓީ ޓު ޕްރޮޓެކްޓް ޖަރނަލިސްޓްސް އިން ކުރި ޓުވީޓެއްގައި ވަނީ އެ ތިން މުވައްޒަފުން ދޫކޮށްލަން ގޮވާލާފައެވެ. އަދި އެ ޖަމިއްޔާގެ ޑެޕިއުޓީ އެގްސެކެޓިވް ޑައިރެކްޓާ ރޮބާޓް މެހޮނޭގެ ބަހެއް ހިމެނޭ ޓްވީޓެއްވެސް ވަނީ ކޮށްފައެވެ.
އެ ޓްވީޓުގައި ބުނެފައި ވަނީ ގާނޫނު އަސާސީ އިން ކަށަވަރުކޮށްދޭ ރައްޔިތުންނަށް ހިޔާލުފާޅު ކުރުމުގެ މިނިވަންކަން ދިވެހި ސަރުކާރުން ދޭންޖެހޭނެ ކަމަށާއި އެއްވުންތައް ކަވަރު ކުރަން ދިވެހި ފުލުހުންނާއި ސިފައިން ބޭނުންކޮށްގެން ސެންސަރު ކުރުން ހުއްޓަން ޖެހޭ ކަމަށެވެ.
CPJ called on Maldivian authorities to immediately release three @Raajje_tv journalists who, according to their pro-opposition station, were detained on Friday over their coverage of anti-government protests in the capital, #Malé. #Maldives
— Committee to Protect Journalists (@pressfreedom) March 16, 2018
"The government in the #Maldives must respect the constitutional rights of all citizens to freedom of speech and stop using the police to censor coverage of protests. Police must immediately and unconditionally release the three @Raajje_tv journalists." @RobertMMahoney
— Committee to Protect Journalists (@pressfreedom) March 16, 2018
ރޭ ހައްޔަރު ކުރި ނޫސްވެރިންގެ ތެރެއިން މުހައްމަދު ފަޒީން ހައްޔަރު ކުރީ މުޒާހަރާ ކަވަރު ކުރަން ހުއްޓައެވެ. އަދި އާމިރު ސަލީމް ހައްޔަރު ކުރީ ރާއްޖެޓީވީ ހެޑް އޮފީސް ކައިރީގައި ހުއްޓައެވެ. ނަމަވެސް ވިސާމް ހައްޔަރު ކުރީ ކޮންތަނަކުން ކަމެއް ސާފެއް ނުވެއެވެ.
މި ޤައުމުގަ މިނިބަންކަމޭކިާފަ ފިތުނަ އުފަށްދާކަށް ޖާގައެއް ނުދެވޭނެ.
ވިސާމު ހައްޔަރުކުރީ ގެއެއްގެ ފާޚާނާތެރެއިން
ނުޖެހޭ ދޫކޮށްލާކަށް. ނޫސްވެރިއަކަށް ވުމަކީ ޖިނާއީ ކުށްތައް ކުރުމަށް ލައިސަންސް ލިބުމެއްނޫން.