ޕްރައިމަރީން ބަލިވިޔަސް އިންތިހާބުގައި ވާދަކުރެވޭ ގޮތް ހަދަން އެމްޑީޕީގެ ޕްރައިމަރީގެ ކާށިދޫ ދާއިރާގެ ޕްރައިމަރީން ނާކާމިޔާބުވެވަޑައިގެންނެވި އަބްދުﷲ ޖާބިރު ސްޕްރީމް ކޯޓަށް މައްސަލައެއް ހުށަހަޅުއްވައިފިއެވެ.
އެމްޑީޕީގެ ޕްރައިމަރީގެ ކާށިދޫ ދާއިރާގެ ޕްރައިމަރީން އަބްދުﷲ ޖާބިރު ނާކާމިޔާބުވިއިރު އަނބިކަނބަލުން ދިޔާނާ ސައީދަށް ވެސް ވަނީ ލަތުވެތިގޮތަކަށް ވިލިގިލީ ދާއިރާގެ އެމްޑީޕީގެ ޕްރައިމަރީ ނާކަމިޔާބުވެފައެވެ.
Rayyithunge Majilis Memberunge sharuthuthah Qaanoon Asaasyga kalhaai hudhun vany liyevifa! Eyge beyrun sharuthu kurumuge baareh evves meehakah nei! Gaanoonu Asaasy aa hilaafu, e maahdhaa baathil kuran Suprem Court gai edhijjain!
— Abdulla jabir (@chairmanjabir) February 11, 2019
17 ވަނަ ރައްޔިތުންގެ މަޖިލީހުގައި ޖާބިރު ކާށިދޫ ދާއިރާގެ މެންބަރުކަން ކުރެއްވިއެވެ. އެހެންނަމަވެސް، މުޅި ދައުރު އެއްކޮށް މެންބަރުކަން ނުކުރައްވައެވެ. އޭނާ އެދާއިރާގެ ގޮނޑި ހޯއްދެވީ ބައި-އިލެކްޝަން އެއް ކާމިޔާބު ކުރައްވައިގެންނެވެ. ޖާބިރު ވިދާޅުވެފައިވަނީ އެމްޑީޕީން ކުރިއަށް ގެންދިޔަ ޕްރައިމަރީގެ ތެރެއިން ބޮޑެތި އޮޅުވާލުންތަކެއް ހިނގާފައިވާކަމުގައެވެ.
މިކަމުގެ ސަބަބުން އޭނާ ނާކާމިޔާބީއަކާ ކުރިމަތިލައްވަން ޖެހިވަޑައިގެންނެވިއިރު، މި އޮޅުވާލުންތައް ހިންގާފައި ނުވާނަމަ އޭނާއަށް ޕްރައިމަރީ ކާމިޔާބު ކުރެއްވުނީސްކަމަށް ދެކެވަޑައިގަންނަވައެވެ.
