ރައްޔިތުންގެ މަޖިލިސް އިންތިޚާބުގައި ވާދަކުރައްވާ އެއްވެސް ކެންޑިޑޭޓަކަށް ދެން ނަން އަނބުރާ ގެންދިއުމުގެ ފުރުސަތު ނުދިނުމަށް އިލެކްޝަންސް ކޮމިޝަނުން ނިންމައިފިއެވެ.
އިލެކްޝަންސް ކޮމިޝަނުން ދެން ކުރި ޓްވީޓެއްގައި ބުނީ ރައްޔިތުން މަޖިލީހުގެ އިންތިޚާބުގެ ވޯޓް ކަރުދާސް ޗާޕް ކުރުމަށް މިއަދު ހަވާލު ކުރުމާއި ގުޅިގެން ކެންޑިޑޭޓުން ނަން އަނބުރާ ގެންދިއުމުގެ ފުރުސަތު މިއަދުން ފެށިގެން ނުދިނުމަށް ކޮމިޝަނުން ނިންމާފައިވާ ކަމަށެވެ.
Rayyithunge Majileehuge Inthikhaab 2019 ge vote karudhaas chaapu kurumah miadhu havaalu kurumaa gulhigen, candidatun nan anbura gendhiyumuge furusathu miadhun feshigen nudhinumah commission in ninmaifi
— Elections Commission (@ElectionsMv) March 19, 2019
މަޖިލިސް އިންތިޚާބު އޮންނާނީ އޭޕްރިލް މަހުގެ 06 ވަނަ ދުވަހު އެވެ. އެހެންކަމުން ދެން އިންތިޚާބު ޖެހެން އޮތީ 18 ދުވަހެވެ.
ނަން އަނބުރާ ގެންދިއުމުގެ ފުރުސަތު ކެންޑިޑޭޓުންނަށް ބަންދު ކުރިއިރު އިއްޔެ ވެސް ބައެއް ކެންޑިޑޭޓުން ވަނީ ނަން އަނބުރާ ގެންގޮސް އިންތިޚާބުގައި ވާދަނުކުރަން ނިންމާފައެވެ. އިންތިޚާބުގައި ވާދަކުރަން ކުރިން ފެށިގެން އިއުލާން ކޮށް ކެމްޕޭން ކުރެއްވި ބައެއް ބޭފުޅުން ވަނީ އިލެކްޝަންސް ކޮމިޝަނުން ކެންޑިޑޭޓް ނަމްބަރު ތަރުތީބު ކުރުމުގެ ކުރިން ވެސް ނަން އަނބުރާ ގެންގޮސްފައެވެ.
އިންތިޚާބުގައި ވާދަނުކުރަން ނިންމާ ނަން ގެންދެވި ބައެއް ބޭފުޅުން ވަނީ އެބޭފުޅުންގެ ދާއިރާތަކުން ވާދަކުރައްވާ އެހެން ކެންޑިޑޭޓުންނަށް ތާއިދު ކުރަން ވެސް ނިންމަވާފައެވެ.
ކެޑިޑޭޓް ނަންބަރު ތަރުތީބުކުރި ދުވަހު ސަރީފް ވިދާޅުވި ނަން އަބުރާ ގެންދިއުން މިވަގުތަށް ބަންދުވީއޭ، ކީކޭ މިކިޔަނީ
ހަރާން ލާރިގަނޑު އަދިވެސް ހަޖަމް ނުވަނީތަ؟