ހއ.ދިއްދޫ ޕޮލިސް ސްޓޭޝަންގައި މަސައްކަތްކުރާ ފުލުހުންތަކެއް ކޮވިޑް-19 އަށް ފައްސިވެއްޖެއެވެ.
މަޢުލޫމާތު ލިބިފައިވާ ގޮތުގައި ދިއްދޫން ކޮވިޑް-19 އަށް ފައްސި ވެފައިވަނީ އެރަށު ޕޮލިސް ސްޓޭޝަންގައި މަސައްކަތްކުރާ 3 ފުލުހެކެވެ. އެތިން ފުލުހުންނަކީ ވެސް ކޮވިޑް-19 އަށް ފައްސިވި ކުޅުދުއްފުށީ ޕޮލިސް ސްޓޭޝަންގައި މަސައްކަތް ކުރާ ފުލުހާއި ބައްދަލުވި ބައެކެވެ.
ކުޅުދުއްފުށީ ޕޮލިސް ސްޓޭޝަންގައި މަސައްކަތް ކުރާ ފުލުހަކު ކޮވިޑް-19 އަށް ފައްސިވުމުން އުތުރުގެ 3 އަތޮޅުން އިތުރު 88 ސުންކު (ސާމްޕަލް) މިއަދު ވަނީ ނަގާފަ އެވެ. އޭގެތެރޭގައި ހިމެނެނީ ހއ.ހޯރަފުށިން 8 ސުންކު، ދިއްދޫއިން 23 ސުންކު، ކުޅުދުއްފުށިން 23 ސުންކު، ށ.މިލަންދޫއިން ދެ ސުންކު، ފޯކައިދޫން ހަ ސުންކު، ކަނޑިތީމުން ދެ ސުންކު އަދި ފުނަދޫއިން 24 ސުންކުއެވެ.
ކުޅުދުއްފުށިން ފުލުހަކު ކޮވިޑް-19 އަށް ފައްސިވުމުން ހަރަށެއް މޮނިޓަރިންގެ ހާލަތައް ގެނައެވެ. އޭގެތެރޭގައި ދިއްދޫ ވެސް ހިމެނެއެވެ. ނަމަވެސް އެއްދުވަސް ފަހުން ހުރިހާ ރަށެއްގެ މޮނިޓަރިން ހާލަތު ވަނީ އުވާލާފައެވެ.
ކުޅުދުއްފުށިން ކޮވިޑް-19 އަށް ފައްސިވި ފުލުސް ހިމެނޭ ކްލަސްޓާ އިން މިހާތަނަށް އަށް މީހަކު ވަނީ ކޮވިޑް-19 އަށް ފައްސިވެފައެވެ.
މިރޭ ކުރިއަށް ގެންދިޔަ ނޫސްވެރިންގެ ބައްދަލުވުމެއްގައި ޑރ.ނަޒްލާ ރަފީގު ވިދާޅުވީ ކުޅުދުއްފުށިން ކޮވިޑް-19 އަށް ފައްސިވި ފުލުހަކީ މާލެ އިން އުތުރުގެ ރަށްތަކަށް ދަތުރުކޮށް ފުލުހުން ހިންގި އޮޕަރޭޝަނެއްގައި ބައިވެރިވި ފުލުހެއް ކަމަށެވެ.
މި ކްލަސްޓާއާ ގުޅިގެން ށ ފުނަދޫން ނެގި ހުރިހާ ސުންކު ވަނީ ނައްސި ވެފައެވެ. އެއީ 16 ފުލުހުންނާއި އާންމުންގެ 11 މީހެކެވެ.
ފުލުހުން އޮޕަރޭޝަން ހިންގަންވީމަ ކަރަންޓީނު ވެސް ނުއޮވޭތޯ؟
މާލޭ ކޮޅުން އައްނަ ފުލުހުން ކަރަންޓީނު ވާ ކައް ނުޖެހޭތަ! ފުލުހުންނާހެދި ރައްޔިތުން މިހާރުތިބީ ބިރުވެރި ކަމެއްގާ😡
މަގޭ ބުނާނީ ހ.އ ދިއްދުއަށް ކޮވިޑް-19 ގެނައީ ފުލުހުންނެވެ. މިމީހުންގެ ކޮންޓެކްޓުން ވަރަށް ގިނަ. މިއީ ކަންބޮޑުވާންޖެހޭ ކަމެއް😠😠😠😠
ޜާއްޖެ އަށް ކޮވިޑް ގެނާ މީހާ ކޮބާތަ ގުންބޯ ސަރުކާރު