ވެރިކަމަށް އައުމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދުވެސް ޖުމްހޫރީ ޕާޓީގެ ލީޑަރ ގާސިމް އިބްރާހިމްގެ އެހީތެރިކަން ހޯއްދެވި ކަމަށް އެމްޑީޕީގެ ކުރީގެ ޗެއާޕާސަން މޫސާ މަނިކު (ރީކޯ) ވިދާޅުވެއްޖެއެވެ.
ރީކޯ މޫސަ މިގޮތަށް ވިދާޅުވެފައި މިވަނީ، ޖުމްހޫރީ ޕާޓީގެ ލީޑަރ އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު ޤާސިމް އިބްރާހީމާއި ބައްދަލު ކުރައްވަން ރައީސް ސޯލިހް މާމިގިއްޔަށް ވަޑައިގަތުމުން އެކަމާއި ގުޅިގެން، ރައީސް ނަޝީދު ނުރުހުން ފާޅު ކުރައްވާފައިވާ ދަނޑިވަޅެއްގައެވެ.
އެމްޑީޕީގެ މެމްބަރުން ތިއްބަވާ ގްރޫޕަކަށް ނަޝީދު ފޮނުއްވި މެސެޖެއްގައި ވިދާޅުވީ ރައީސް ސޯލިހް ރިޔާސީ ރޭހަށް ނުކުންނަވާނެކަން އިއުލާނު ކުރެއްވީ ކޯލިޝަންގެ ބައިވެރިން ތިބޭނެ ކަމަށް ބަލައިގެން ކަމަށާއި އެކަމަކު މިހާތަނަށް ޖުމްހޫރީ ޕާޓީން އެކަމުގައި ގޮތެއް ނިންމާފައިނުވާ ކަމަށެވެ.
ރައީސް ސޯލިހް ދެވަނަ ދައުރަކަށް ނުކުންނަވާނެކަން އިއުލާނު ކުރެއްވުމާއިއެކު ބައެއް ނޫސްތަކާއި ވާހަކަދައްކަވަމުން ޖުމްހޫރީ ޕާޓީގެ ލީޑަރ ގާސިމް ވިދާޅުވީ އެޕާޓީން ވެސް ރިޔާސީ ރޭހުގައި ވާދަކުރައްވާނެ ކަމަށެވެ. ނަމަވެސް ކޯލިޝަނާ މެދުގައި އެއްޗެއް ދަންނަވަން އަދި މާ އަވަސް ކަމަށް ވިދާޅުވިއެވެ. އޭގެ އެއް ދުވަސް ފަހުން ރައީސް ވަނީ ގާސިމާ ބައްދަލުކުރައްވާފައެވެ.
މިކަމާ ގުޅިގެން އެމްޑީޕީ އުފެއްދުމުގައިވެސަ އިސްކޮށް ހަރަކާތްތެރިވެ ވަޑައިގެންނެވި ބޭފުޅުންގެ ތެރޭގައި ހިމެނޭ ރީކޯ މޫސާ މަނިކު ވިދާޅުވީ 2008 ވަނަ އަހަރު ބޭއްވި ރިޔާސީ އިންތިޚާބު ކާމިޔާބުކުރަން ގާސިމްގެ އަރިހަށް ރައީސް ނަޝީދު ވަޑައިގެންނެވި ކަމަށެވެ.
އެގޮތުން އޭނާ ވިދާޅުވީ 2013 ވަނަ އަހަރު ނަޝީދަށް ވެރިކަން ހޯދައިދޭން ވެގެން އޭރުގެ އެމްޑީޕީގެ ޕާލިމެންޓްރީ ގުރޫޕްގެ ލީޑަރު އަދި މިހާރު ވެރިކަމުގައި ހުންނެވި ރައީސް ސާލިހްގެ އަތްޕުޅަށް ޗެކެެއް ދިނުމަށްފަހު ގާސިމްގެ ގެކޮޅު، މާފަންނު ވިލާއަށް ފޮނުއްވި ކަމަށް ގާސިމް ޓީވީގައި ވިދާޅުވިއަޑު އެއްސެވި ކަމަށެވެ.
މީގެ އިތުރުން 2018 ވަނަ އަހަރު ގާސިމް ޖަރުމަނުގައި ހުންނަވަނިކޮށް ރައީސް ނަޝީދު ގުޅުއްވި ކަމަށް ގާސިމްް ވިދާޅުވި ކަމަށް ވެސް މޫސަ ވިދާޅުވިއެވެ.
"2018 ވަނަ އަހަރު ގާސިމް ޖަރުމަނުގައި ހުއްޓާ ނަޝީދު ގުޅި ވާހަކަ ގާސިމް ބުނި" އޭނާ ވިދާޅުވިއެވެ.
ރައީސް ސާލިހް ވަނީ މިދިޔަ ހުކުރު ދުވަހު މާމިގިއްޔަށް ވަޑައިގެން އެރަށް ކައިރީގައި އޮންނަ ސަން އައިލެންޑް ރިސޯޓްގައި ގާސިމާއި ބައްދަލުކުރައްވައި މަޝްވަރާ ކުރައްވާފައެެވެ. މިބައްދަލުވުމުގައި މަޝްވަރާ ކުރެވުނު ކަންތައްތަކުގެ ތަފްސީލެއް އަދި އެއްވެސް ފަރާތަކުން ހާމަކޮށްފައެއް ނުވެއެވެ. އެކަމަކު އެއީ ރިޔާސީ އިންތިހާބާއި ގުޅޭ މަޝްވަރާއެއްކަމަށް ސިޔާސީ މަޝްރަހު ދިރާސާ ކުރައްވާ ފަރާތްތަކުން ވިދާޅުވެއެވެ.
ރާއްޖޭގައި މަލްޓި ޕާޓީ ޑިމަކްރަސީ ގާއިމްކުރި ފަހުން ބޭއްވުނު ހުރިހާ ރިޔާސީ އިންތިހާބެއްގައި ވެސް ވެރިކަމަށް އަންނަނީ އެއް ޕާޓީއަށް ވުރެ ގިނަ ޕާޓީތައް އެކުވެގެން އުފައްދާ ކޯލިޝަނަކުންނެވެ.
މިދިިޔަ 50 އަހަރު ތެރޭގައި ސަރުކާރު ހިންގި މީހުން ވަނީ ބޮޑެތި ރިބާލޯނު ނަގާ އެމީހުނަށް ފައިދާ ލިބޭ ގޮތަށް އެލޯން ރައްޔިތުންނަށް ވެސް ދޫކޮށްފައި، ލޯން ނުނެގި މީހުނަށް ފުލެޓް އަޅާދީ ފުލަޓެއް އެއްޗެއް ދީގެން ވެސް ރިބާލޯން ދަރަނި އެންމެންގެ ބޮލުގައި އަޅުވާފައި މިވަނީ ! ރިބާ ކެއުން ހުއްޓާލާނެ ސަރުކާރެއް ހޯދަން އެބަޖެހޭ !
އެއީއޭރު މިހާރު ގާސިމު މައުމޫން މިމީހުންބުނެގެންވޯޓެއްނުދޭނެ ނިމިދިއަ މަޖިލީސްއިން ތިހާބުގަ ތަމްސީލުކުރާދާއިރާއިންލިބުނު ވޯޓްބެލީމަފެނޭ ތާއިދުއޮއްވަރު އިބޫކޯލިޝަނައްލިބޭނީ 10 ޔާމީން ނަޝީދު އަދިވެސް ވޯޓްހޯދާނީ އިބޫއައްވާނީ ރ ވަހީދައްވީވަރު އޭރުވެސް ތިއިއްތިހާދު ތަފާތީ އަހަރުތަކެއް ކޮންމެ އިންތިހާބަކައްފަހު ސިޔާސީމައިދާނުންފެއިލްވާބަޔަކުތިބޭނެ ދެންއެމީހުން ގެދޮޝުޓީމެއްހަދާ ތިބޭނީ މޫސަވެސްމިހާރުއެލިސްޓްމީހެއް
ރީކޯ މޫސަ މީރާއަށް ނުދައްކާ އޮތް ރިސޯޓު ކުލި ދައްކާލަބަލަ. އަދި ބުނަން. ބަރާބަރަށް ޓެކްސްވެސް ދައްކައްޗޭ. އަހަރުމެން މެދު ފަންތި މިތިބީ ފުނޑިފައި ލެއްވިއްޔާ ލެއްވިހާ އެއްޗެއް މީރާއެވެ ކިޔުނު ފައިސާކާ މެޝިނަށް ލާރި ދައްކާ ދައްކާ. ކަލޭވެސް ތިހެން ސިޔާސީ ގޮތުން ޕޮއިންޓު ހޯދާން މޮޅު ވާހަކަ ދައްކައިގެން ތިހުންނަނީ ރައްޔިތުންނަށް ހަރާންކޯރުވެގެން އަމިއްލަ މީހާގެ މުޅި އާއިލާ ދުބާއީގައި ބައިތިއްބައިގެން ރިސޯޓު ހިންގައިގެން މިލިއަނުން ބިލިއަނުން ފައިދާ ނަގައިގެން އަޗާ ތަޅަނީ. މި ރީކޯ މެންގެ މައްޗަކަށް ގާނޫނެއް ގަވައިދެއް ނުހިނގާ އެއީ ސޯލިހަށް ސަޕޯޓުކުރާތީ. އަދި އެގްރޫޕްގައި އުޅޭނެ ސޯލިހުގެ ޅިއަނު ސިއްކަގޭ މީހެއްގެ ފިރިމީހާއެވެ ކިޔުނު ސިޔާމެއް. އޭނަ ހުންނާނީ ރައީސް އޮފީހުގެ ސްޓޭޓްމިނިސްޓަރަކަށް. އޭނަވެސް އެބޮތް ބިލިއަނުން މީރާއަށް ފައިސާ ނުދައްކާ. އެކަމަކު ހަމަ އޯކޭ. އާއިލީވެރިކަން ސިއްކަގޭ ތެރެއިން ހިނގާ ބަރާބަރަށް. ނަންވާނީ މައުމޫނު.
މިނޫނިއްޔާ ނޫޅޭނެ މަތިންބައިން ޖެހިގެން އުޅޭމީހެއް،
އަދިކިރިޔާ ރީކޯއަށް ތިކަން އެނގުނީ މިސަރުކާރުއައިއޮތީ އީސީޝަރީފުމެން ކަހަލަ އެތައް ދަހިވެތި ވަގުން ބައިވެރިވެގެން މިއަދު ރައްޔިތުން ހަނާވަނީ ތަކެތިއެހާއަގުބޮޑުކޮށްފި
ރީކޯއެވެ. ކަލޭމެން ލާދީނީ މީހަކަށް މިރާއްޖޭގެ ވެރިކަން ދިނީ ހަމަހޭގައި ތިބެގެން ހެއްޔެވެ؟ ނޫނިއްޔާ އޭރު ކަލޭމެންނަށް ތިބެވުނީ އެއްޗެއް ބޮވިގެން އަމަލުވެފައި ހެއްޔެވެ؟
ރީކޯ އަށް އެހީދިނީ މަރިޔަމްނިޝާތަ؟ނޫނީރީކޯތަ؟
މިލިއަނުންހޯދިއެއްޗެތީގަ ވާހަކަ ދައްކާނެކަމެއްނެތް.
ރީކޯއަކީމެން ދަންނަ ބަޔެއް މިގައުމުގަ ނޫޅޭ ޕާޓީ ގަޑުން ބޭރުކުރީމަވެސް އަދިވެސް ދެބޯގެރި އެަބަދުއްވާ