ސިނަމާލެ ބްރިޖާއި ހުޅުމާލެ ގުޅިފައި އޮންނަ ހަލިމަގުގައި ދުއްވާފައި ދިޔަ ފުލުހުންގެ ކާރެއް ފުރޮޅާލައިފިއެވެ.
ފުލުހުންގެ މީޑިއާ އޮފިޝަލަކު "ވަގުތު"އަށް ވިދާޅުވީ، ބްރިޖާ ގުޅިފައިވާ ހަލިމަގުން ދުއްވާފައި ދިޔަ ފުލުހުންގެ ވެހިކަލެއް ފުރޮޅާލާފައިވާކަމުގެ ރިޕޯޓު ލިބިފައި ވަނީ ރޭ މެންދަމު 02:58 ހާއިރު ކަމަށެވެ.
މި ހާދިސާގައި ކާރުގެ ތެރޭގައި ތިބި ތިން މީހަކަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާ ދީފައިވާކަމަށް ފުލުހުން ވިދާޅުވިއެވެ. ފުލުހުން ވިދާޅުވީ ފަރުވާ ދިން މީހުން މިހާރު ދޫކޮށްލާފައިވާކަމަށެވެ. އެމީހުންނަށް ލިބުނު އަނިޔާގެ ތަފްސީލެއް ފުލުހުން ހާމައެއް ނުކުރެއެވެ.
🚨#Breaking: 03:15 haa iru Bridge highway mathee Dhivehi Fuluhun ge hidhumathuge executive beynun thakah gengulhemun dhaa Car eh furolhaalai nurakkatheri accident eh hin'gaifi
Ithuru mauloomaathu: https://t.co/WRzMzCWKVC pic.twitter.com/g0KgrS0Rp4
— #MvCrisis (@MvCrisis) August 21, 2022
ފުލުހުން އިތުރަށް ވިދާޅުވީ، މި އެކްސިޑެންޓާއި ގުޅިގެން އިތުރަށް ބަލަން ޖެހޭ ކަންކަން ބަލަމުން ދާކަމަށެވެ.
މި އެކްސިޑެންޓު ހިނގި ވަގުތު އެސަރަހައްދުން ދަތުރުކުރި ބައެއް ފަރާތްތަކުން މީސް މީޑިއާގައި ހިއްސާކޮށްފައިވާ ފޮޓޯތަކުން ފެންނަ ގޮތުގާ އެކްސިޑެންޓުވި ވެހިކަލަށް ވަނީ ވަރަށް ބޮޑަށް ގެއްލުން ލިބިފައެވެ.
ފުލުހުންގެ ވެހިކަލްތައް ފުރޮޅާލުމުގެ ހާދިސާތައް މީގެ ކުރިން ވެސް ހިނގާފައި ވެއެވެ. މިފަދަ ހާދިސާއެއް އެންމެ ފަހުން ހިނގީ ލ.އަތޮޅު ލިންކުރޯޑުގައެވެ. އެއީ 2021 ވަނަ އަހަރު އެވެ. އަދި 2020 އަހަރު ލ.އަތޮޅު އިސްދޫގައި ފުލުހުން ދުއްވި ވެހިކަލެއް ވެސް ފުރޮޅާލާފައި ވެއެވެ. 2017 ވަނަ އަހަރު ތ.އަތޮޅު ތިމަރަފުށީގައި ވެސް ފުލުހުންގެ ވެހިކަލެއް ފުރޮޅާލިއެވެ.
ކާރު ފުރޮޅާލީ ދުއްވި ސްޕީޑް ބާރުކަމުންނޭ ނުބުނީ ފުލުހުންވީމަތަ ؟ ފުލުހުންނާއި ސިފައިން ކުރާކަންތަކަކީ ފޮރުވާ ސިއްރު ކުރަން ޖެހޭ ކަންތަކަށް ވަނީނަމަ ، އެހެންމީހުން އުޅޭނީ އުޅޭނެ ގޮތަކަށް ނު ؟ މިއީ ޤައުމު ގެ މަސްލަހަތާއި އަމަންޢާްއްމު ބަލަހައްޓަން ތިބޭ މީހުންގެ ހާލަތު ! ދެން ބުނާާނީ ކީކޭ ؟
ހިނިއަންނަނީ!ދުއްވިމީހާ ލައިސެންސް ނެގިތޯބަލާ!ޚާއްސަ ހުއްދައެއްގެދަށުންދޯދުއްވީ!ދައުލަތަށް 0ވީގެއްލުމުގެ ބަދަލުހޯދަނީ ކިހިނެއް! މަސްތުވެފަ ތޯއްޗެއް!ލަދުވެތި!
ހަމަ އެކަނި ފުލުހުންގެ ވެހިކަލްތައް ފުރޮޅަލާގޮތް ބަލަން އެބަޖެހޭ.އެންމެފުރަތަމަ މަސްތުވާ ތަކެއްޗަށް ޓެސްޓް ކުރަންޖެހޭ.
ހުންނާނެތާ ޤަވާއިދާ އެއްގޮތަށް ދުއްވާފަ. ކޭކޭ ދެން ބުނާނީ، ޤާނޫނު ތަންފީޒް ކުރަން ތިބޭ ފުލުހުންގެ ހާލު. ހަމަ އެމީހުން ހަމަތޯ.
އުވާލަންވެފަ އޮތްތަނެއް
ރާއްޖޭގަ ހިނގާ ހުރިހާ ނުބައި ނުލަފާ ކަމަކާ ގުޅިފަ އޮތީ ތި ގުރޫއްޕާ އަދި ބޮނދުންނާ
ދުއްވޭވަރު މަޑްވީމާ ވާގޮތް
މިއަދު އިމްރާނު ބުނާނެ. އެއީ ކުރީ ސަރުކާރުގެ ކަމެކޭ..
ފުލުހުންގެ އެގްޒެކަޓިވް ބޭކަލުން ދުއްވަވާ ކާރުތައް ގަވާއިދާ ހިލާފަށް ބާރު ސްޕީޑްތަކުގައި ދުއްވައެވެ. ހަމައެފަދައިން ސިފައިންގެ ކާރުތައް ވެސް އެގޮތަށް ދުއްވާތަން ފެނެއެވެ. ސައިރަން އަޅާފައި ދާ ފުލުހުންގެ، ފަޔަރ އަދި އެމްބިއުލަންސް ފިޔަވައި އެހެން ހުރިހާ އުޅަނދެއް ވެސް ޓްރެފިކު ގަވާއިދާ އެއްގޮތަށް ނުދުއްވާ ނަމަ މިޒާތުގެ އެކްސިޑެންޓްތައް ހިނގާ މީހުންނަށް ގެއްލުންވާނެއެވެ. މި އެކްސިޑެންޓު ވެސް ތަހްޤީޤް ކޮށް ފިޔަވަޅު އަޅަންޖެހޭނެއެވެ. ދައުލަތުގެ މުދަލަށް ވީ ގެއްލުމުގެ ބަދަލު ހޯދަންވާނެެވެ.
ބޮއެގެން ތިބީ
ތިވާނީ ދޮންކެޔޮ ތޮށިގަނޑަކަށް އެރުނީ ކަމަށް.
ކާރު ދެފައިދެފަޔާޖެހި ފެއްސުނީޔޯ
ލިބޭ ގެއްލުމުގެ ބަދަލު ދުއްވަން އިން މީހާގެ އަތުން ދަވްލަތަށް ލިބެންޖެހޭނެ.