28 އޮކްޓޯބަރުގައި އިސްލާމީ މަރުކަޒުގައި އިމާމްވެ ހުކުރު ކުރައްވާނީ މަޝްހޫރު ދީނީ ޢިލްމުވެރިޔާ މުފްތީ މެންކް ކަމަށް އިސްލާމިކް މިނިސްޓްރީން ބުނެފިއެވެ.
މުފްތީ މެންކް ރާއްޖެ ވަޑައިގަންނަވާ ގޮތަށް ހަމަޖެހިފައި ވަނީ އޮކްޓޯބަރު 28 އިން 31 އަށެވެ.
އިސްލާމިކް މިނިސްޓްރީން މައުލޫމާތުދޭގޮތުގައި، މި ދަތުރުފުޅުގައި އޭނާ މާލެ އާއި އައްޑޫ ސިޓީގެ އިތުރުން ފުވައްމުލައް ސިޓީއަށް ވަޑައިގަންނަވާނެއެވެ.
އިސްލާމިކް މިނިސްޓަރ ޑރ. އަހުމަދު ޒާހިރު މިރޭ ވިދާޅުވީ، 28 އޮކްޓޯބަރު ވާ ހުކުރު ދުވަހު އިސްލާމީ މަރުކަޒުގައި އިމާމްވެ ހުކުރު ކުރައްވާނީ މުފްތީ މެންކް ކަމަށެވެ.
އަދި ޚުތުބާގެ މައުޟޫއަކީ "ﷲ ސުބްހާނަހޫ ވަތައާލާ އާއި އޮންނަ ގުޅުން އިޔާދަކޮށްލާ" ށެވެ.
Iraadha kurehvihyaa 28 October 2022 vaa Hukuru dhuvahu, Islaamee Marukazugai imaamuve hukuru kuravvaanee Mufti Menk.
Khuthuba ge mauloo akee,
"Revive your connection with Allah."#MuftiMenkMV2022 pic.twitter.com/8YKmCPLUJQ— Ahmed Zahir Ali (@AhmedZahirAli) October 18, 2022
މީގެ ކުރިންވެސް އިސްލާމިކް މިނިސްޓަރުގެ ދައުވަތަކަށް މުފްތީ ރާއްޖެ ވަޑައިގަތެވެ. އަދި އެފަހަރު ރާއްޖެ އައިސް އެކި ކަންކޮޅުތަކުގައި ދަރުސްވެސް ދެއްވިއެވެ.
އަދި 2020 ވަނަ އަހަރު ތެރޭގައިވެސް އޭނާ ރާއްޖެ ވަޑައިގަތެވެ. އެ ފަހަރު ރާއްޖެ ވަޑައިގެންވެސް އިސްލާމީ މަރުކަޒުގައި ހުތުބާ ދެއްވިއެވެ.
ޒިމްބާބްވޭގެ ހަރާރޭއަށް އުފަންވެ ވަޑައިގެންނެވި މުފްތީ މެންކް އަކީ ދުނިޔޭގައި މިހާރު ތިއްބެވި އެންމެ ނުފޫޒުގަދަ 500 އިލްމުވެރިންގެ ތެރޭގައި ހިމެނިވަޑައިގަންނަވާ ބޭފުޅެކެވެ.
އައްޑޫ އިމާމްމީހާ އައްޑޫ ބަހުން ހުތުބާ ކިޔައިގެން މައްސަލަޖެހިއްޖެ. މުފްތީ މެންކް އިނގިރޭސިބަހުން ހުތުބާކިޔައިގެން ވާނީ ކިހިނެއްބާ؟ ހަމަ ގައިމުވެސް މުފްތީ މެންކް ވިދާޅުވާ ހުތުބާ އަޑުއަހަންތިބޭމީހުން ދެބައިކޮށްފައި އެއްބައިމީހުންނަށް އެކިޔާ އެއްޗެއް ފުރިހަމަކޮށެއްނޭގޭނެ.
މުފުތީ އަކައް ވިޔަސް ޙުތުބާ އިގިރޭސިބަހުން ނުކިޔޭނެ. ޙަނދާންކުރާތި. ދިވެހިބަސް ނޭގެންޏާ ހުތުބާނުކިޔޭނެ ސާފުވެއްޖެތަ.
ބަރާބަރު! މިނިސްޓަރު ވަގުތުން އިސްތިއުފާ!
ކީއްވެބާ ސަލްމާން މިސްކިތުގައި ހުކުރު ނުކުރުވީ
ވަކި އެވެނި މިވެނި މީހަކު ރާއްޖޭގަ ހުކުރު ކުރިއްޔާ މިރާއްޖޭގެ މީހުން އިސްލާހުވާނެތާ؟؟!؟؟!
މެންކް ޚުޠުބާ ކިޔާނީ ދިވެހި ބަހުން... އެހެން ބަހަކުން ޚުޠުބާ ކިޔައިފިނަމަ މިނިސްޓްރީން މެންކް ސަސްޕެންޑްް ކުރާނެ...