މިދިޔަ ބުދަ ދުވަހުގެ ރޭ ދަންވަރު އަލިފާނުގެ ބޮޑު ހާދިސާއެއް ހިނގި މ. ސެންޑްރޯސްގެ ހުޅަނގުބައި ތަޅާލުމުގެ މަސައްކަތް ހައުސިންގ މިނިސްޓްރީން މިއަދު ފަށައިފިއެވެ.
ހައުސިން މިނިސްޓްރީން ބުނީ، އެ މިނިސްޓްރީގެ ޕަބްލިކް ވޯކްސް ޓީމުން އަނދާ ހުލިވި ގެއަށް ގޮސް އެގެ ތަޅާލައި ސާފްކުރުމުގެ މަސައްކަތް ކުުރަމުން އަންނަ ކަމަށެވެ.
މ. ސެންޑްރޯޒްގެ ހުޅަނގުބައިގައި އިއްޔެ ހިނގި ނުރައްކާތެރި އަލިފާނުގެ ހާދިސާގައި ރޯވިގެ ސާފުކޮށް ތަޅާލުމުގެ މަސައްކަތް މި މިނިސްޓްރީގެ ޕަބްލިކް ވަރކްސް ސަރވިސަސް ޑިޕާޓްމަންޓުން ދަނީ ކުރަމުން. pic.twitter.com/WpGZwvFKui
— Ministry of Construction and Infrastructure (@MoCImv) November 11, 2022
އެމިނިސްޓްރީން އަންނަނީ އަނދާ ހުލިވި ގޭގައި ހުރި ކުނިތަކާއި، އަނދައިގެން ގޮސްފައިހުރި އުޅަނދުތައް ނަގައި ސާފްކުރަމުންނެވެ.
އިސްކަންދަރު މަގާއި ކޯރުކެނޑި މަގު ގުޅޭ ހިސާބުގައި ހުންނަ މ.ނިރުފެހިގެ (މ. ސެންޑްރޯޒްގެ ހުޅަނގު ބައި) ގައި ހިނގި އަލިފާނުގެ ހާދިސާއަކީ މިހާތަނަށް މާލޭގައި ހިނގި އެންމެ ގިނަ ބަޔަކު ނިޔާވި އަލިފާނުގެ ހާދިސާ އެވެ.
އަލިފާނުގެ ހާދިސާގައި ނިޔާވެފައި ވަނީ ގަރާޖުގެ މަތީގައި ލޭބާ ކުއާޓަރއެއްގެ ގޮތުގައި ހަދާފައިވާ ދެ ބުރީގައި ކުދިކުދި ގޮޅިތަކެއްގައި ދިރިއުޅެމުން އައި ބިދޭސީ މަސައްކަތްތެރިންގެ ތެރެއިން ބައެކެވެ. އެމީހުން ނިޔާވީ އަލިފާން ރޯވުމުން އެތަނުން ނިކުމެވޭނެ ގޮތެއްނުވެ، ތާށިވެގެންނެވެ.
އަލިފާނުގެ ހާދިސާގައި ގިނަ އަދަދެއްގެ ބިދޭސީން ނިޔާވެފައި ވާއިރު ބައިނަލްއަޤުވާމީ މީޑިއާތަކުގައި ވެސް ވަނީ ރާއްޖޭގައި ބިދޭސީ މަސައްކަތްތެރިންގެ ހާލަތު ހުންނަ ގޮތް ސަމާލުކަމަށް ގެނެސްފައެވެ.
ކޮބާހޭ ގޭގެ ވެރިޔާ ނަމެއް ނޭގޭ ރައްޔިތުންނަށް އޮޅުން ފިލުވާދީ
މިސަރުކާރުގެ ވަރަށް ލަޠީފު ބޭފުޅަކާއި ގުޅިފައިވާ ލަޠީފާފުޅެއްގެ ފިރިލަޠީފެއް ކަމަށްވަނީ ތަނުގެ ވެރިމީހާ އަކީ. މަބްރޫރު ޢަޒީޒްގެވެސް ގުޅުން ހުރި ޢާއިލާއެކޭ ކިޔާ އަޑުއިވޭ. ވަﷲ އަޢްލަމް