ރާއްޖެއާއެކު އޮތް ގުޅުން އިތުރަށް ވަރުގަދަ ކުރުމުގައި ދެމިއޮންނާނެ ކަމަށް އިންޑިއާއިން ރާއްޖެ އަށް ކަނޑައަޅުއްވާފައިވާ ސަފީރު މުނޫ މަހާވަރު ވިދާޅުވެއްޖެއެވެ.
މުނޫ މަހާވަރު އެގޮތަށް ވިދާޅުވީ ޖުމްހޫރީ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައެވެ.
Warm greetings and best wishes to the Government and people of Maldives on their Republic Day.
India remains committed to further enhancing its people-centric partnership with the Maldives.
— Amb Munu Mahawar (@AmbMunu) November 11, 2023
އިންޑިއާ ސަފީރު ވަނީ ޖުމްހޫރީ ދުވަހުގެ މުނާސަބަތުގައި ރާއްޖޭގެ ރައްޔިތުންނާއި ސަރުކާރަށް މަރުހަބާ ދަންނަވައިފައެވެ. އިންޑިއާ ސަފީރު ވިދާޅުވީ އިންޑިއާ އާއި ރާއްޖެއާ އެކު އޮންނަ ގުޅުން އިތުރަށް ވަރުގަދަ ކުރުމަށް އިންޑިއާ އިން ދެމި އޮންނާނެ ކަމަށެވެ.
މި މަހުގެ 17 ވަނަ ދުވަހު އިންތިހާބީ ރައީސް ޑރ. މުހައްމަދު މުއިއްޒު ހުވާ ކުރެއްވުމަށް ވުމުގެ ރަސްމިއްޔާތަށް ވަނީ އިންޑިއާގެ ބޮޑު ވަޒީރު ނަރެންދުރަ މޯދީއަށާއި އެހެން ގައުމު ތަކުގެ ވެރިންނަށް ދައުވަތު ދެއްވާފައެވެ.
އެކަމާ ގުޅިގެން އިންޑިއާގެ އެކްސްޓާނަލް އެފެއާޒް މިނިސްޓްރީގެ ތަރުޖަމާނު އަރިންދަމް ބަގްޗީ މީޑިއާތަކަށް ވިދާޅުވެފައި ވަނީ ބޮޑުވަޒީރަށް ދައުވަތު ލިބިވަޑައިގަތް ނަމަވެސް، ހުވާގެ ރަސްމިއްޔާތެއް ވަޑައިގަންނަވާނެ ބޭފުޅަކު އަދި ނުނިންމަވާ ކަމަށެވެ. އެކަމަކު ވަޑައިގަންނަވާނެ ބޭފުޅަކު ވަރަށް އަވަހަށް ހާމަކުރައްވާނެ ކަމަށް ވިދާޅުވިއެވެ.
ސެޕްޓެމްބަރު މަހުގެ 30 ގައި ބޭއްވި އިންތިހާބު މުއިއްޒު ކާމިޔާބުކުރެއްވުމާ ގުޅިގެން މޯދީ އެކްސްގައި ކުރެއްވި ޕޯސްޓެއްގައި މުއިއްޒަށް މަރުހަބާ ވިދާޅުވިއެވެ. އަދި އާ ސަރުކާރާ އެކީ ވެސް ދެ ގައުމުގެ ގުޅުން ބަދަހިވާނެ ކަމަށް އުންމީދުކުރައްވާ ކަމަށް ވިދާޅުވެފައިވެއެވެ.
Congratulations and greetings to @MMuizzu on being elected as President of the Maldives.
India remains committed to strengthening the time-tested India-Maldives bilateral relationship and enhancing our overall cooperation in the Indian Ocean Region.
— Narendra Modi (@narendramodi) October 1, 2023
ވެރިކަމުގެ ހުވާކުރެއްވުމަށް ފަހު، މުއިއްޒު އެންމެ ފުރަތަމަ ކުރައްވަން ހަމަޖެހިފައިވާ އެއް ކަމަކީ ރާއްޖޭގައި ތިބި އިންޑިއާ ސިފައިން އަނބުރާ ފޮނުވައިލުމެވެ.
ނަމަވެސް އިންޑިއާ ސިފައިން ބޭރުކުރަން ޖެހޭނެ
އިންޑިއާ ސަފީރު މުނޫ މަހާވަރު އަކީ ވަޤުތުން ފޮނުވާލަން ޖެހޭ މީހެއް. އެއީ މީނާ ދިވެހިރާއްޖޭގެ ސިޔާސީ ޕާޓީ އެއްގެ ޖަލްސާ އެއްގަ ބައިވެރިވެފައި ވާތީ. އެމްބެސެޑަރުން-ނަށް ސިޔާސީ ކަންކަމެއް ނުކުރެވޭނެ. މިއީ ބައިނަލްއަޤްވާމީ ޤާނޫނު-ގައިވާ ގޮތް!
ދިވެހި ރައްޔިތުން ތިޔަބުނާ ގުޅުން ބޭނުމެއްނޫން
އެހެން ގައުމުތަކުގެ ސިފައިން ރާއްޖެއަކުނެތް. އެކަމަކު ގުޅުން ރަނގަޅު. އިންޑިޔާސިފައިންވެސް ރާއްޖޭގަ ތިބެންނުޖެހޭނެ. ގުޅުން އޮންނާނެ. ރާއްޖެއަށް އިންޑިޔާ ސިފައިންއެގުވީ ގ.ކެނެރިގެ މުހަންމަދު ނަސީދު ކިޔާ ހާއިންކު. ފުރަތަމަ 2 ހެލިކޮޕްޓަރާއެކު 40 ސިފައިން .
ގުޅުން އިތުރަށް ވަރުގަދަ ނުކުރިޔަސް ހެޔޮ . އެހެން ގައުމުތައްވެސް ތބި ހިސާބުގަ ތިބީމަ ނިމުނީ . މިލިޓްރީ ހުރިހާފަރާތްތައް މިގައުމުން ބޭރު ކުރަންޖެހޭނެ.