![](https://vaguthu.mv/wp-content/uploads/2022/02/uv-vs-valencia-0765-scaled.jpg)
ވެލެންސިއާއިން ބޯޅަ ހިފަހައްޓައިގެން ކުޅުމުގެ ނަތީޖާއެއްެގެ ގޮތުން ލަނޑުޖަހާ ލީޑުނެގީވެސް އެ ޓީމުންނެވެ. އެ ޓީމުގެ ބިދޭސީ ކުޅުންތެރިޔާ ހަލީލް ތަނަވަސްކޮށްދިން ފުރުސަތެއްގައި މި ލަނޑު އެ ޓީމަށް ކާމިޔާބުކޮށްދިނީ ޔާނު އެވެ.
ޔާނުގެ ތަނަވަސްކުރި ފުރުސަތަކުން ފުރަތަމަ ހާފުގެ ފުރިހަމަ ވަގުތު ހަމަވާން ތިން މިނެޓަށްވެފައި ވަނިކޮށް އެ ޓީމުން ނަތީޖާ ފުޅާކޮށްދިން ލަނޑު ކާމިޔާބުކޮށްދިނީ ކެޕްޓަން ބޯހާސް އެވެ. އޭނާ މި ލަނޑު ކާމިޔާބުކުރީ ޔާނު ތަނަވަސްކޮށްދިން ފުރުސަތަކުންނެވެ.
![](https://vaguthu.mv/wp-content/uploads/2022/02/uv-vs-valencia-0809-scaled.jpg)
ދެ ލަނޑުގެ ލީޑަކާއެކު ވެލެންސިއާ ކުރީގައި އޮވެގެން ފުރަތަމަ ހާފު ނިންމާލިއިރު ދެވަނަ ހާފު ޔޫވީން ފެށީ އުއްމީދާއެކު އެވެ. އެ ޓީމުން ވަނީ މެޗުގެ ދެވަނަ ހާފުގެ 61 ވަނަ މިނެޓުގައި އެ ޓީމުން ސުން ކަނޑުވާލާފައެވެ. މިއީ ވެލެންސިއާގެ ފަހަތުން އަމްދާން އަލީ (އެންޑީ) އަށް ހެދުނު ގޯހެއް ފައިދާ ނަގައިގެން ޔޫވީގެ ބިދޭސީ ކުޅުންތެރިޔާ ވެރަސް ޖެހި ލަނޑެކެވެ.
ދިވެހި ޕްރިމިއަރ ލީގުގައި ބުރާސްފަތި ދުވަހުވެސް ދެ މެޗެއް ކުޅޭނެއެވެ. ހަވީރު ކުޅޭ މެޗުގައި ބައްދަލުކުރާނީ މާޒިޔާ ސްޕޯޓްސް އެންޑް ރެކްރިއޭޝަން އާއި ސުޕަ ޔުނައިޓެޑް ސްޕޯޓްސް ކުލަބް (ސަސް) އެވެ. އަދި ރޭގަނޑު ކުޅޭ މެޗުގައި ބައްދަލުކުރާނީ ޓީސީ ސްޕޯޓްސް ކުލަބާއި ކުލަބު އީގަލްސް އެވެ.