އާސެނަލްގެ ޕޯޗުގަލް ލެފްޓްބެކް ނޫނޯ ޓަވަރޭޒް ލޯން އެއްބަސްވުމެއްގެ ދަށުން މާސޭއަށް ބަދަލުވެއްޖެއެވެ.
އާސެނަލް އިން ބުނީ، އުމުރުން 22 އަހަރުގެ ޓަވަރޭޒް "ސީޒަން-ލޯންގް ލޯން" އެއްގެ ދަށުން މާސޭއަށް ދޫކޮށްފައިވާ ކަމަށާއި، އޭނާއަށް ކާމިޔާބީއަށް އެދޭ ކަމަށެވެ.
މި ޓްރާންސްފާގައި ގިނަ ކްލަބްތަކުން ހޯދުމަށް މަސައްކަތް ކުރަމުން އައި ޓަވަރޭޒް ދޫކޮށްލަން އާސެނަލް އިން ނިންމާފައި ވަނީ މެންޗެސްޓާ ސިޓީގެ އޮލެކްސަންޑްރާ ޒިންޗެންކޯ އެ ކްލަބަށް ގެނައުމަށް ފަހުއެވެ.
📽 𝗠𝗮𝗿𝘀 𝗦𝘁𝘂𝗱𝗶𝗼𝘀
🎬 𝗘𝗽𝗶𝘀𝗼𝗱𝗲 𝗩𝗜𝗜
✍️ « 𝗛𝗲 𝗵𝗮𝘀 𝗹𝗮𝗻𝗱𝗲𝗱 » #BienvenueSurMars 𝗡𝘂𝗻𝗼 𝗧𝗮𝘃𝗮𝗿𝗲𝘀 👽🛸pic.twitter.com/QF8HtxdY8U— Olympique de Marseille 🇬🇧 🇺🇸 (@OM_English) July 30, 2022
ބެންފީކާއިން 2019 ވަނަ އަހަރުގެ ސީޒަނުގައި ސީނިއާ ކެރިޔަރު ފެށި ޓަވަރޭޒް ވަނީ އެ ކްލަބުގައި ދެ ސީޒަން ހޭދަކޮށްފައެވެ. އޭނާ އެ ކްލަބް ދޫކޮށް އާސެނަލްއަށް ބަދަލުވެފައި ވަނީ މިދިޔަ ސީޒަނުގައެވެ.
އާސެނަލްގައި ޓަވަރޭޒް ހޭދަކުރި މުއްދަތުގައި އޭނާ ވަނީ 28 މެޗު ކުޅެ، އެއް ލަނޑު ކާމިޔާބުކޮށްފައެވެ. އަދި ޕޯޗުގަލްގެ ސީނިއާ ޓީމަށް މެޗެއް ކުޅެފައި ނުވާ ޓަވަރޭޒް ވަނީ ޕޯޗުގަލްގެ ޒުވާން ޓީމުތަކަށް ކުޅެފައެވެ.
