އިނގިރޭސި ފުޓްބޯޅަ ކްލަބް ޗެލްސީން އިއްޔެ ސްޓެމްފޯޑް ބްރިޖް ސްޓޭޑިއަމްގައި އެ ކްލަބްގެ މުސްލިމް ސަޕޯޓަރުންނާއި ޗެލްސީގައި ދިރިއުޅޭ މުސްލިމުންނަށް ޚާއްސަ ރޯދަ ވީއްލުމެއް ބާއްވައިފިއެވެ.

ޗެލްސީން ވަނީ ބަންގި ގޮވައި ރޯދަ ވީއްލުމަށްފަހު މަޣްރިބް ނަމާދު ޖަމާއަތުގައި ކުރެވޭނެ އިންތިޒާމް ވެސް ސްޓޭޑިއަމްގައި ހަމަޖައްސައިފައެވެ.

މި ރޯދަ އިންތިޒާމްކޮށްފައިވަނީ ޗެލްސީ ފައުންޑޭޝަން އަދި ރަމަޟާން ޓެންޓް ޗެރިޓީންނެވެ. ޗެލްސީން ބުނީ މި ރޯދަ ވީއްލުމުގައި ޗެލްސީގެ ހުރިހާ މުވައްޒަފުންނާއި ޗެލްސީ އަށް ސަޕޯޓު ކުރާ މުސްލިމުން ސަޕޯޓަރުންނަށް ވަނީ ދައުވަތު ދީފައި ކަމަށެވެ. އަދި އޭގެ ތެރޭގައި ޗެލްސީ އަށް ނިސްބަތްވާ މުސްލިމް ސްކޫލްގެ ދަރިވަރުން ވެސް ހިމެނޭ ކަމަށް އެ ކުލަބުން ވަނީ ބުނެފައެވެ. މި ރޯދަ ވީއްލުމުގައި އެތައް ސަތޭކަ މުސްލިމުން ބައިވެރިވެފައިވާ ކަމަށް އިނގިރޭސި ނޫސްތަކުން ރިޕޯޓްކޮށްފައިވެއެވެ.

⚽️ Chelsea,Premier Lig tarihinde bir ilke imza atarak,Stamford Bridge Stadı'nda iftar programına ev sahipliği yaptı.

🎪 #YTB olarak katkı verdiğimiz Ramazan Çadırı Projesi ile yapılan açık iftarlar kapsamında Chelsea'nin stadında ilk kez toplu iftar verildi.

Thanks @ChelseaFC! pic.twitter.com/SyN4RpFBfM

— Abdullah Eren (@abdullah_eren) March 27, 2023

މިއީ ފުޓްބޯޅައިގެ ތާރީހުގައި ވެސް ޕްރިމިއާ ލީގުގެ ކުލަބަކުން ރޯދަ ވީއްލުމެއް ދިން ފުރަތަމަ ފަހަރެވެ. އަދި މިއީ ޕްރިމިއާ ލީގު ކުޅޭ ޓީމެއްގެ ދަނޑުގައި ރޯދަ ވީއްލުމެއް ބޭއްވި ފުރަތަމަ ފަހަރުވެސްމެއެވެ.

ޗެލްސީން ބުނީ މި ރޯދަ ވީއްލުން އިންތިޒާމް ކުރުމުގެ ބޭނުމަކީ ރަމަޟާން މަހުގައި އެއްބައިވަންތަކަން އާލާ ކުރުން ކަމަށެވެ.

ޗެލްސީ ފައުންޑޭޝަންގެ ވެރިޔާ ސައިމަން ޓެއިލަރ ބުނީ ޗެލްސީއަކީ އެކި ނަސްލުތަކާއި ދީންތަކުގެ މީހުންގެ މެދުގައި ފުޓްބޯޅައިގެ ޒަރިއްޔާ އިން ހަމަހަމަކަން ގާއިމު ކުރުމުގެ މަސައްކަތް ފަހުރުވެރިކަމާ އެކު ކުރަމުން އަންނަ ފައުންޑޭޝަނެއް ކަމަށެވެ.

Praying at @ChelseaFC was an iconic experience! It was a match made in heaven - combining the love of prayer and football in one of the most famous stadiums in the world. Let's all keep the spirit of unity and sportsmanship alive, on and off the pitch! ⚽🙏🏽 #OpenIftar #Ramadan pic.twitter.com/RYeEb0a1JN

— Open Iftar (@OpenIftar) March 26, 2023