ރާއްޖޭގައި ފުޅާ ދާއިރާއެއްގައި މުވާސަލާތީ ޚިދުމަތް ދެމުން އަންނަ، އުރީދޫ މޯލްޑިވްސް އިން، އެކުންފުންޏަށް މިދިޔަ އަހަރު ލިބުނު ފައިދާއިން ހިއްސާ އަކަށް 3.30 ރުފިޔާ ބަހަން ފާސްކޮށްފި އެވެ.
އުރީދޫގެ ހިއްސާގެ ތެރެއިން އާންމުން ހިއްސާ އަކީ ޖުމްލަ ހިއްސާގެ 9.5 އިންސައްތައެވެ. އަދި 90.5 އިންސައްތަ އަކީ އުރީދޫގެ މައި ކުންފުނި، ވަތަނިއްޔާ އިންޓަނޭޝަނަލްގެ ހިއްސާއެވެ.
![](https://vaguthu.mv/wp-content/uploads/2020/03/Ooredoo-Aharee-Aammu-Jalsaa-General-Meeting-Annual-5.jpg)
އުރީދޫގެ އެނުއަލް ޖަލްސާގައި ނިންމި އިތުރު ކަންކަމުގެ ތެރޭގައި އުރީދޫ އޮޑިޓް ކުރާނެ ފާމެއްގެ ގޮތުގައި ހަމަޖެއްސީ، ޕްރައިސްވޯޓާ ހައުސް ކޫޕާސް (ޕީޑަބްލިއުސީ) އެވެ. އުރީދޫގެ އޮޑިޓް ފާމަކަށް އެ ކުންފުނި ހަމަޖެއްސީ ޖަލްސާގެ ހިއްސާދާރުންގެ ތާއީދާ އެކުގައި ކަމަށް ވާއިުރ އުރީދޫ އޮޑިޓް ކުރުމުގެ ފީ އަކީ 60،000 ޑޮލަރެވެ.
2019އިގެ ނިޔަލަށް ނިޔަލަށް އުރީދޫގެ ސަބްސްކްރައިބަރުންގެ އަދަދު 400،000 އަށް ވަނީ އަރާފައެވެ. އަދި މިދިޔަ 5 އަހަރު ތެރޭގައި އެކުންފުނީގެ ސަބްސްކްރައިބަރުންގެ އަދަދު އެވްރެޖުކޮށް 6.3 ޕަސެންޓު އިތުރު ވެފައިވާ ކަމަށް އެކުންފުނިން ފާހަގަކުރެއެވެ.