އިންޓަނެޓުގެ އަގު ހެޔޮ ކުރުމާ ގުޅޭގޮތުން މިހާރުވެސް ސަރުކާރާއެކު މަޝްވަރާ ކުރަމުންދާ ކަަމަށް، ރާއްޖޭގައި މުވާސަލާތީ ޚިދުމަތް ދެމުން އަންނަ އުރީދޫ މޯލްޑިވްސް އިން ބުނެފި އެވެ.
އަދި އިންޓަނެޓުގެ އަގު ހެޔޮ ކުރުމުން އެކަމުގެ އަސަރު އުރީދޫގެ ފައިދާ އަށާއި، ހިއްސާދާރުންނަށް އަދި އެ ކުންފުނިން ސަރުކާރަށް ދައްކާ ޓެކްސް އާއި ލައިސަންސް ފީ އަށް ކުރާނެ ކަން ނަޖީބް ފާހަގަކުރެއްވިއެވެ.
"ޑިވިޑެންޑަށްވެސް އޭގެ އަސަރު ކުރާނެ. އަޅުގަނޑުމެން މަސައްކަތްކުރަނީ ރަނގަޅު ހުށަހެޅުންތަކެއް ސަރުކާރަށް ހުށަހަޅައިގެން އަގު ކުޑަކޮށް ކުންފުންޏަށް ކުރާނެ އަސަރު ކުޑަކުރެވޭނެ ގޮތްތަކެއް ހޯދުމަށް،" ނަޖީބް ހާން ވިދާޅުވި އެވެ.
2005 ވަނަ އަހަރުގެ އޮގަސްޓު މަހުގެ 1 ވަނަ ދުވަހު، ރާއްޖޭގައި ޓެލެކޮމިއުނިކޭޝަންގެ ޚިދުމަތް ދޭން ފެށީ، ވަތަނިއްޔާ ޓެލެކޮމް މޯލްޑިވްސް ޕްރައިވެޓް ލިމިޓެޑްގެ ނަމުގައެވެ. އަދި 2013 ވަނަ އަހަރު ކުންފުނީގެ ނަން ރީބްރޭންޑްކޮށް ވަތަނިއްޔާ ޓެލެކޮމް މޯލްޑިވްސް ޕްރައިވެޓް ލިމިޓެޑްގެ ނަން ވަނީ އުރީދޫ މޯލްޑިވްސްގެ ނަމަށް ބަދަލުކޮށްފައެވެ.
2016 ވަނަ އަހަރުގެ އޮކްޓޫބަރު ހަ ވަނަ ދުވަހު އުރީދޫ މޯލްޑިވްސްގެ ގާނޫނީ ހައިސިއްޔަތު ޕަބްލިކް ކުންފުންޏަކަށް ބަދަލުކޮށް، އެ ކުންފުނީގެ ނަން އުރީދޫ މޯލްޑިވްސް ޕަބްލިކް ލިމިޓެޑްގެ ނަމަށް ވަނީ ބަދަލުކޮށްފައެވެ.
އެ ކުންފުނިން ދޫކޮށްފައިވާ ޖުމްލަ ހިއްސާގެ 5.90 ޕަސަންޓު ވަތަނިއްޔާ އިންޓަނޭޝަލް އެފްޒެޑް އެލްއެލްސީއިން ހިއްސާކުރާއިރު، 5.9 ޕަސަންޓު ހިއްސާ ކުރަނީ އާންމު ފަރާތްތަކުންނެވެ.
ދެން ވިސްނަން މާލަސްވެއްޖެ މިއުޅެނީ ތިންވަނަޕާޓީއެއް ރާއްޖެ ގެންނަން އެއީ އިންޑިޔާ އެރޓެލް ކޮންޕެނީ ދެން ތިބޭ ބަލަން އަގު ތިރިވާވަރު
ދެން ވެއްޖެ އެއްނު އެންމެ އުރީދޫ އިންޓަނެޓް ލާން! ޙުސް ފޭކް
ކިޔަވާކުދިންނާއި އާއްމުންނަށް ދޭ ޚިދުމަތް އަގުހެޔޮ ކުރެވެން ވާނެ ކަމަށް ދެކެން! ޢުރީދޫޢާއި ދިރާގު ގުޅިގެން އަގުތިކޮންޓްރޯލް ކުރަނީ! ޢެހެންވީމާ އިތުރު ބަޔަކު ތިކަމުގެ ތެރެއަށް ވަންނަން އެބަޖެހޭ އެބުނާ ގޮތަށް!
ބޭކާރު ވާހަކަ ނުދައްކާ
ތިހެން ކިޔަކިޔާ ތިއްބާ ސްޓާލިންކް ޚިދުމަތް މުޅި ދުނިޔެއަށް ހުޅުވާލާނެ.
އުރީދޫ އަސްލު ވަރަށް އަގުބޮޑު އެހެންނަމަވެސް ދިރާގަށްވުރެ ހިދުމަތް ރަނގަޅު ސްޕީޑްވެސް، އަގު ހެޔޮ ކޮށްފިނަމަ އުރީދޫއަށް ފައިދާވާނީވެސް ދިރާގުގެ ކަސްޓަމަރުން އުރީދޫ ޙިޔާރު ކުރާނެ.
ތިހިން ވިސްނަ ވިސްނަ ހުއްޓަ ޖީލެއް ނިމިގެން މިދަނީ.. ކުޑަވާ ތަނެއްނާދެ!
ޑްރާމާއެއް ޖައްސަނީ. ކުރިޔަށްއޮތް އިންތިޚާބަށް ސަރުކާރަށް ކުޅެދޭ ޑްރާމާއެއް. ތީ ހުސް ހޮޅިވާހަކަ. ތިވާހަކަ އަޑުއަހާފަ ވޯޓު ބަދަލެއް ނުކުރެވޭނެ. ވޯޓުގެ ކުރިން އަގު ހެޔޮކުރޭ. އޭރުން ތިކަން ވެދާނެ.
ސަރުކާރު ބޭނުންވާނެތަ ލިބޭ ލާރިގަނޑެއް ކުޑަވާން. އަގު ހެޔޮކޮއްފިއްޔާ ސަރުކާރައްލިބޭ ބައިވެސްކުޑަވާނެ...އަދި މިސަރުކާރަކީ ކެވޭވަރު ނޭގޭ ބައެއް.