ސުނާމީ އެރުމުގެ ފުރުސަތު މިހާރު ކުޑަކަމަށް ޕެސިފިކް ސުނާމީ ވޯނިން ސެންޓަރުން ބުނެފި.

BREAKING NEWS: Tsunami Ge Inzaaru Nerefai Vanikoh Anehkaaves Baarugadha Binhelumeh Athuvehjehttps://t.co/txDuloVmtV https://t.co/txDuloVmtV

— Vaguthu Online (@VaguthuOnline) December 5, 2018

ސުނާމީގެ އިންޒާރު ދީފައިވާ ގައުމުތަކާއި ސަރަހައްދުތަކުގެ އަދަދު 60 އަށް އަރައިފި.

ވެނުއަޓޫ ކައިރިން 2.4 ފޫޓްގެ ސުނާމީއެއް އުފެދިފައިވާކަމަށް ޕެސިފިކް ސުނާމީ ވޯނިން ސެންޓަރުން ބުނެފި.

އިތުރު ހަތް ބިންހެލުމެއް ނިއު ކެލެޑޯނިއާ އަށް އަތުވެއްޖެ. ބޮޑު ބިންހެލުން އައިތާ ގަޑިއެއްހާއިރު ތެރޭގައި ވަނީ 5.9 މެގްނެޓިއުޑްގެ ދެބިންހެލުމާއި 5.7 މެގްނެޓިއުޑްގެ ބިންހެލުމަކާއި 5.6 މެގްނެޓިއުޑްގެ ބިންހެލުމަކާއި 5.3 މެގްނެޓިއުޑްގެ ބިންހެލުމަކާއި 5.2 މެގްނެޓިއުޑްގެ ބިންހެލުމަކާއި 4.9 މެގްނެޓިއުޑްގެ ބިންހެލުމެއް އައިސްފައި.

ސުނާމީގެ އެއްވެސް ނުރައްކަލެއް ދިވެހިރާއްޖެއަކަށް ނެތް.

އެންމެ ފަހުގެ އިންޒާރު ބުނާ ގޮތުން ނިއު ކެލަޑޯނިއާ އާއި ވަނުއަޓޫ އަށް 1-3 މީޓަރުގެ ސުނާމީ އެރުން އެކަށީގެންވޭ. ފިޖީ އަށް 0.3 މީޓަރާއި 1 މީޓަރާއި ދެމެދުގެ ސުނާމީ އެރުން ގާތް. އެހެން ގައުމުތަކަށް އެރުން އެކަށީގެންވަނީ 0.3 މީޓަރަށް ވުރެ ކުދި ރާޅުތައް. އޭގެތެރޭގައި އިންޑޮނޭޝިއާ، ޗައިނާ، ފިލިޕީންސް، އޮސްޓްރޭލިއާ، ކޮލަމްބިއާ، އިކުއެޑޯ، ގުއާމް، ހަވާއީ، ގުއަޓަމެލާ، ޖަޕާން، މެކްސިކޯ، ޕެނަމާ، ޕެރޫ، ޕަޕާ ނިއުގިނީ، ނިއުޒިލޭންޑް، ސޮލަމަން އައިލެންޑްސް، ޓައިވާން، ޓޮންގާ ހިމެނޭ.

ސުނާމީ އަރާފާނެ ކަމަށް ލަފާކޮށް އިންޒާރު ނެރެފައިވާ ގައުމުތަކުގެ އަދަދު 54 އަށް އިތުރު ކޮށްފި.

ލޯޔަލިޓީ އައިލެންޑް ސަރަހައްދުން ސުނާމީގެ ރާޅުތައް ފެނިފައިވާކަމަށް ޕެސިފިކް ސުނާމީ ވޯނިން ސެންޓަރުން ބުނެފި. ރާޅުތައް ފެނުމުން ނެރުނު އިތުރު އިންޒާރެއްގައި ވެސް ބުނެފައި ވަނީ ގެއްލުން ބޮޑު ސުނާމީއެއް އެރުމުގެ ފުރުސަތު ބޮޑު ކަމަށް.

ދެގައުމަކަށް 1 މީޓަރާއި 3 މީޓަރާއި ދެމެދުގެ ސުނާމީއެއް އެރުމުގެ ފުރުސަތު އެބައޮތް. އެއީ ނިއު ކެލަޑޯނިއާ އާއި ވަނުއަޓޫ. 0.3 މީޓަރާއި 1 މީޓަރާއި ދެމެދުގެ ސުނާމީއެއް އިންޒާރު ނެރެފައިވާ އެހެން ހުރިހާ ސަރަހައްދަކަށް އެރުމުގެ ފުރުސަތު އެބައޮތް.

BREAKING NEWS: 35 Gaumakah Tsunami Ge Inzaaru Dheefihttps://t.co/yennoIrhrp https://t.co/yennoIrhrp

— Vaguthu Online (@VaguthuOnline) December 5, 2018

ޕެސިފިކް ސުނާމީ ވޯނިން ސެންޓަރުން ދެންމެ ބުނީ ސުނާމީގެ ރާޅުތައް އުފެދިފައިވާ ކަމަށް.

ފުރަތަމަ ބިންހެލުން އައިސްފައި ވަނީ 6 މެގްނެޓިއުޑްގައި. އޭގެ ހަތަރު ގަޑިއެއްހާއިރު ފަހުން ވަނީ ބާރުގަދަ ބިންހެލުން އައިސްފައި. އެބިންހެލުން އައީ 7.6 މެގްނެޓިއުޑްގައި ކަމަށް ވީނަމަވެސް މިހާރު ވަނީ ބިންހެލުމުގެ ބާރު މިން 7.5 މެގްނެޓިއުޑަށް ދަށްކޮށްފައި.