ފިލަޑެލްފިއާ އިން މިއާމީއަށް ދަތުރުކުރި ފްލައިޓެއްގެ ދެ ފްލައިޓް އެޓެންޑެންޓެއްގެ ގައިގައި އަތްލައި، ތިންވަނަ ފްލައިޓް އެޓެންޑެންޓުގެ މޫނުމަތީގައި ޖެހި ކަމުގެ ތުހުމަތުގައި އެމެރިކާ ފިރިހެނަކު ހައްޔަރު ކޮށްފިއެވެ.
މިއާމީ އިންޓަނޭޝަނަލް އެއާޕޯޓުން މިދިޔަ އާދިއްތަ ދުވަހު ހައްޔަރު ކޮށްފައިވަނީ މެކްސްވެލް ބެރީ، 20އ އެވެ. އޭނާގެ މައްޗަށް ތިން ކަމަކަށް ތުހުމަތު ކޮށްފައިވެއެވެ. އޭނާގެ މައްޗަށް ކޮށްފައިވާ ތުހުމަތުގެ ތެރޭގައި ފްލައިޓް އެޓެންޑެންޓެއްގެ އުރަމަތީގައި ހިފި މައްސަލައަކާއި، ދެވަނަ ފްލައިޓް އެޓެންޑެންޓަށް ޖިންސީ ފުރައްސާރަ ކުރުމާއި ތިންވަނަ ކުއްޖާގެ މޫނުމަތީގައި ޖެހުމުގެ ތުުހުމަތު ކަމަށް އެންބީސީ އާއި އެންޕީއާރްއިން ރިޕޯޓު ކޮށްފައިވެއެވެ.
އެންޕީއާރްއިން ރިޕޯޓު ކޮށްފައިވާ ގޮތުން ބެރީ ފްލައިޓް ތެރޭގައި ފްލައިޓްގެ ކްރޫއިންނާއި، ފަސިންޖަރުންނާއި ދިމާލަށް ހަޅޭއްލެވުމާއި އަޑުގަދަކުރަމުންދާ މަންޒަރު ކެމެރާތަކަށް އަރާފައިވާ ކަމަށެވެ. އެ ވީޑިއޯއިން ފެންނަ ގޮތުން ފަސިންޖަރުންނާއި ފްލައިޓް އެޓެންޑެންޓުންނާއި ދެކޮޅަށް އަޑުގަދަކުރަމުންދާ މަންޒަރެެވެ. ވީޑިއޯގެ ހިސާބަކުން ދެން ފެނިގެންދަނީ ފިރިހެން ފްލައިޓް އެޓެންޑެންޓެއް އައިސް ބެރީ ގޮނޑީގައި ޓޭޕް ބޭނުންކޮށްގެން ބަންނަމުންދާ މަންޒަރެވެ. ވީޑިއޯއިން އެ މަންޒަރު ފެނިގެންދާއިރު ބެކްގްރައުންޑް އަޑަކަށް އިވެމުންދަނީ ފަސިންޖަރުންގެ ހުނުމުގެ އަޑެވެ.
Frontier passenger allegedly touched 2 flight attendants breasts, then screamed his parents are worth $2 million, before punching a flight attendant. Frontier suspended the crew for duct taping the passenger to his seat as they landed in Miami. 22 yr old Max Berry is in custody. pic.twitter.com/4xS9Rwvafx
— Sam Sweeney (@SweeneyABC) August 3, 2021
އޭބީސީ ނޫހުގެ ނޫސްވެރިޔަކު ޓްވިޓާގައި ހިއްސާކޮށްފައިވާ މި ވީޑިއޯ 12 މިލިއަނަށް ވުރެ ގިނަ މީހުން ވަނީ ބަލާފައެވެ. އަދި ފްލައިޓްގައި އެވަގުތު އިންކަމަށް ބެލެވޭ ފަސިންޖަރަކު ހިއްސާކޮށްފައިވާ ބެރީގެ މަންޒަރު ފެނިގެންދާ ވީޑިއޯ 3 މިލިއަން މީހުން ބަލާފައިވާކަން ފާހަގަ ކޮށްލެވެއެވެ.
https://twitter.com/k9spams/status/1422635091998687234?ref_src=twsrc%5Etfw%7Ctwcamp%5Etweetembed%7Ctwterm%5E1422635091998687234%7Ctwgr%5E%7Ctwcon%5Es1_c10&ref_url=https%3A%2F%2Fwww.ndtv.com%2Fworld-news%2Fmaxwell-berry-on-frontier-airlines-us-man-accused-of-groping-assaulting-flight-crew-taped-to-seat-2504498
ފްރޮންޓިއާ އެއާލައިންއިން ރިޕޯޓު ކޮށްފައިވާ ގޮތުން މި މައްސަލައިގެ ތަހުގީގް ނިމެންދެން ކްރޫ ވަނީ މުސާރަ ހިނގާ ގޮތަށް ޗުއްޓީއަށް ފޮނުވާފައެވެ.
