ޓައިވާންގައި 1989 ހިންގި ބޮޑު މުޒާހަރާއާ ގުޅިގެން އެ ދުވަސް މުގައްދަސް ދުވަހެއްގެ ގޮތުގައި ހަމަޖައްސާފައި ވަނިކޮށް ޓައިވާންގެ 12 މީހަކު އެ ދުވަހު ފުޓުބޯޅަ މުބާރާތެއް ބަލަން ދިއުމުން އެމީހުންގެ ޖަލަށް ލުމަށް އެ ގައުމުގެ ކޯޓަކުން ހުކުމް ކޮށްފިއެވެ.
މީޑިއާ ރިޕޯޓްތައް ބުނާ ގޮތުގައި ހައްޔަރުކުރި މީހުންގެ ތެރޭގައި ޗައިނާގެ ޕެޓްރިއޯޓިކް ޑިމޮކްރެޓިކް މޫވްމެންޓްސް އޮފް ޗައިނާގެ ކުރީގެ އިސް ފަރާތެއް ކަމަށްވާ އަލްބާޓް ހޯ ހިމެނެއެވެ. އޭގެ އިތުރުން ކުރީގެ ގާނޫނީ ވަކީލު އެޑީ ޗޫ އާއި ފިގޯ ޗަން ހިމެނެއެވެ.
ކޯޓުގައި ވާހަކަ ދައްކަމުން ހުކުމް އިއްވި ގާޒީ ވިދާޅުވީ ކޮވިޑްގެ މި ބަލިމަޑުކަމުގެ ހާލަތާ މެދުގައި ވިސްނާލުމެއް ނެތި ފުޓްބޯޅަ މުބާރާތަށް މީހުން ދިޔަ ކަމަށެވެ. އަދި އެމީހުން މަސައްކަތް ކުރީ ސިއްހީ ނާޒުކު މި ދަނޑިވަޅަށް ވިސްނުމެއް ނެތި އަމިއްލަ ބޭނުންތައް އިސްކުރުމަށް ގާޒީ ވިދާޅުވިއެވެ.
ބޭރުގެ ފަރާތްތަކަށް މަސައްކަތް ކުރާ ބަޔަކު ކަމަށް ތުހުމަތުކޮށް ހޮންގް ކޮންގް އެލައިންސްގެ ބައެއް ލީޑަރުން ހައްޔަރުކޮށްފައިވާއިރު އެމީހުންނަކީ ގައުމީ ސަލާމަތަށް ހުރި ނުރައްކަލެއް ކަމަށްވެސް ސަރުކާރުން ބުނެއެވެ.
ޗައިނާ އިން ބުނާގޮތުގައި މިފަދަ ފަރާތްތަކާ މެދު ފިޔަވަޅު އަޅަންޖެހެނީ ސަލާމަތީ ގޮތުން ރައްކާތެރި މާހައުލެއް ބިނާކުރުމަށް ކަމަށެވެ.
