އިންޑިއާގެ އެންމެ މުއްސަނދި ސެލްފް މޭޑް އަންހެން ބިލިއަނަރަކަށް ނިކާގެ ފައުންޑަރު ފަލްގުނީ ނަޔާރު ވެއްޖެއެވެ.

އިންވެސްޓްމަންޓް ބޭންކަރެއްގެ ގޮތުގައި ނަޔާރު ކެރިއަރުގެ އެންމެ އުހުގައި އޮތް ދުވަސްވަރު އޭނާ ވަނީ އަމިއްލަ ބިއުޓީ އެމްޕަޔާއެއް ބިނާކޮށްފައެވެ. އަދި އެއިން މާކެޓް ކެޕިޓަލައިޒޭޝަންގައި އެއް މިލިއަން ކްރޯޑު ރުޕީސް ހޯދާފައެވެ.

ނިކާގެ ބެލެނިވެރި އިދާރާ އެފްއެސްއެން އީ-ކޮމާސް ވެންޗާސް އަކީ ސްޓޮކް އެކްސްޗޭންޖަށް އައި އިންޑިއާގެ ފުރަތަމަ އަންހެން ޔުނިކޯންއެވެ. ބުދަ ދުވަހު ނިކާގެ ހިއްސާތައް 96 އިންސައްތަ މަތިވެ، ނަޔާރުގެ މުއްސަނދިކަން 6.5 ބިލިއަން ޑޮލަރަށް ވަނީ އަރާފައެވެ.

ނިކާގެ ފައުންޑަރު އަދި ސީއީއޯ ވަނީ އިންޑިއާގައި އިތުރު ހަ އަންހެން ބިލިއަނަރުންނާ ގުޅިފައެވެ. ނަޔާރުގެ އިތުރުން ކިރަން މަޒުމްދަރު-ޝާ (ބަޔޯކޮން) އާއި ދިވްޔާ ގޯކުލްނާތު (ބައިޖޫ) އަކީ ހަމައެކަނި އަމިއްލަ އަށް އުފައްދާފައިވާ ބިލިއަނަރުންނެވެ.

ނިކާއާގެ ގާތްގަނޑަކަށް 51 ޕަސަންޓް ހިއްސާ އޭނާގެ ފިރިމީހާ އޮވެއެވެ. އައިޕީއޯއަށް ފަހު ވެސް އާއިލާއާއެކު މެޖޯރިޓީ ހިއްސާ މިލްކު ކުރުން ކުރިއަށް ދާނެއެވެ.

ނިކާ އަކީ 2012 ވަނަ އަހަރުގެ އޭޕްރީލް މަހާ ހަމައަށް އުފެއްދި ސެޓަޕެކެވެ. އޭގެ ފަހުން 2012 ވަނަ އަހަރުގެ ނޮވެމްބަރު މަހު ބީޓާ ސައިޓްގެ ސޮފްޓް ލޯންޗަކާއި 2013 ވަނަ އަހަރުގެ އޭޕްރީލް މަހު ކޮމާޝަލް މާކެޓިން ވެސް ކުރިއެވެ. ނިކާ މިހާރު އައިޕީއޯ ރޫޓް ނެގި އިންޑިއާގެ ފުރަތަމަ ފައިދާ ބޮޑު ސްޓާޓްއަޕް އަށް ވަނީ ވެފައެވެ.

މީގެ އިތުރުން ނަޔާރު ވަނީ 2019 ވަނަ އަހަރު ފޯރބެސް އޭޝިއާ އިން އޭޝިއާގެ ޕަވަރ ބިޒްނަސްވުމަންގެ ލިސްޓުގައި ހިމެނި، ވޯގް އިންޑިއާއިން 2019 ވަނަ އަހަރުގެ "ބިޒްނަސް ޕާސަން އޮފް ދަ އިޔަރ" ވެސް ހޯދާފައެވެ.

ނަޔާރު އޭނާގެ ފިރިމީހާ ސަންޖޭ ނަޔާރުއާ ބައްދަލުވީ ބިޒްނަސް ސްކޫލްގައެވެ. އޭނާ އަކީ މިހާރު ގްލޯބަލް އިންވެސްޓްމަންޓް ފާމެއް ކަމަށްވާ ކޭކޭއާރް އިންޑިއާގެ ސީއީއޯގެ އިތުރުން އައިޕީއޯގެ ދާއިރާއިން ސްޕެޝަލައިޒްވެފައިވާ މީހެކެވެ.