ހަނގުރާމައަށްވުރެ ބަނޑުހައިހޫނުކަމުގެ ސަބަބުން ޣައްޒާގައި މީހުން މަރުވެދާނެ ކަމަށް ފަލަސްތީނުގެ އޮފިޝަލަކު ވިދާޅުވެއްޖެ.

ސްވިޒަލޭންޑްގެ ޑާވޯސްގައި މިހާރު ކުރިއަށްދާ ވޯލްޑް އިކޮނޮމިކް ފޯރަމްގައި ވާހަކަ ދައްކަވަމުން ފަލަސްތީނު އިންވެސްޓްމަންޓް ފަންޑުގެ ޗެއާޕާސަން މުހައްމަދު މުސްތަފާ ވިދާޅުވީ މިފަދަ ހާލަތެއް މެދުވެރިވިޔަ ނުދިނުމަށް ބައިނަލްއަގުވާމީ މުޖުތަމައު އަވަސް ފިޔަވަޅުތަކެއް އަޅަން ޖެހޭ ކަމަށއ.

"އަޅުގަނޑުމެން ސަމާލުކަން ނުދީފިނަމަ، ހަނގުރާމައަށްވުރެ، ބަނޑުހައިހޫނުކަމުގެ ސަބަބުން މީހުން މަރުވެދާނެ. އެހެންވީމާ، އަޅުގަނޑުމެން ބޭނުމެއް ނޫން، މިކަން ހިނގާތަން ބަލަން މާގިނަ އިންތިޒާރެއް ކުރާކަށް. އަޅުގަނޑަށް ހީވަނީ މިހާރު ބަދަލުވާންވީ ވަގުތު ޖެހިއްޖެހެން،" އޭނާ ވިދާޅުވި.

ޣައްޒާއަށް ބޭސްފަރުވާގެ އެހީ ވަނުމާ ގުޅޭ ގޮތުން ސިލްސިލާ މަޝްވަރާތަކެއް ކުރުމަށްފަހުވެސް، އެހީތެރިކަން ފޯރުކޮށްދިނުމަށް ކުރަމުންދާ މަސައްކަތްތާއެކު އިސްރާއީލުގެ ސިޔާސީ މަސްރަހު ވަރަށް ބޮޑަށް ގޯސްވެއްޖެ.

ރަތް ކަނޑުގައި ޔަމަންގެ ހޫތީން ދެމުން ގެންދާ ހަމަލާ ތަކުގެ ސަބަބުން ހޫތީންނަކީ ނިރުބަވެރި ޖަމާއަތެއް ކަމަށް އެމެރިކާއިން ކަނޑައަޅަން އުޅޭ ކަމަށް މީޑިއާ ރިޕޯޓުތައް ބުނެފި

ހޫތީންނަކީ ނިރުބަވެރި ޖަމާއަތެެއްގެ ގޮތުގައި އެމެރިކާ އިން ކަނޑައަޅަނީhttps://t.co/48JTggbeC1

— Vaguthu Online (@VaguthuOnline) January 17, 2024

އިސްރާއީލުން ޣައްޒާގައި ފަލަސްތީނާ ދެކޮޅަށް ޖަރީމާ ހިންގަމުންދާ ކަމަށް ބުނެ އދ.ގެ އެންމެ މަތީ ކޯޓުގައި ހިނގަމުންދާ ދެކުނު އެފްރިކާގެ މައްސަލައަށް ތާއީދު ނުކުރާ ކަމަށް ފަރަންސޭސި ޚާރިޖީ ވަޒީރު ވިދާޅުވެއްޖެ.

ރަތް ކަނޑުގެ އުޅަނދުތަކަށް ހޫތީން ދިން ހަމަލާތަކުގެ އަސަރުން އެކްސްޕޯޓްކުރާ ފަރާތްތައް ސަލާމަތް ކުރުމަށް އިންޑިއާއިން މަސައްކަތް ކުރަމުންދާ ކަމަށް ސަރުކާރުގެ މަސްދަރަކުން ރޮއިޓާސްއަށް މައުލޫމާތު ދީފި.

އިންޑިއާގެ ޚާރިޖީ ވަޒީރު ސުބްރަމާނިއަމް ޖައިޝަންކަރު އީރާނުގައި ހޯމަ ދުވަހު ބޭއްވެވި މަޝްވަރާތަކުގައި ރަތް ކަނޑުގެ ހާލަތާ ބެހޭގޮތުން މަޝްވަރާކުރައްވާފައި.

ޖެނުއަރީ 12 ވަނަ ދުވަހުން ފެށިގެން ޣައްޒާގައި ޓެލެކޮމިއުނިކޭޝަން ހިދުމަތް ނުލިބޭއިރު، މިއީ މިއީ ހަނގުރާމަ ފެށުނު ފަހުން ދެމެހެއްޓެނިވި ގޮތެއްގައި ޓެލެކޮމިއުނިކޭޝަން ހިދުމަތަށް ހުރަސް އެޅިގެން ދިޔަ އެންމެ ދިގު މުއްދަތު ކަމަށް ތަޖުރިބާކާރުން ބުނޭ.

ނިރުބަވެރި އިސްރާއީލުން ފަލަސްތީނުގެ ޣައްޒާގެ ޚާން ޔުނިސްގެ ހުޅަނގު ދެކުނުގައި އޮންނަ އޮސްޓްރިއާގެ އަވަށުގެ ގަބުރުސްތާނުގެ ބައެއް ހަލާކުކޮށްލައި، ބައެއް މީހުންގެ ހަށިގަނޑުތައް ގެންގޮސްފި

ޣައްޒާގެ ގަބުުރުސްތާނެއްގައި ވަޅުލާފައިވާ މީހުންގެ ހަށިގަނޑުތައް ނިރުބަވެރިން ގެންދަނީhttps://t.co/PzYskWVZpi

— Vaguthu Online (@VaguthuOnline) January 17, 2024

އިސްރާއީލުން ހިފާފައިވާ ހުޅަނގު އައްސޭރީގެ ތުލްކަރެމް ރެފިއުޖީ ކޭމްޕަށް އަސްކަރިއްޔާއިން ދިން ހަމަލާގައި އިސްރާއީލު ސިފައިންގެ މީހަކަށް "ސީރިއަސް ޒަހަމްތަކެއް" ލިބިފައިވާ ކަމަށް ޓައިމްސް އޮފް އިސްރާއީލުން ބުނެފި.

އިސްރާއީލުގެ އަސްކަރިއްޔާއިން މި ހަމަލާ ދެމުން އަންނަތާ ގާތްގަނޑަކަށް ނުވަ ގަޑިއިރު ވެއްޖެ.

އިސްރާއީލް ސިފައިން އަދިވެސް ތިބީ ތުލްކަރެމް ރެފިއުޖީ ކޭމްޕްގައި ހަތިޔާރު އެޅި މީހުންނާ ވަރުގަދަ ކުރިމަތިލުންތަކެއް ހިންގަމުން.

އިސްރާއީލް ސިފައިން ގޭގެއަށް ގޮސް، ބައެއް ފަހަރު އެތަނަށް ވަނުމަށް ދޮރުތައް ވެސް ގޮއްވާލާ ކަމަށް އާންމުން ބުނޭ. އަދި އެމީހުން ވަނީ ގިނަ އަދަދެއްގެ ބަޔަކު ހައްޔަރުކޮށް ސުވާލުކޮށްފައި.

ޣައްޒާގެ އާބާދީގެ ހަތަރުބައިކުޅަ އެއްބައި މީހުން ބަނޑުހައިހޫނުކަމާ ކުރިމަތިލާން ޖެހިފައިވާއިރު، ޣައްޒާގެ ކޮންމެ މީހަކުވެސް ބަނޑުހައި ހޫނުކަމުގައި ދިރިއުޅެމުންދާ ކަމަށް އދ.ގެ ތަޖުރިބާކާރުން ބުނެފި.

އައްސޭރިފަށުގެ ސަރަހައްދުގައި ދިރިއުޅޭ ފަލަސްތީނުގެ 2.3 މިލިއަން މީހުންނަކީ މުޅި ދުނިޔޭގައި ބަނޑުހައިހޫނުކަން ނުވަތަ ނުރައްކާތެރި ބަނޑުހައިހޫނުކަން ކުރިމަތިވެފައިވާ ދުނިޔޭގެ އާބާދީގެ 80 އިންސައްތަ.

އިސްރާއީލުން ހިފާފައިވާ ހުޅަނގު އައްސޭރީގެ ތުލްކަރެމް ރެފިއުޖީ ކޭމްޕަށް ދިން ވައިގެ ހަމަލާގައި ހާލުގައި ޖެހުނު މީހުންނާ ހަމައަށް ވާސިލުވާން އުޅުމުގެ ތެރޭގައި އެ ޖަމިއްޔާގެ އެމްބިއުލާންސްގައި މަސައްކަތް ކުރާ ދެ މީހަކު ޒަހަމްވެފައިވާ ކަމަށް ފަލަސްތީނު ރެޑް ކްރެސެންޓް ސޮސައިޓީ (ޕީއާރުސީއެސް) އިން ބުނެފި.

ހޫތީން އިސްރާއީލާ ގުޅުން ހުރި އުޅަނދުފަހަރަށް ހަމަލާތައް އަމާޒުކުރުމަމުންދާއިރު، މި މުހިންމު ކަނޑުގެ މަގުގައި ހަމަނުޖެހުން އުފެދުމަކީ ދުނިޔޭގެ ވިޔަފާރީގެ އެންމެ ބޮޑު ކަންބޮޑުވުމެއް ކަމަށް ވޯލްޑް ޓްރޭޑް އޯގަނައިޒޭޝަން (ޑަބްލިއުޓީއޯ)ގެ ވެރިޔާ އެންގޯޒީ އޮކޮންޖޯ-އިވެއާލާ ވިދާޅުވެއްޖެ.

ޣައްޒާގެ ދެކުނުގެ ސިޓީއެއް ކަމަށްވާ ޚާން ޔުނިސްގައި ހުންނަ އުރުދުންގެ މިލިޓަރީ ފީލްޑް ހޮސްޕިޓަލަށް އިސްރާއީލުގެ ދިން ބޮމުގެ ހަމަލާތަކުގެ ސަބަބުން އެ ހޮސްޕިޓަލަށް ބޮޑެތި ގެއްލުންތަކެއް ލިބިފައިވާ ކަމަށް އުރުދުންގެ އަސްކަރިއްޔާއިން ބުނެފި.

އެ ގައުމުން ނެރުނު ބަޔާނެއްގައި ބުނެފައި ވަނީ ބައިނަލްއަގްވާމީ ގާނޫނުތަކާ ހިލާފުވުމުގެ ޒިންމާ އިސްރާއީލުގެ ބޮލުގައި އެޅިފައިވާ ކަމަށް.

ޣައްޒާގެ ހުރިހާ ކްރޮސިންއެއް ހުޅުވައި، ރިލީފް އަދި މެޑިކަލް ސާމާނު ގެނައުމަށް އިސްރާއީލުގެ ކަމާބެހޭ ފަރާތްތަކަށް ޕްރެޝަރު ކުރުމަށްފަލަސްތީނު އޮތޯރިޓީގެ މިނިސްޓަރ އޮފް ސޯޝަލް ޑިވެލޮޕްމަންޓް ގޮވާލައްވައިފި.

އިސްރާއީލުން ދެމުންދާ ބޮމުގެ ހަމަލާތަކުގެ ސަބަބުން ފަލަސްތީނުގެ ރައްޔިތުންނާއި އެތެރޭގެ ގެދޮރު ގެއްލިފައިވާ ފަލަސްތީނުގެ ރައްޔިތުން ތިބީ އެކަމަށް ބޭނުންވާ އެހީތެރިކަން ކަނޑައެޅިފައިވާ ސަރަހައްދުތަކަށް ނުފޯރާނެތީ ކަންބޮޑުވެފައި.

ޣައްޒާގެ އުތުރާއި ދެކުނުން ޣައްޒާއަށް ހަމަލާތައް ދެމުންދާ ކަމަށް މީޑިއާ ރިޕޯޓްތައް ބުނޭ.

އެހެން ގައުމުތައް ޣައްޒާހެ ހަނގުރާމައިގެ ތެރެއަށް ވައްޓާލުމުގެ ކުރިން ހަނގުރާމަ ހުއްޓާލަން ޖެހޭ ކަމަށް އދގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް ވިދާޅުވެއްޖެ.

ފަލަސްތީނުގެ ޣައްޒާގެ ރައްޔިތުންނާއި އެތަނުގައި ތިބި އިސްރާއީލުގެ ގައިދީންނަށް ބޭސް ފޯރުކޮށްދިނުމަށް ގަތަރާއި ފަރަންސޭސިވިލާތުން އެއްބަސްވި އެއްބަސްވުމާ ގުޅޭ އިތުރު ތަފްސީލް ހަމާސް އިން ހާމަކޮށްފި

ބަންދުގައި ތިބި މީހުންނަށް ދޭ ކޮންމެ ބޭސް ފޮއްޓަކަށް، ޣައްޒާގެ ރައްޔިތުންނަށް 1،000 ފޮށިhttps://t.co/68bRHhruT3

— Vaguthu Online (@VaguthuOnline) January 17, 2024

އީރާނުން އިރާޙުގެ އެރްބިލް ސިޓީއަށް ދިން ހަމަލާތަކާ ގުޅިގެން އދ އަށް މައްސަލައެއް އިރާގުން ހުށަހަޅައިފި

ޕާކިސްތާނާއި އަފްޣާނިސްތާނާ ގުޅިފައިވާ އީރާނުގެ ބަލޫޗިސްތާން ބޯޑަރަށް ދިން ނިރުބަވެރި ހަމަލާ ނާކާމިޔާބުކޮށްލިކަން އީރާނުގެ ބޯޑަރ ގާޑް ކޮމާންޑުން އިއުލާނުކޮށްފި.

އީރާނުން ވަނީ އަސްކަރީ ވެހިކަލަކާއި ހަތިޔާރު ހިފަހައްޓައި، ހަމަލާދިން މީހުންގެ ތެރެއިން އެކަކު މަރާލާފައި. އަދި އެ މީހުންގެ ތެރޭގައި ބާކީ ތިބި މީހުން ޒަހަމްކޮށްލި ކަަމަށްވެސް ބުނެފައިވޭ.

އީރާނުގެ ތެހެރާނުގައި މިވަގުތު ހުންނެވި އީރާނުގެ ސަފީރު ޕާކިސްތާނުން ބޭރުކޮށް، އެނބުރި ޕާކިސްތާނަށް ނުދިއުމަށް އަންގައިފި

އިސްރާއީލުން ފަލަސްތީނުގެ ޣައްޒާ އަށް ދެމުން އަންނަ ވަރުގަދަ ހަމަލާތަކުގައި ފާއިތުވެދިޔަ 24 ގަޑިއިރުގެ ތެރޭގައި ފަލަސްތީނުގެ 163 މީހުން ޝަހީދުކޮށްލައިފި.

24 ގަޑިއިރު ތެރޭގައި ފަލަސްތީނުގެ 163 މީހުން ޝަހީދުކޮށްލައިފި https://t.co/QgIceor4tK

— Vaguthu Online (@VaguthuOnline) January 17, 2024

އިސްރާއީލުން މިއަދު ވެސް ވަނީ ހުޅަނގު އައްސޭރީގެ ތުލްކަރެމް އަށް ޑްރޯން ހަމަލާއެއް ދީފައި.

އެމެރިކާގެ ސެކްރެޓަރީ އޮފް ސްޓޭޓް ބްލިންކެން ވިދާޅުވި ގޮތުގައި ފަލަސްތީނުގެ ރައްޔިތުން އިސްރާއީލާ އެކުގައި މަސައްކަތް ކުރަން ޖެހޭ.

ރަތް ކަނޑުގައި ހޫތީންނާއި އިނގިރޭސިވިލާތާއި އެމެރިކާ އިން ހަމަލާތައް ބަދަލުކުރަމުންދާތީ ރަތް ކަނޑުން ދަތުރު ކުރަން ހަމަޖެހިފައި އޮތް ގަތަރުގެ ބޯޓުތަކެއް މިސްރާބު ބަދަލުކޮށްފި.

ރަތް ކަނޑުގެ ހާލަތު ގޯސްވާތީ ގަތަރުގެ ތެޔޮ ބޯޓުތަކުގެ މިސްރާބު ބަދަލުވެއްޖެhttps://t.co/2YeYsxERGc

— Vaguthu Online (@VaguthuOnline) January 17, 2024

އިސްރާއީލުގެ އަނިޔާވެރި ޔަހޫދީ ސިފައިން ފަލަސްތީނުގައި ހިންގަމުންދާ އަނިޔާވެރި އަދި ލާއިންސާނީ އަމަލުތައް ހުއްޓާލުމަށް އިނގިރޭސިވިލާތުގެ ސަރުކާރުން ގޮވާލަން ޖެހޭ ކަމަށް ޔަމަނުގެ ސަރުކާރުން ބުނެފި.

Falastheenuge Ge Hamanujehun Huttuvumah In'gireysi Sarukaarun Masahkaiy Kuran Jehey: Yemen https://t.co/D0F1hVEKMI

— Vaguthu Online (@VaguthuOnline) January 17, 2024

ތުލްކަރެމް ރެޕިޑް ރެސްޕޮންސް ބެޓަލިއަންގެ މުޖާހިދުން ދަނީ އެ އަވަށު އެކި ސަރަހައްދުތަކުގައި ނިރުބަވެރިންނާ ވަރުގަދަ ހަމަލާތަކެއް ބަދަލު ކުރަމުން.

ނިރުބަވެރި އިސްރާއީލުގެ ފައުޖުތައް ތުލްކަރެމް ހިސޯރުކޮށްގެން ތިބިތާ 6 ގަޑިއިރަށް ވުރެ ގިނަ އިރުވެފައިވާ އިރު އެ އަވަށުން ޝަހީދުވީ މީހުންގެ އަދަދު ވަނީ 4 އަކަށް އަރާފަ.

ފިނޑި އިސްރާއީލުން ދަނީ ތުލްކާމް އަށް ދަތުރު ކުރަމުން ދާ އެމްބިއުލާންސްތައް ހުއްޓުވާ، އެމްބިއުލޭންސް ކްރޫ އިން ހައްޔަރުވެސް ކުރަމުން.

ފަލަސްތީނުގެ ރައްޔިތުންގެ ހައްގުގައި މަސައްކަތް ކުރަމުން އަންނަ ހަމާސް ޖަމާއަތުން މިދިޔަ އޮކްޓޯބަރު މަހުގެ ތެރޭގައި ޣައްޒާ އަށް ގެންދިޔަ އަސީރުންނަށް ބޭސް ފޯރުކޮށްދިނުމަށް އިސްރާއީލާއި ގަތަރާ ދެމެދު ގާއިމުކުރި އެއްބަސްވުމުގެ ދަށުން ބޭސް ހިފައިގެން ދެ މަތިންދާ ބޯޓެއް މިސްރަށް ގޮސްފި.

އަސީރުންނަށަށް ބޭނުންވާ ބޭސް ހިފައިގެން ދެ މަތިންދާ ބޯޓެއް މިސްރަށް ގޮސްފި https://t.co/xfMzHgy7VF

— Vaguthu Online (@VaguthuOnline) January 17, 2024

ފަލަސްތީނުގެ ރައްޔިތުންގެ ހައްގުގައި ހަނގުރާމަ ކުރަމުން އަންނަ ހަމާސްގެ މުޖާހިދުންނަށް ޖާސޫސްކޮށްދޭ ފަލަސްތީނުގެ ރައްޔިތަކު ޝަހީދުކޮށްލާފައިވާ ކަމަށް ބުނެ، އިސްރާއީލްގެ ހައްދުފަހަނައަޅާފައިވާ އަސްކަރިއްޔާގެ ނިރުބަވެރި ސިފައިން އެ ވާހަކަ "މޮޅު"ކޮށްގެން ދައްކަން ފަށައިފި.

ހަމާސް އަށް ޖާސޫސް ކުރާ އޮފިސަރަކު ޝަހީދުކޮށްލައިފިން: އިސްރާއީލް https://t.co/oCdKHUTEBj

— Vaguthu Online (@VaguthuOnline) January 17, 2024

އިސްރާއީލުން ހިފާފައިވާ ފަލަސްތީނުގެ ހުޅަނގު އައްސޭރީގައި ހުންނަ ތުލްކަރަމް ރެފިއުޖީ ކޭމްޕުގައި އިސްރާއީލު ސިފައިން ހަމަނުޖެހުން ހިންގަމުން އެބަދޭ.

އިސްރާއީލުން ހުޅަނގު އައްސޭރީގައި ހަމަނުޖެހުން ހިންގަނީhttps://t.co/h1c3nE8fTx

— Vaguthu Online (@VaguthuOnline) January 17, 2024

އިސްރާއީލްގެ އަސްކަރިއްޔާ އިން ބުނީ ފަލަސްތީނުގެ ހުޅަނގު އައްސޭރީގެ ނަބުލުސްގައި ކާރަކަށް ޑްރޯން ހަމަލާއެއްދީ އެ ކާރުގައި ތިބި ބަޔަކު ޝަހީދުކޮށްލާފައިވާނެ ކަމަށް. އެމީހުންނަކީ "ޓެރަރިސްޓުންތަކެއް" ގޮތުގައި އިސްރާއީލުން ސިފަކޮށްފައިވޭ.

މި ހަމަލާގައި ކިތައް މީހުން ޝަހީދުކޮށްލި ކަމެއް އަދި ސާފެއް ނޫން. އޭގައި ޒުވާން ފިރިހެނުންތަކެއް ތިބި ކަމަށްވޭ.

އިސްރާއީލުން ވަނީ ފަލަސްތީނު ރެޑް ކްރެސެންޓް ސޮސައިޓީގެ އެމްބިއުލާންސްއަކަށް ވެސް ހަމަލާދީފައި.

އިސްރާއީލްގެ އަސްކަރީ ސައިޓުތަކަށް އަމާޒުކޮށް ލުބުނާނުން ރޮކެޓް ހަމަލާތަކެއް ފޮނުވާލައިފި.

ފަލަސްތީނުގެ ޣައްޒާގައި ހަމާސް ޖަމާއަތާ ދެކޮޅަށް ހަނގުރާމަ ކުރަނިކޮށް އިސްރާއީލްގެ އިތުރު ދެ ނިރުބަވެރިއަކު މަރާލައިފި.

އިސްރާއީލްގެ އިތުރު 2 ނިރުބަވެރިއަކު މަރާލައިފި https://t.co/mubBJT5Quw

— Vaguthu Online (@VaguthuOnline) January 17, 2024

ރަތް ކަނޑުގައި އަމާންކަން ދަމަހައްޓައި، ހޫތީންގެ ބިރުވެރިކަން ނައްތާލަން ކަމަށް ބުނެ އެމެރިކާ އާއި އިނގިރޭސިވިލާތުން ހޫތީންގެ އަމާޒުތަކަށް ހަމަލާ ދެމުން ދިޔަ ނަމަވެސް ރަތް ކަނޑު އަދިވެސް ވިޔަފާރި ދަތުރުތަކަށް ނުރައްކާތެރި ކަމަށް ބޭރު ދުނިޔޭގެ ސިޔާސީ މަސްރަހު ދިރާސާ ކުރައްވާ މާހިރުން ބުނެފި.

Raiy Kan'du Adhives Nurakkaatheri! https://t.co/WO9amFWqiF

— Vaguthu Online (@VaguthuOnline) January 17, 2024

އިސްރާއީލުގެ މަސައްކަތުގެ ދާއިރާތަކުގަައި ވަޒީފާ އަދާކުރާނެ މީހުން ހޯދުމަށް އެ ގައުމުގެ ޓީމެއް އިންޑިއާ އަށް ގޮސްފި.

އިސްރާއީލުން އިންޑިއާގެ މަސައްކަތު މީހުން ހޯދަނީ https://t.co/f1ygNZ5Yll

— Vaguthu Online (@VaguthuOnline) January 17, 2024

ރަތްކަނޑުން ދަތުރު ކުރަމުން ދިޔަ ކާގޯ ބޯޓަކަށް އިއްޔެ ދިން މިސައިލު ހަމަލާގެ ޒިންމާ ހޫތީން އުފުލައިފި.

ހޫތީން ނުސިހުނު، އަނެއްކާވެސް ބޯޓަކަށް ހަމަލާ ދީފި https://t.co/k3DTDTEcnE

— Vaguthu Online (@VaguthuOnline) January 17, 2024

ހަނގުރާމައާ ދެކޮޅަށް އިސްރާއީލްގެ ވެރިރަށް ތެލް އަވީވްގައި މުޒާހަރާ ކުރަނީ.