އެޓްލަސް އެއާގެ ބޮއިން ކާގޯ މަތިންދާބޯޓެއް ފުރިތާ ކުޑައިރުކޮޅެއްގެ ތެރޭގައި އިންޖީނަށް މައްސަލައެއް ދިމާވެ، މަޔާމީ އިންޓަނޭޝަނަލް އެއާޕޯޓަށް އެމަޖެންސީގައި ޖައްސަން ޖެހިއްޖެއެވެ.
އެޓްލަސް އެއާއިން ނެރުނު ބަޔާނެއްގައި ބުނީ މަތިންދާ ބޯޓުގެ ހުރިހާ ސްޓޭންޑަޑް ޕްރޮސީޖާތަކަކަށް ތަބާވެ ރައްކާތެރިކަމާއެކު އެނބުރި މިޔާމީ އެއާޕޯޓަށް ޖައްސާފައިވާ ކަަމަށާއި، ރޭ ހިނގި މި ހާދިސާ ހިނގަން މެދުވެރިވި ސަބަބު ދެނެގަތުމަށް އިންސްޕެކްޝަނެއް ކުރިއަށް ގެންދާނެ ކަމަށެވެ.
މީސް މީޑިއާ ޕްލެޓްފޯމްތަކުގައި ދައުރުވަމުންދާ ވީޑިއޯތަކުން ފެންނަ ގޮތުގައި މަތިންދާބޯޓުގެ ވާތު ފިޔައިން އަލިފާން ރޯވެފައި ވެއެވެ.
#WATCH 🔴 In #Miami, a #Boeing 747-8, operated by Atlas Air, caught fire in the sky. It was a cargo flight, and according to airport representatives, the aircraft safely landed immediately after the incident. pic.twitter.com/BwrhhDIAty
— Voice of Europe 🌍 (@V_of_Europe) January 19, 2024
ނަމަވެސް އެ ވީޑިއޯތަކުގެ ސައްހަކަން ރޮއިޓާސްއަށް ކަށަވަރު ވެފައި ނުވާ ކަމަށް ބުނެފައި ވެއެވެ.
ފްލައިޓްއަވެއާގެ ތަފާސް ހިސާބުތަކުން ދައްކާ ގޮތުގައި މި ހާދިސާ ހިނގި މަތިންދާބޯޓަކީ ބޮއިން 747-8 މަރުކާގެ މަތިންދާބޯޓެކެވެ. ބޮއިންގްގެ 747-8 މަރުކާގެ މަތިންދާބޯޓުގައި ހަތަރު ޖެނެރަލް އިލެކްޓްރިކް ޖީއެންކްސް އިންޖީނު ހުރެއެވެ.
މިއާމީ-ޑޭޑް ފަޔަރ ރެސްކިއުއިން ބުނިގޮތުގައި، މި ހާދިސާަގއި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
މިކަމާ ގުޅިގެން ބޮއިންގް، އެފްއޭއޭ އަދި ޖެނެރަލް އިލެކްޓްރިކްގެ ބަހެއް ހޯދުމަށް ރޮއިޓާސް އިން ކުރި މަސައްކަތް ވަނީ ނާކާމިޔާބު ވެފައެވެ.