ފާޒިލް އިސްމާއިލް (ފިޓް ފާޒިލް) އަކީ ފިޓްނެސް ނުވަތަ ދުޅަހެޔޮކަމުގެ ދުނިޔެ އަށް އާ ނަމެއް ނޫނެވެ. ކަސްރަތުތަކާއި ހަށިހެޔޮކަމުން ދިވެހިންގެ ސަމާލުކަން ހޯދި ފާޒިލް އަށް އޭނާގެ މަޝްހޫރުކަމާ އެކު އެތައް ފާޑުކިޔުންތަކަކާ ކުރިމަތިލާން ޖެހުނު ފަހަރުތައް ވެސް މެދުވެރިވެފައި އެބަހުއްޓެވެ.
އެގޮތުން އޮޅުވާލައިގެން މަކަރާއި ހީލަތުން "ގިވް އަވޭ" އެއްގެ ނަމުގައި ފޮލޯވަސް ހޯދިކަމުގެ ތުހުމަތު ކުރެވި ފާޒިލް އަށް ވަރަށް ބޮޑަށް ފާޑުކިޔުން އަމާޒުވިއެވެ. ފާޒިލް ބުނާ ގޮތުން އެއީ އޭނާ އަށް ބަޔަކު ރާވައިގެން ދިން ބޮޑު ލަނޑެކެވެ. ކޮންމެ އަކަސް އޭނާ ހޫނު ފެނަށް ވެއްޓި އާއްމުންގެ ނުރުހުން ވަރަށް ބޮޑަށް އަމާޒުވިއެވެ.
ނަމަވެސް އެ ފާޑު ކިޔުންތަކަކީ ފާޒިލްގެ ހިތްވަރު ކުޑަކޮށްލި ކަމެއް ނޫނެވެ. "ގިވް އަވޭ"ގެ ފާޑުކިޔުންތައް އަމާޒުވިތާ ކުޑަ ދުވަސްކޮޅެއް ފަހުން އޭނާ އެނބުރި އާއްމުންނަށް ފެނުނީ ނިކަން މޮޅު އިސްތިހާރަކުންނެވެ.
އެ އިޝްތިހާރަކީ މުޅި ދުނިޔެ އަށް ވެސް މަޝްހޫރުވި ގިނަ ބައެއްގެ ސަމާލުކަން ހޯދި "މަނީ ހައިސްޓް" ސީރީޒްގެ ތީމް ލަވައިގެ ރާގަށް، އެ ސީރީޒްގެ ރަހަތަކާއި އެކު ކުޅެފައިވާ އިޝްތިހާރެކެވެ.
ޕިއްޒާގެ ވިޔަފާރީގައި މަޝްހޫރު "ޖެލީ"ގެ އެ އިޝްތިހާރުން ފެނުނީ "މަނީ ހައިސްޓް" ގައި ވަގުން ލައިގެން ތިބޭ ފަދަ ޓްރެކްޝޫޓްތަކެއް ލައިގެން ޕިއްޒާތައް ގެންދާ މަންޒަރެވެ.
ކޮންމެއަކަސް ދިވެހިންގެ ސަމާލުކަން ހޯދުމުގައި ފާޒިލް އަކީ ފަހަތަށް ޖެހޭ މީހެއް ނޫނެވެ. ޚާއްސަކޮށް ދުޅަހެޔޮކަމަށް ފާޒިލްގެ ހިތުގައި އޮތް ލޯތްބާ އެކު އެހެން މީހުން ދުޅަހެޔޮކަމަށް ހިތްޖައްސަން އޭނާ ކުރާ މަސައްކަތަށް މަޑުޖެހުމެއް ނާދެއެވެ.
މިފަހަރު ވެސް މިއޮތީ ފާޒިލްގެ ތަފާތު ވީޑިއޯއެކެވެ. މި ވީޑިއޯ އަކީ އޭނާ ޓިކްޓޮކްގައި ހިއްސާ ކުރި ވީޑިއޯއެެވެ. މާޝަލް އާޓް ނުވަތަ ކަރާޓީގެ ހުނަރު ދައްކާލާ މި ކުރު ވީޑިއޯކޮޅާއެކު ފާޒިލް ވަނީ މެސެޖެއް ވެސް ހިއްސާކޮށްފައެވެ.
@fitfazil It doesn’t get easier , you just get stronger . #fitness #karate #martialart #fight #maldivestiktok #moves
ދުޅަހެޔޮވުމަށް ކުރާ މަސައްކަތްތަކަށް އިޝާރާތްކޮށް އެ ވީޑިއޯގެ ކެޕްޝަންގައި އިނގިރޭސި ބަހުން ފާޒިލް ބުނެފައި ވަނީ އެއީ ފަސޭހަ ކަމެއް ނޫން ކަމަށެވެ. އެކަމަކު އެ މަސައްކަތުގައި ދުވަސް ހޭދަވާ ވަރަކަށް މީހާ ދުޅަހެޔޮ ނުވަތަ ވަރުގަދަ ވާނެކަމަށް އޭނާ ވަނީ ފާހަގަކޮށްފައެވެ. ފާޒިލްގެ މި ވީޑިއޯ މިހާތަނަށް 11000 އަށް ވުރެ ގިނަ މީހުން ވަނީ ބަލައިފައެވެ.
ފާޒިލް އަކީ ފިޓްނެސް އިންސްޓްރަކްޓަރެއްގެ އިތުރުން މޮޑެލްއެެކެވެ.
އޯއެމްޖީ ހާދާ ހޮޓޭ.
އަޅެ މަށަށްވެސް ލިބޭނެ ނަމަ😍
ފައިސާ ލިބޭނެ އެވެ.
ދުނިޔެއަށް އާ ނަމެއް ނޫނޭ ލޮލް.... މަ ހީކުރީ މީ ޖައްވުގަ ވެސް ވަރަށް އަލި ގަދަ ތަރިއެއް ކަމަށޭ
ހާހާ. ކޮންނަމެއްކިޔާ ޓެކްނީކެކޯތީ؟ ބޯހަލާކު!
ތީ ކޯންޗެއް.. ހީ ހީ ހަލާކު..
ޥަގުކަލޭގެ އަނެއްކާ ފެށީ ޑަބްލިއު ޑަބްލިއުއީ މެޗެއްތަ މީ އަޅެ
އަޅެ ޖެހިލަބަލަ....
ޝަރުމީލާތަ ނަގާފަ އެ ޖަހަނީ!
ފިޓް ފާޒިލް މިފަހަރު އޭނާގެ ފިޓުކަން ދައްކާލީ ޓިކްޓޮކްގައި.
ތިޔަހުރި ފިޓުކަމެއް ނިކަން ފަރުޟު ފަސް ނަމާދުން ދައްކާލަ ދީފާނަންތަ..
ދިސް އިޒް ކޯލްޑް ޑްރިލް
މީނަ ހަމަ ޖެހޭތަ.ކެކެ
އަސްލު އެޓޭކެއް އައިމަ ފިޓްފާޒިލް ހުނާނެ ފިޓެއް ޖެހިފަ