އަންނަ މަހުގެ 21 ވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލިހުގެ އިންތިހާބުގައި ވާދަކުރައްވާ ކެންޑިޑޭޓުންގެ ކެމްޕެއިން ޕޯސްޓަރު ނުވަތަ ބިިލް ބޯޑުތަކަށް ގެއްލުން ދިނުން އާންމު ކަމަކަށްވެ، ބައެއް މައްސަލަތައް ފުލުހުންގެ އިދާރާ އަށް ހުށަހަޅައިފިއެވެ.
މަޖިލިހުގެ އިންތިހާބުގެ ކެމްޕެއިނާ ދިމާކޮށް މާލެ އާއި ހުޅުމާލެ އާއި ވިލިމާލޭގެ އިތުރުން ވަރަށް ގިނަ ރަށްރަށުގައި ވެސް ވަނީ ކެމްޕެއިން ޕޯސްޓަރުތައް ހަރުކޮށްފައެވެ. ގިނަ އިން ގެއްލުން ދީފައި ހުރީ މީހުންގެ މޫނު ޖަހާފައި ހުންނަ ކެމްޕެއިން ޕޯސްޓަރުތަކަށެވެ.
މީހުންގެ ފޮޓޯ ޖަހާފައި ހުންނަ ޕޯސްޓަރުތައް ނުވަތަ ބިލް ބޯޑުތަކަށް ގެއްލުން ދިނުމަކީ މީގެކުރިން ވެސް ކުރަމުން އައި ކަމެކެވެ. އެކަން އެންމެ ބޮޑަށް ފާހަގަވެފައި އޮންނަނީ ވެސް ރައްޔިތުންގެ މަޖިލިހުގެ އިންތިހާބުގެ ކެމްޕެއިންތަކުގައި އާއި ލޯކަލް ކައުންސިލް އިންތިހާބުގެ ކެމްޕެއިންގެ ތެރޭގައެވެ.
މި މައްސަލަތައް ފުލުހުންނަށް ހުށަހަޅާފައި ވިޔަސް މިކަމުގައި ފުލުހުންގެ ބަހެއް އަދި ނުލިބެއެވެ.
ބިލް ބޯޑުތައް ނުވަތަ ކެމްޕެއިން ޕޯސްޓަރުތައް މަގުމަތީގައި ބެހެއްޓޭނީ މާލެ ސިޓީ ކައުންސިލްގެ ހުއްދަ ލިބިގެންނެވެ.
ކެންޑިޑޭޓުންގެ އިންތިޚާބީ ޙައްޤަށް އަރައިގަތުމަކީ ގާނޫނީ ކުށެއް. އަދި ކޮންމެ ކެންޑިޑޭޓަކަށްވެސް މިނިވަންކަމާއެކު ކެމްޕޭން ކުރުމުގެ ޙައްޤު އޮންނަންޖެހޭނެ. އަދި އެފުރުސަތު މުވައްސަސާތަކުން ކެންޑިޑޭޓުންނަށް ފަހިކޮށް ދެއްވަންވާނެ.
Campaign poster poster thakugai moonu kandai gellun…— Ismail Habeeb (@IsmailHabeeb) March 24, 2024
މި މައްސަލައިގައި އިލެކްޝަންސް ކޮމިޝަން (އީސީ) ގެ ކުރީގެ ނައިބު ރައީސް އިސްމާއިލް ހަބީބް "އެކްސް" ގައި ކުރެއްވި ޕޯސްޓެއްގައި ވިދާޅުވީ ކެންޑިޑޭޓުންގެ އިންތިހާބީ ހައްގަށް އަރައިގަތުމަކީ ގާނޫނީ ކުށެއް ކަމަށެވެ. އަދި ކޮންމެ ކެންޑިޑޭޓަކަށް ވެސް މިނިވަންކަމާ އެކު ކެމްޕެއިން ކުރުމުގެ ހައްގު އޮންނަން ޖެހޭނެ ކަމަށް އޭނާ ވިދާޅުވިއެވެ.
"އެ ފުރުސަތު މުއައްސަސާތަކުން ކެންޑިޑޭޓުންނަށް ފަހިކޮށް ދެއްވަން ވާނެ،" ހަބީބު ވިދާޅުވިއެވެ.
އިލެކްސަން ކޮމިސަނުން ކީކޭ ބުނަނީ؟ އެތާ އުޅެފަ ތިބިމީހުން ބުނާ އެއްޗެއް ނޫން އެއްޗެއް ނެތީތަ؟
ޕޮލިހުން އަޅާނުލާ ކަންތައްތަކައް އާންމު ރައްޔިތުން ނުކުމު މަގުމަތީ ގާނޫނު ހިންގުމުގެ ބޭނުމެއްނެތް.
ބިލްބޯޑުތަކާހުރެ މަގުވެސް ގޮނޑުވެއްޖެ. އަމިއްލަ ގެދޮރުގަ ތިސާމާނު ދަބަރުޖަެހި ހޮޅީގަ ހަރުކޮއްފަ ބަހައްޓަބަލަ