އަޒުމްފުޅަކީ ދިވެހި ކޮންމެ މަސައްކަތްތެރިއަކަށް، ފުދުންތެރި، ތަނަވަސް އަދި ފާގަތި ދިރިއުޅުމެއް މި ފަސް އަހަރުގެ ތެރޭ ހޯދައިދެއްވުންކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ބައިނަލްއަގުވާނީ މަސައްކަތްތެރިންގެ ދުވަހުގެ މުނާސަބަތުގައި ފޮނުވި ހިތާބުގައި ރައީސް ވަނީ މަސައްކަތްތެރިންނަށް ސަރުކާރުން ކޮށްދެމުން ގެންދާ ކަންކަމުގެ މައްޗަށް އަލިއަޅުވާލައްވާފައިވެއެވެ. އެގޮތުން ސަރުކާރުގެ އެކި ހިދުމަތްތަކުގައި މަސައްކަތްކުރާ މުވައްޒަފުންނަށް މުސާރަ ބޮޑުކޮށްދީ، އިނާޔަތްތައް އިތުރުކޮށްދެއްވަން މިހާރު ފަށްޓަވާފައިވާކަން ފާހަގަކުރައްވާފައިވެއެވެ.
އާމުދަނީ ހޯދުމަށް މަސައްކަތްކުރުމުގެ ފުރުސަތު ދިވެހީންނަށް އިތުރަށް ފަހިކޮށްދެއްވުމަށް، ރާއްޖޭގައި ދިވެހީންނަށް ނޫނީ ވަޒީފާ އަދާނުކުރެވޭނެ 22 ދާއިރާއެއް މި ސަރުކާރުން ކަނޑައަޅާފައިވާ ކަމަށް ވިދާޅުވިއެވެ. ހަމައެއާއެކު، ރާއްޖޭގައި ގަވައިދާ ހިލާފަށް ވަޒީފާ އަދާކޮށް ވިޔަފާރިކުރަމުންދާ ބޭރު މީހުންނަށް އެ މަގުތައް ބަންދުކޮށް، އެފަދަ ބޭރުމީހުން 48 ގަޑިއިރު ތެރޭގައި ޑީޕޯޓްކުރަން މިހާރު ފަށްޓަވާފައިވާ ކަމަށް ވިދާޅުވިއެވެ.
"މަސައްކަތްތެރިންނަށްޓަކައި މިސަރުކާރުން ކުރިއަށް އޮތް ދުވަސްތަކުގައި ގިނަ ކަންކަން ކުރުމަށް އިސްކަން ދޭނެ. މަސައްކަތްތެރިކަން އުނގަންނައިދިނުމާއި، އެކި ދާއިރާތަކުން މީހުން ތަމްރީނުކުރުމަށް މި ސަރުކާރުން އިސްކަންދޭނެ. ޑޭކެއާ ސެންޓަރުތައް ފަދަ ހިދުމަތްތައް ގާއިމުކޮށް، އާއިލާތަކަށް ފުދުންތެރިކަން އިތުރުކުރުމަށް ފަސޭހަކޮށްދޭނަން." ރައީސް ވިދާޅުވިއެވެ.
ސަރުކާރުގެ އުންމީދީ މަސައްކަތްތަކާއެކު ދިވެހި މަސައްކަތްތެރީންނަށް އުޖާލާ ކުރިމަގެއް އޮތްކަމުގައި ރައީސް ވިދާޅުވިއެވެ. އަދި މަސައްކަތްތެރިންނަށް ތިޔާގިކަމުގެ އެތައް ފުރުސަތުތަކެއް ފަހިވެގެންދާނެ ކަމަށް ވިދާޅުވިއެވެ.
އޭގެ އިތުރުން، ސަރުކާރުގެ މުވައްޒަފުންގެ މުސާރައާއި އިނާޔަތްތައް ބޮޑު ކުރުމަށް ވެސް މަސައްކަތް ކުރައްވަމުންދާ ކަމަށް ރައީސް މިއަދު ވިދާޅުވެފައިވެއެވެ. އޭގެ އިތުރުން، މުވައްޒަފުންނަށް އިތުރު ތަމްރީނުގެ ފުރުސަތުތައް ވެސް ދެއްވާނެ ކަމަށް އެމަނިކުފާނު ވިދާޅުވިއެވެ.
ސަރުކާރުން މުވައްޒަފުންނަށް ތަމްރީން ދީ، މުސާރަ އާއި އިނާޔަތް ބޮޑުކުރާނަން - ރައީސް
25 އަހަރު ވީ ދައްތަ ގެ މުސާރަ އަކީ 3100 މީ ހައްޤު މިންވަރު ތޯ
ޑރ.މުއިއްޒު އަޅެ މާލޭގެ ކުލި ކުދަކުރެވޭނެ ފޯމިއުލާއެއް ނެތްތޯ؟
ބޮޑުކުލީގަ މިތިބަ ހަނާވަނީ އިބޫ ހެދިހެން ވެރިކަން ނިމެން ދެދުވަހައްވީމަ ކަނޑުއަޑިން ނެތް ނޫން ގޯތި/ ފުލެޓުދޭނީކީ
ރައީީސް ، މި ސުވާލަށް ޖަވާބު ބޭނުންވޭ . ސިވިލް ސާވިސް އަކީ ވެރިކަން ކުރާ ކޮންމެ ސިޔާސީ ޕާޓީއަކުން ކިރުފެލަން ގެންގުޅޭ ގެރިއެއްތޯ؟
މިމަހުގެ ކަރަންޓު ބިލުން އުންމީދު ގެނުވައިފި
އެކަމަކު މިހެހެނީ އާސްންދައަށް އެދި ސަލާން ޖަހަން، ހީކުރީ ލައްކަ އިންސާފު ލިބޭނެ ކަމަށް. ޑޮކްޓަރު ލިޔެ ދެއްވީ ރާއްޖެގަ ނެތް ޑޮކްޓަރަށް ދައްކަން. އާސަންދައިން ސަމާ ބުނުއްވީ އޮންލައިކޮށް މާލޭގަ ހުރެގެން ވެސް ޑޮކްޓަރަށް ދެއްކޭނެ ކަމަށް. ކޮބާތޯ އަޅުގަނޑުގެ އާސަންދަ ހުސްވީތޯ