"ރަސްރަނި ބަގީޗާ" ގެ ނަން، އަލުން "ސަލްޓަން ޕާކު" ގެ ނަމަށް ބަދަލު ނުކުރުމަށް ދިވެހި ބަހުގެ އެކެޑަމީގެ ރައީސް އަޝްރަފު އަލީ އެދިވަޑައިގެންފިއެވެ. އަޝްރަފު މިކަމަށް އެދިވަޑައިގެންނެވީ އޭނާގެ ފޭސްބުކުގައި ކުރެއްވި ޕޯސްޓެއްގައެވެ.
އަޝްރަފު، އޭނާގެ ފޭސްބުކުގައި ލިޔުއްވާފައިވަނީ ޤައުމީ ބަހަށް އިސްކަން ދިނުމުގެ ޤާނޫނާއި ދިވެހިބަހުގެ ހިމާޔަތުގައި ރަސްރަނި ބަގީޗާގެ ނަން ބަދަލު ނުކުރެއްވުމަށް އެދިވަޑައިގަންނަވާކަމުގައެވެ.
"ގައުމީ ބަހަށް އިސްކަން ދިނުމުގެ ގާނޫނާއި ދިވެހިބަހުގެ ހިމާޔަތުގައި "ރަސްރަނި ބަގީޗާ" މިނަން ބަދަލު ނުކުރައްވާ!" ދިވެހިބަހުގެ އެކެޑަމީގެ ރައީސް ވިދާޅުވިއެވެ.
މީގެއިތުރުންވެސް، އަޝްރަފު ވިދާޅުވީ އެ ބަގީޗާގެ ނަން ބަދަލުވަމުން އައި ގޮތާއި އެތަނުގެ ތާރީޚު ޒަމާންތަކަށް ދެމިހުންނާނޭ މަގުން ކުރާން ޖެހޭ ކަންކަން ކަންކަން ކުރަން ކަމާބެހޭ ފަރާތްތަކަށް އެހީތެރިކަން ދެއްވުމަށް އެދިވަޑައިގަންނަވާކަމުގައެވެ.
"އެ ބަގީޗާގެ ނަން ބަދަލުވަމުން އައި ގޮތާއި އެ ތާނގެ ތާރީޚު ޒަމާންތަކަށް ދެމިހުންނާނޭ މަގުން ކުރާން ޖެހޭ ކަންކަން ކުރާން ކަމާ ބެހޭ ފަރާތްތަކަށް އެހީތެރިކަން ދެއްވާ!" އަޝްރަފު އިތުރަށް ވިދާޅުވިއެވެ.
އަޝްރަފު މިހެން ވިދާޅުވީ، ރަސްރަނި ބަގީޗާގެ ނަން ސަލްޓަން ޕާކުގެ ނަމަށް ބަދަލު ކުރުމަށް މާލޭ ސިޓީ ކައުންސިލުގެ ބައްދަލުވުމެއްގައި ނިންމަވާފައިވަނިކޮށެވެ.
މީގެކުރިން، ސަލްޓަން ޕާކުގެ ނަމުގައި ހިންގަމުން އައި ތަން، ވަރަށް ވާވެ، ބާވެފައިވަނިކޮށް އަލުން ތަރައްޤީކޮށް ރަސްރަނި ބަގީޗާގެ ނަމުގައި ހުޅުވާފައިވަނީ ރައީސް އަބްދުﷲ ޔާމީންގެ ވެރިކަމުގައެވެ. އެތަނަކީ މިހާރު ރާއްޖޭގައި ހުރި އެންމެ ރީތި ޕާކެވެ. އެތަނަކީ ރާއްޖޭގައި މީގެކުރިން ނެތް އެތައް ގިނަ ޚިދުމަތްތަކާއި ވަސީލަތްތަކާއެކު ހުޅުވާފައިވާ ތަނެކެވެ.
އެސަރަޙައްދަކީ ރާއްޖޭގައި ރަސްކަން ހިނގަމުން އައި ދުވަސްވަރު، މާލޭގެ އެންމެ މުޙިއްމު ތަނެވެ. އެތަނުގައި ރަސްކަމުގެ ގަނޑުވަރުތައް ހުރިއިރު، މިހާރުވެސް އުސްގެކޮޅު ފެންނަން އެބަހުއްޓެވެ. އުސްގެކޮޅަކީ ކުރިން ޤައުމީ ދާރުލްއާޘާރު ހިންގަމުން އައި އިމާރާތެވެ.
ދިވެހިބަސް ނުދަންނަ އަދި ދިވެހިބަސް ފުހެލަން މަސައްކަތްކުރާ ބަޔަކަށް ކޮންދިވެހިބައެއް ދިހިބަސް ހިމާޔަތް ނުކުރާނެދޯ
ރަސްރަނި ބަގީޗާ އެއީ ކޯއްޗެއް؟ އަވަހަށް "ސަލްޓަން ޕާކު" ގެ ނަމަށް ބަދަލުކުރަންވީ.
ފުރަތަމަ ދިވެހި ބަގުގެ އެކަޑަމީގެ ނަން ބަދަލުކޮށްބަލަ
މާލޭ ސިޓީ ކައުންސިލަކީ ވަރަށްވަރުގަދަ ތަނެއް ދެއްތޯ
އެހެންވީމަ ސިޓީކައުންސިލަކާ ނުކުޅެވޭނެ
ދެއްތޯ
މޮޅުކަމެއް ކޮށްލެވުނީީތާ ޔާމީނު ދީފައޮތްނަމެއް
ބަދަލުކުރިއަސް ދެއްތޯ
ކޮންމެހެން މަގުމަތީގެ އަމާންކަމަށް އިސްކަން ދޭނެކަމެއްނެތް ދެއްތޯ
ތިމާމެންނަށް ހުދުފޮށައެއް ލިބިއްޖެ ދެއްތޯ
ކޮން ރަސްރަނި ބަގީޗާ އެއްތަ. ސަލްޓަން ޕާރކް ހަމަ އޯކޭ.
ތީ ވަކި ކާަކު؟ އެތާހުރި މިސްކިތް ނަގާއެއްލާލިއިރު އެއްވެސް އެއްޗެއް ނުބުނޭ ނަންބަދަލު ކުރާތީ ދެރަވޭ.
ޢެހުރިތަނުގަ މިސްކިތް އަޅާފަ މިސްކިތުގެ ނަމުން
އެތަނަށް ނަންދީ އޭރުން އޯކޭވާނެ
ޢަސަރަފު ލާރިގަދެއް ނެގީދޯ
އެކަމާ ކަށްބޮޑު ވާއިރު އެކަޑަމީ ދިވެހި ބަހަކަށް ނުވާތީ ކަށްބޮޑު ނުވަޭތޯއަހާލާހިއްވޭ، އެއްފަޅިން ވާހަކަ ނުދައް ކަވާ
މީ ޔާމިނުގެ ޕަޕެޓެއް
ސީދާ އޭނަގެ އޯޑަރަށް އާދޭސް ކުރާ މީހެއް.
ރަސް ( ރަސްކަލުން ) ރަނި ( ރަނި ކަނބަކުން ) އެ ގަނޑުވަރުގައި އުޅުއްވި މީހުންނަށް ނިސްބަތްވަނީ
ތިޔަތަނަކަށް މިހާރު ވެސް އެންމެން ވެސް ކިޔަނީ ސަލްޓަން ޕާކު. އެހެންވީމަ، އެނަން ބަދަލުކުރުމަކުން މައްސަލައެއްނެތްތާ! ދެން އޮތީ ދިވެހި ބަހުގެ ވާހަކަ. ބަސްކުރިއަރުވަން އެންމެ ފުރަތަމަ "އެކަޑަމީ" އަށް ދިވެހި ބަހެއް ކިޔައި ދިވެހިބަހުގެ އެކަޑަމީ ގެ ނަންބަދަލުކުރުމަށްފެނޭ.
ޢަސްރަފްގެ އޮފީހުގެ ނަން ފެނުނީމަވެސް އެބަ އެނގޭ ދިވެހިބަހަށް ދީފައިވާ އިސްކަން. ތިތަނުގެ ނަންވެސް ކިޔަންވީ އެކަޑަމީގެ ބަދަލުގަ (އެކަޑަވީ) ސަލާމް