ރައްޔިތުން އެދެނީ ހަލުވި ދުވެލީގައި ތަރައްޤީގެ އައްސޭރި އަތުލަން ކަމަށާއި، އިޤްތިޞާދީ ދުވެލި އަހަރުން އަހަރަށް މަތިވަމުން ދާއިރުވެސް، ތަރައްޤީގެ ދުވެލި ބަރުހެލިވެގެން މިއުޅެނީ، މަރުކަޒީ އުސޫލު ދޫކޮށް، ލާމަރުކަޒީ ކުރަން ނުކެރިގެންކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ އެމަނިކުފާނުގެ 100 ދުވަހުގެ ވަޢުދުތަކުގެ ތެރޭގައި ހިމެނޭ ލާމަރުކަޒީ ޤާނޫނު އިޞްލާޙް ކުރަން ރައްޔިތުން މަޖިލީހަށް ހުށަހެޅުމުގެ ކުރިން އެކަމަށް ތައްޔާރުވުމަށްޓަކައި މިއަދު ހެނދުނު ކުރިއަށްދިޔަ ސިޓީ އަދި އަތޮޅު ކައުންސިލްތަކުގެ މަހާސިންތާ ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ހޮޓަލް ޖެންގައި ކުރިއަށްދިޔަ މި ރަސްމިއްޔާތުގައި ރައީސް ޞާލިހް ވިދާޅުވީ މި ސަރުކާރުން ކައުންސިލްތަކަށް ބާރުތައް ދޫކުރަން ތައްޔާރަށްއޮތްކަމަށެވެ. އަދި މި ސަރުކާރުން ރަށްރަށުގެ ރައްޔިތުން އެދޭ ގޮތަށް، އެރަށެއްގެ ތަރައްޤީގެ ޕްލޭން ކަނޑައަޅައި، ހިންގުމުގެ އިދާރީ އަދި މާލީ ބާރުވެރިކަން ދީގެން އެކަން ޙާޞިލުކުރާނެކަމުގައި ރައީސް ވިދާޅުވިއެވެ.
މިއަދު ފެށުނު މަހާސިންތާ އަމާޒުކުރެވިފައި ވަނީ، ރަށްވެހިކަމުގެ ޚިދުމަތްތައް ދިނުމުގައި، ކައުންސިލްތަކަށް ކުރިމަތިވާ ގޮންޖެހުންތައް ދެނެގަނެ އެކަންތައް ޙައްލުކުރުމާ ގުޅޭ ގޮތުންނެވެ. މިހެންވެ ރައީސް ވަނީ ލާމަރުކަޒީ ޤާނޫނު އިޞްލާޙްކުރާއިރު، މުޅިނިޒާމު އެކުގައި އިޞްލާޙްވެގެންދާފަދަ ގޮތަކަށް މަޝްވަރާކުރުމަށް މަހާސިންތާގެ ބައިވެރިންގެ ކިބައިން އެދިވަޑައިގެންފައެވެ.
އެގޮތުން އެމަނިކުފާނު ވަނީ މަހާސިންތާގައި މަޝްވަރާތަށް ކުރަމުންދާއިރު ވަކިން ޚާއްޞަކޮށް ސިޓީ ކައުންސިލްތަކުގެ ރެޕްރެޒެންޓޭޝަންއާ ގުޅޭ ގޮތުން މަޝްވަރާކުރެއްވުމަށް އެދިވަޑައިގެންފައެވެ. އަދި އެކިއެކި ފޯރަމްތަކުގައި ލާމާރުކަޒީ ނިޒާމާގުޅޭގޮތުން އެމަނިކުފާނަށް ކުރިމަތިވެފައިވާ ސުވާލުތަށް ވިދާޅުވެދެއްވައި އެކަންތައްތަކާމެދު މަޝްވަރާކުރުމަށް އެދިވަޑައިގެންނެވިއެވެ.
ލާމަރުކަޒީ ކުރުމަކީ، ކައުންސިލްތަކެއް އުފައްދާފައި ކައުންސިލަރުންތަކެއް އިންތިޚާބުކުރުން އެކަންޏެއް ނޫންކަމަށާއި، އެ ކައުންސިލްތަކަށް އިދާރީ ބާރުވެރިކަމާއި މާލީ ބާރުވެރިކަން ދޭން ޖެހޭކަމުގައި ރައީސް ވިދާޅުވިއެވެ. އެހެންކަމުން ރަށްރަށުގެ މުނިސިޕަލް ޚިދުމަތްތަކުން ނަގާ ފީތަކަކީ، އެރަށްރަށުގެ އެފަދަ ޚިދުމަތްތައް ތަރައްޤީކުރުމަށް ހޭދަކުރެވޭ އެއްޗަކަށް ވާންޖެހޭކަމުގައި އެމަނިކުފާނު ވިދާޅުވިއެވެ.
ހަމައެފަދައިން އަންހެނުން ބާރުވެރިކުރެވޭނެ ގޮތްތައް ނެތި، ގެނެވޭ ލާމަރުކަޒީ ނިޒާމަކީ ވެސް ހަޤީޤީ ލާމަރުކަޒީ ނިޒާމެއް ނޫންކަމުގައި ވިދާޅުވެ ރައީސް ވަނީ ޤާނޫނުގައި ބަޔާންކުރާ، އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ދައުރު އަދި ބާރުތައްވެސް، މިހާރަށް ވުރެ ހަރުދަނާ ކުރަންޖެހޭކަމަކަމުގައި ވިދާޅުވެފައެވެ. އަދި އެނޫން ގޮތަކަށް ތަރައްޤީގައި އަންހެނުންގެ ބައިވެރިވުމާއި ޙިއްޞާ އިތުރުކުރުމަކީ ވަރަށް އުނދަގޫ ކަމަކަށް ވާނެކަމުގައިވެސް ރައީސް ވިދާޅުވިއެވެ.
މިއަދުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ ކައުންސިލްތަކުގެ މަސައްކަތްތަކާއި ޙަރަކާތްތެރިވާ ގޮތް ބަލައި، ކައުންސިލްތަކުގެ މަސައްކަތްތައް ވިލަރެސްކުރުމަކީ ލޯކަލް ގަވަރމަންޓް އޮތޯރިޓީގެ މަސްއޫލިއްޔަތެއްކަމުގައެވެ. އެހެންކަމުން، އެލްޖީއޭގެ ބޯޑަކީ ކައުންސިލްތަކަށް ކުރިމަތިވާ ގޮންޖެހުންތަކަށް ޙައްލު ހޯދައިދެވޭނެ، އަދި މުޅި ނިޒާމުގެ މުސްތަޤްބަލްވެސް ބައްޓަން ކުރެވޭނެ ބޯޑަކަށްވުމަށް ރައީސުލްޖުމްހޫރިއްޔާ ވަނީ އެދިވަޑައިގެންފައެވެ. އަދި މި ބޯޑުން ސިޔާސީ މަޤްޞަދުގައި ކައުންސިލަރުން ވަކިކޮށް، ސަސްޕެންޑް ކުރުން ފަދަ ކަންކަމުން ދުރުވާން ޖެހޭކަމުގައިވެސް އެމަނިކުފާނު ވިދާޅުވިއެވެ.
ލާމަރުކަޒީ ކުރަން ކެރިގެން ތަރައްޤީ އަތުފަތު ނުޖެހި މިހިރަ ދަނީ ދޯ؟ މިދިޔަ 5 އަހަރުގެ ތަރައްޤީ ނުފެންނަނީ ލޮލުގެ މައްސަލައަކުންތަ ނޫނީ ސިކުނޑިއަށް ފަރުވާ ދެމުންދާ ބަލީގެ މައްސަލައަކުންތަ؟
ތަރައްޤީ ބަރުހެލިވެގެން އުޅެނީ ގަވަނަންސް މެކޭނިޒަމް ފުނޑާލައި، ޤާނޫނުން ބާރުލިބޭ މުވައްސަސާތައް އެކަހެރިކޮށް، ޕާރޓީކުދިންނަށް ލާރިދިނުމުގެ ބޭނުމުގައި ޤާނޫނުން ބޭރުން ކޮމިޝަންތަކެއް ހަދައި، ސަރުކާރުގެ އެންމެން އަބަދު ޕީއާރު ކެމްޕެއިންގައި އުޅޭތީ. ބަޔަކު ދުވެލާއިރަށް އެތަނަކަށް. ބަޔަކު ބެރެއްޖަހާއިރަށް އެތަނަކަށް. ނުވާނެ ތިވަރަކުން.
ލާމަރުކަޒީ ތި ކިއުއްވަނީ ގަހެއްގައި އަޅާ އެއްޗަކަށްތޯއެވެ! ރަށްރަށުގެ ރައްޔިތުންގެ ފަސޭހައަށް ލެބޯޓްރީތަކަށް ފޮނުވާފައި ހުރި ބޮޑެތި މެސިންތައް ހެލްތު މިނިސްޓްރީން އެއްވެސް ބަރުހެލިކަމަކާ ނުލައި ކޮނޑުއަޅައިގެން މާލެ ގެނައީ ތިކިޔާ ލާމަރުކަޒީ ކޮންތާކު ތާށިވެގެންތޯއެވެ!
މަނިކުފާނު ހަދުމަފުޅުއިބަހުރިތޯ މުހައްމަދު ނަޝީދުގެ ވެރިކަމުގައި ކައުންސިލްގެ މެންބަރުން ވާޖިބު އަދާނުކޮށް ކަންނެއްޔަށް ދިހަދާން މިހާރުވެސް ކނަްއޮތީ ހަމައެގޮތައް ކައުންސިލް ސަލާމް ނުބުނެ ޗުއްޓީ ނުނަގައި ޙާޟިރުނުވެހުރެފައި ނުކުންނަ ދުވަހު ޙާޟިރުނުވާ ހުރިހާ ދުވަހު ޙާޟިރީފޮތުގައި ސޮއި ކުރައްވާ ހަމަ މުސާރަ ނަންގަވައި ކައުންސިލަރުންގެ ތެރޭގައި ގިނައީ ވަގުން ޚާއްސަކޯށް އެމްޑީޕީގެ