ޕޯޓަލް ޑައުންވެގެން ރާއްޖެއިން ބޭރުން މަތީ ތަޢުލީމާއި ތަމްރީނުގެ ފުރުސަތު ހޯދަން ލޯނު އެދުމުގެ މުއްދަތު އިތުރުކޮށްފިއެވެ.
ހަޔާ އެޑިއުކޭޝަން މިނިސްޓްރީން މިއަދު ބުނީ، މިއަދު ހެނދުނު 9.00 އިން ފެށިގެން ނޭޝަނަލް ސެންޓަރ ފޮރ އިންފޮމޭޝަން ޓެކްނޮލޮޖީ (އެން.ސީ.އައި.ޓީ) ގެ ސަރވަރއަށް މައްސަލައެއް ދިމާވުމުގެ ސަބަބުން މި މިނިސްޓްރީގެ ޕޯޓަލްއަށް އެޕްލިކޭޝަން ހުށަހެޅުމުގައި ދަތިތަކެއް ކުރިމަތިވެފައިވާ ކަމަށެވެ.
މިއަދު ހެނދުނު 9 އަކުން ފެށިގެން އެންސީއައިޓީގެ ސަރވާއަށް މައްސަލައެއް ދިމާވެފައިވާކަމަށާއި އަދި މި މައްސަލަ ހައްްލުކުރުމަށަ 24 ގަޑިއިރު ނަގާނެކަމަށް އެފަރާތުން އަނގާފައިވާތީ، ލޯން ސްކީމްގެ އެޕްލިކޭޝަން ހުށަހެޅުމުގެ ސުންގަޑި 4 މެއި (ހޮނިހިރު) ގެ 13:30 އަށް ވަނީ އިތުރުކުރެވިފަ
— Min. of Higher Edu, Labour and Skills Development (@MoHEmv) April 30, 2019
އަދި އެ ޕޯޓަލްއަށް ދިމާވި މައްސަލަ ހައްލުކުރުމަށް 24 ގަޑިއިރު ވާނެކަމަށް އެފަރާތުން މަޢުލޫމާތު ދެއްވާފައިވާތީ ލޯނަށް އެދުމުގެ މުއްދަތު އިތުރުކޮށްފައިވާކަަމަށެވެ.
އެގޮތުން ޕޯޓަލް މެދުވެރިކޮށް އެޕްލިކޭޝަން ހުށަހެޅުމުގެ މުއްދަތު މެއި މަހުގެ ހަތަރު ވަނަ ދުވަހުގެ 13.30 އަށް އިތުރުކޮށްފައިވާކަމަށް އެ މިނިސްޓްރީން ބުންޏެވެ.
ހަޔާ އެޑިއުކޭޝަން މިނިސްޓަރު ޑރ. އިބްރާހީމް ހަސަން މީގެ ކުރިން ވިދާޅުވެފައި ވަނީ ލޯނަށް އެދޭ ދަރިވަރުން އެޕްލިކޭޝަންތައް ފުރިހަމަ ކުރެއްވުމަށް ސަމާލުކަން ދެއްވުމަށް ކަމަށާއި، އެޕްލިކޭޝަން ފުރިހަމަ ނުވާ ލޯނުތަކަށް ދެވަނަ ފުރުސަތެއް ނުދެއްވާނެ ކަމަށެވެ.
ލޯނަށް އެދި އެޕްލިކޭޝަން ހުށަހަޅާ އިރު ހުރިހާ ލިޔެކިޔުންތަައް ހަމަތޯ އަދި ފުރިހަމަތޯ ބެލުމަކީ ލޯނަށް އެދޭ ފަރާތުގެ ޒިންމާއެކެވެ. ފަރުވާ ތެރިކަމާއެކު އެޕްލިކޭޝަން ފުރިހަމަ ކުރުމަށް ސަމާލުކަން ދޭށެވެ! https://t.co/yDHpH4nwFc
— Ibrahim Hassan, PhD (@DrChubby) April 25, 2019
