މިހާރު ރާއްޖެއަށް ކުރަމުންދާ ވިއްސާރާގައި ހދ. ކުޅުދުއްފުއްޓަށް ބޯކޮށް ވާރޭ ވެހި، އެރަށު ގެއަކުން މީހުން ނެރެ އެހެން ތަނަކަށް ބަދަލުކޮށްފިއެވެ.
އެރަށު ކައުންސިލްގެ ރައީސް އަބްދުއްލަތީފް ވިދާޅުވީ، އެރަށަށް ބޯކޮށް ވާރޭ ވެހުނު ކަމަށެވެ. އަދި ހެނދުނު 7:00 ޖެހި އިރު އެރަށަށް ބޯކޮށް ވާރޭ ވެހި ފެންބޮޑުވި ކަމަށް އަބްދުއްލަތީފް ވިދާޅުވިއެވެ.
އަދި މި ވިއްސާރާގައި އެރަށު ގޭތަކަށް ފެންވަދެފައިވާ ކަމަށާއި، ރެޑް ކްރެސެންޓާއި ފުލުހުން އަދި އެމްއެންޑީއެފް ގުޅިގެން ފެން ވަނަ ގޭގޭގެ ދޮރާށި ކައިރީގައި ބެލި ބަސްތާ ޖެހުމުގެ މަސައްކަތް ކޮށްފައިވާ ކަމަށް އެރަށު އަބްދުއްލަތީފް ވިދާޅުވިއެވެ.
އަދި މި ވިއްސާރައިގެ ސަބަބުން އެރަށު ގެއަކުން މީހުން އެހެން ތަނަކަށް ބަދަލު ކުރަން ޖެހުނު ކަމަށް އަބްދުއްލަތީފް ވަނީ ވިދާޅުވެފައެވެ. އެ މީހުން ބަދަލު ކުރުމުގެ ކަންކަންކޮށްފައި ވަނީ ޑިޒާސްޓާ މެނޭޖްމެންޓުގެ އެހީތެރިކަމާއި އެކުގައެވެ. އަދި ފެންބޮޑުވި ހާދިސާގައި ދެ ގެއަކަށް ފެންވަދެ އެކި ކަހަލަ ގެއްލުންތައް ލިބިފައިވާ ކަމަށް އަބްދުއްލަތީފް ވިދާޅުވިއެވެ.
"އެމްއެންޑީއެފް އާއި ފުލުހުން އަދި ރެޑް ކްރެސެންޓް ގުޅިގެން ރަށުގެ އެކި ދިމާ ދިމާލުގައި ފެން ޕަމްޕް ޖަހައި ފެން ހިއްކަމުން ދަނީ". ލަތީފް ވިދާޅުވިއެެވެ.
އޭނާ ވިދާޅުވީ، ރަށުގެ އާންމު ހާލަތު ރަނގަޅު ކަމަށް ނުބުނެވޭނެ ކަމަށާއި، ދެންވެސް ވާރޭ އެހާ ބޯކޮށް ވެހިއްޖެ ނަމަ މިފަދަ ކަމެއް ދިމާވެދާނެ ކަމަށް ބެލެވޭ ކަމަށެވެ.
ސުޕުން ދާ ހުރިހާތަނަކައް ނުރައްކާ ވޭ ، މިކަމާ ވިސްނަން ޖެހޭ
ޙިސާބައްވުރެން މީހުންގޯސްވީމަވާގޮތް
ހުޅަނގު މޫސުމުގަ ވާރޭ ވެހެނީވެސް މީހުން ގޯސްވީމަބާ...
.
ދޮގެއްނޫން ތިބުނީ
ޕަންޕު ޖަަަހާއިގެން ފެންހިއްކަނީ ކީއްކުރަން..
މުޅި ރަށުގަ ފެން..
މަގު ތަކުން ފެންނުހިކި މަގުތައް ޗަކަވެ މަގުތަކަށް ވެލި އަޅައިދޭށޭ ބުނީމަ ކައުންސިލުން ދިމާލަށް ބުނޭ ނުވާނޭ.. ދެން ކޯއްޗެކޭ ކިޔާކަށް.. މޮޅެތި ވާހަކަ ދައްކާނެ ކުޅުދުއްފުށީ ކައުންސިލުން..
ސުޕުން ޕްލީޒް ހެލްޕް އަސް