މިއަދު ރާއްޖޭގެ އުތުރުގެ އެކި ހިސާބަށް ވިއްސާރަ ކުރާނެ ކަމަށް ލަފާކޮށްފައިވާއިރު، ބައެއް ހިސާބުތަކަށް ބޯކޮށް ވާރޭ ވެހޭނެ ކަަމަށް ލަފާކޮށް މޫސުމާއި ބެހޭ ގައުމީ އިދާރާ (މެޓް) އިން ހުދު ސަމާލު ނެރެފިއެވެ.
މެޓް އޮފީހުން ވަނީ މިއަދު ރާއްޖޭގެ ބައެއް ހިސާބުތަަކަށް ބޯކޮށް ވާރޭ ވެހި ގުގުރުން އެކަށީގެންވާ ކަަމަށް ބުނެފައެވެ.
މެޓް އޮފީހުން ބުނީ، ބ. އަތޮޅުން ފެށިގެން މ. އަތޮޅުގެ ރަށްތަކަށް ބޯކޮށް ވާރޭ ވެހުމާއެކު ގުގުރާނެ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަަމަށްވެސް ލަފާ ކޮށްފައި ވެއެވެ.
މި ސަމާލުގެ މުއްދަތު ހަމަވާނީ މެންދުރު ފަހު 15:00 އަށެވެ.
މެޓް އޮފީހުން ބުނީ ދެކުނު ކަނޑުތައް މަޑުވާނެ ކަަމަށެވެ. އަދި އެހެން ހިސާބުތަކުގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ ކަމަށް ލަފާ ކޮށްފައި ވެއެވެ.
އަރަބި ކަނޑުގައި އޮތް ތޫފާނުގެ ކަމެއްނެތްތަ