ހއ. އިހަވަންދޫން 50 އަށް ވުރެ ގިނަ ޒުވާނުން މޯލްޑިވްސް ނެޝަނަލް ޕާޓީ (އެމްއެންޕީ) އާ ގުޅިފައިވާ ކަމަށް އެ ޕާޓީން ބުނެފިއެވެ.
އެމްއެންޕީން ބުނީ އިހަވަންދޫގެ 50 އަށްވުރެ ގިނަ ޒުވާނުން އެ ޕާޓީގެ ރިޔާސީ ކެންޑިޑޭޓް މުހައްމަދު ނާޒިމްއަށް ތާއީދުކުރުމަށް ނިންމައި އެ ޕާޓީއާ އިއްޔެ ގުޅިފައިވާ ކަމަށެވެ.
އެމްއެންޕީން މިފަހަރުގެ ރިޔާސީ އިންތިހާބުގައި ވާދަކުރާ އިރު، އެ ޕާޓީ ރިޔާސީ ކެންޑިޑޭޓަކީ ނާޒިމްއެވެ. އިންތިހާބުގެ ކެމްޕޭނަށް ނާޒިމް ގެންދަވަނީ ރާއްޖޭގެ އެކި ކަންކޮޅުތަކަށް ޒިޔާރަތް ކުރައްވަމުންނެވެ.
ނާޒިމްގެ ކެމްޕޭން ލޯންޗްކޮށް ކެމްޕޭންގެ ސްލޯގަން އަކީ "އުޖާލާ ޒަމާން"މިއެވެ. އެ ޕާޓީގެ މެނިފެސްޓޯގައި ބޯހިޔާވެހިކަމަށާއި ޒުވާނުންނަށް ގިނަ ކަންތައްތަކެއްއް ކޮށްދިނުމަށް ވަނީ ވައުދުވެފައެވެ.
ރައްޔިތުން މަޖިލީހުގެ ދަނގެތީ ދާއިރާގެ މެންބަރު ކަން ވެސް ކުރައްވަމުން ގެންދަވާ ނާޒިމް ވަނީ ކުރީގެ ރައީސް ޑރ.މުހައްމަދު ވަހީދު ހަސަން މަނިކުގެ ސަރުކާރާއި ކުރީގެ ރައީސް އަބްދުﷲ ޔާމީންގެ ސަރުކާރުގައި ޑިފެންސް މިނިސްޓަރު ކަން ކުރައްވައިފައެވެ.
އޭގެ ކުރިން ނާޒިމް ވަނީ ސިފައިންގެ ހިދުމަތުގައި 23 އަހަރު ގައުމަށް ހިދުމަތް ކުރައްވާފައެވެ. ނާޒިމް އަސްކަރީ ހިދުމަތުން ރިޓަޔާ ކުރެއްވީ 2011 ވަނަ އަހަރުގެ ޖަނަވަރީ 15 ގައެވެ.
އަސްކަރީ ސައިންސްގެ ދާއިރާގެ މާސްޓާސް ހާސިލްކުރައްވާފައިވާ ޒިމް ވަނީ އަސްކަރީ ގިނަ ކޯސްތަކަކެއް ފުރިހަމަ ކުރައްވައިފައެވެ.
ވަރަށް ބަރާބަރު . . . ލާރިކޮޅެއް ހަދާލާ ލިބުނު ފުރުސަތުގަ . . . އެކަމަކު ވޯޓު ދޭނީ އެމްޑީ ޕީ އަށް އޯކޭ . . . އިހަވަން ދިއްޕޮޅު ތަރަށްގީ ކުރަން ހިފާފަ ހުރީ އިބޫ ސޯލިހު
50 ފޯމަކީ ލައްކަ ފައިސާ އެމްއެންޕީއްށް.
ނާޒިމަށް އަސްލު ވޯޓުލާނީ ކިތަށް މީހުންބާ؟ އުމަރު ވެސް ވާހަކަ ދައްކާއިރު ހީވާނެ ލައްކައެކޭ. 2008 ގަ ލިބުނީ 1%
ކަލޭމެންވެސް ޢުމަރަށް ވޯޓުދޭނަމަ ލައްކައެއް ހަމަވާނެ. ޢުމަރަށް ވޯޓު ނުދީ ތިހެން ފޮނު އެރުވިޔަސް ކަމަކުނުދާނެ. ޢުމަރު ވާހަކަ ދައްކާނީ ކަންއޮތްގޮތަށް ހަގީގަތަށް، އެޔަކު އެއްވެސް އޮޅުވާލުމެއް ދޮގެއް ހެދުމެއް ނޯންނާނެ. އަނެއްކާ ޢުމަރު ޖަހާ ހިސާބު މަދުފަހަރަކު މެނުވީ ދިމާނުވެ ނުދާނެ.
ދިވެހި ރައްޔިތުން ފުދުންތެރި ބަޔަކަށް ހެދެން އޮތީ ނާޒިމް ފަދަ ދުރުވިސްނޭ ވެރިއެއް ހޮވައިގެން. ނާޒިމްއަކީ ދިވެހިން ބޭނުންވާ ފަދަ ހިންގުންތެރި ވެރިއެއް، މެގޭ ވޯޓް ނާޒިމްއަށް!
ހަވާލުވާ އެއްވެސް ކަމަކުން ފެއިލްވެފައި ނުވާ ވެރިއެއް ނާޒިމް ނޫނީ ނެތް. ސާބަހޭ