ރާއްޖެއަށް ބްރެޒީލިއަން ޖިޖުޓްސޫ ތައާރަފްކޮށްދިން ދުނިޔޭގެ ޗެމްޕިއަން އެންޖެލް ސަންޗޭޒްގެ އޭޒީ ބީޖޭޖޭ މޯލްޑިވްސް އިން އިންތިޒާމުކޮށްގެން ހުޅުމާލޭގައި ބޭއްވި ރާއްޖޭގެ ފުރަތަމަ ބީޗް ފައިޓް ޗެމްޕިއަންޝިޕް ކާމިޔާބުކަމާއި އެކު ނިންމާލައިފި އެވެ

.

ހުޅުމާލޭ ރެޑްބުލް ޕާކް ކައިރި ބީޗުގައި އާންމުންނަށް ހުޅުވާލައިގެން ބޭއްވި މި މުބާރާތުގައި ޖުމްލަ 32 މީހަކު ވަނީ ބައިވެރިވެފައެވެ. މި މުބާރާތް ކުރިޔަށްދިޔައީ ޖުމްލަ ފަސް ކެޓަގަރީއަކަށް ބަހާލައިގެންނެވެ

.

އެއީ 55 ކިލޯގްރާމް، 60 ކިލޯގްރާމް، 70 ކިލޯގްރާމް 75 ކިލޯގްރާމްގެ އިތުރުން އަންހެނުންގެ ކެޓަގަރީއެވެ. މި ހުރިހާ ކެޓަގަރީތަކުގެ މެޗުތަކާއެކު އެއް ދުވަހަށް މި މުބާޜާތް ކުރިޔަށްދިޔައީ މިދިޔަ ހުކުރުދުވަހުގައެވެ. މި ހުރިހާ މެޗުތަކެއް ނިމުމުން ވަނަވަނައަށް ދިޔަ ފަރާތްތަކަށް ވަނީ އިނާމުދީފައެވެ. ތިރީގައި މި ވަނީ ކޮންމެ ކެޓަގަރީއަކުން އެއްވަނަ ދެވަނަ އަދި ތިންވަނަ ހޯދި މީހުންނެވެ..

55 ކިލޯގްރާމް ކެޓަގަރީ

1. މުހައްމަދު އަރުޝަދު
2. އަބްދުﷲ ސާއިން ސޮބާހް
3. މުހައްމަދު ރޫދު

60 ކިލޯގްރާމް ކެޓަގަރީ

1. ހުސެއިން ސަލްމާން
2. ހުސެއިން މަކްދޫމް އިބްރާހިމް
3. ހުސެއިން ހައިސަމް ހަސަން

70 ކިލޯގްރާމް ކެޓަގަރީ

1. ކިނާން
2. އަހުމަދު ޝާހު
3. މުހައްމަަދު ޝިނާޒް

75 ކިލޯގްރާމް ކެޓަގަރީ

1. އިބްރާހިމް ނަޖާހު
2. އަޝްހަމް އަބްދުﷲ
3. އަބްދުﷲ ސާއިދު

މުބާރާތް ކުރިޔަށްދިޔައީ ގަވާއިދުތަކަކާއި އެކުގައެވެ. އެގޮތުން އަރާ ދެ މީހަކު އެކަކު އަނެކަކު ގައިގައި ހިފެހެއްޓުމަށް ފަހު ބެލޭންސް ކަޓުވާލުމަށް ފަހު ނުވަތަ ގަދަބާރުން ޖެހޭނީ އިދިކޮޅު ކުޅުންތެރިޔާ ބިންމައްޗަށް ވައްޓާލާށެވެ. އެއްވެސް ކަހަލަ ލޮކެއް ނޭޅުވޭނެ އެވެ. އަދި ހާއްސަ ޓެކްނީކެއް ވެސް ބޭނުމެއް ނުކުރެވޭނެ އެވެ. މި މުބާރާތުގެ ގަވާއިދުތަކަކީ ބްރެޒީލިއަން ޖިޖިޓްސޫގެ ސްޓޭންޑްއަޕް ގަވާއިދުތަކެެވެ.

މުބާރާތުގެ ކޮންމެ މެޗެއްވެސް ކުރިޔަށްދިޔައީ ތިން މިނެޓަށެވެ. މި ތިން މިނެޓުގެ ތެރޭގައި އެއްވެސް ކުޅުންތެރިއަކު ވައްޓާނުލެވިއްޖެ ނަމަ ދެން ބަލާނީ "އޮފް ބައުންޑް" ނުވަތަ އެންމެ ގިނައިން ވައްޓަން ހަމަލާދޭ ފަހަރުތަކަށް ޕޮއިންޓު ދީގެންނެވެ.

.