ވެލާނާ އިންޓަނޭޝަނަލް އެެއާޕޯޓުގެ ރަންވޭ ކުއްލި ގޮަތަކަށް މަރާމާތު ކުރާތީ މޯލްޑިވިއަން އިން މިރޭ ދަތުރު ކުރަން އޮތް ބައެއް ފްލައިޓްތައް ކެންސަލްކޮށްފިއެވެ.
އެކަން ހާމަކޮށް މޯލްޑިވިއަނުން ބުނީ، ކުރިން އެންގުމެއް ނެތި ވެލާނާ އެއާޕޯޓްގެ ރަންވޭ ބަންދުކޮށް، މަރާމާތުގެ މަސައްކަތްތައް ކުރަމުން ދާތީ އެ އެއާލައިނުން މިއަދު ދަތުރު ކުރަން އޮތް ބައެއް ފްލައިޓްތައް ކެންސަލް ކޮށްފައިވާކަމަށެވެ.
އެގޮތުން ކެންސަލްކޮށްފައި ވަނީ،
ދަރަވަންދޫ، އިފުރު ފްލައިޓް
ކޫއްޑޫ، ގަން ފްލައިޓް
ކައްދޫ، ކާޑެއްދޫ ފްލައިޓް
ފުވައްމުލައް
ޓްރިވިންޑްރަމް
Please note that following flights has been cancelled due to non-scheduled runway maintenance and unavailability of runway extension to accommodate all the flights scheduled for today.
Dharavandhoo Ifuru flight
Koodoo Gan flight
Kadhdhoo Kaadedhdhoo flight
Fuvahmulah
Trivandrum— MaldivianAero (@MaldivianAero) December 22, 2019
މި ހުރިހާ ފްލައިޓްތަތަކީ ވެލާނާ އެއާޕޯޓުން މިރޭ ފުރަން ހުރި ފްލައިޓްތަކެވެ.
އެމްއޭސީއެލް އިން ބުނީ، ވެލާނާ އެއާޕޯޓުގެ ރަންވޭ މިރޭ ބަންދު ކުރަނީ މެއިންޓެނެންސް މަސައްކަތަކަށް ކަމަށެވެ. އެ މަސައްކަތް ނިންމުމަށްފަހު މިރޭ 7:30 ގައި ހުޅުވާނެ ކަމަށް އެމްއޭސީއެލް އިން ބުންޏެވެ.
އެމްއޭސީއެލް އިން ބުނީ އެއާޕޯޓްގެ އޮޕަރޭޝަން މެދުކަނޑާލުމުގެ ސަބަބުން އެ ވަގުތުތަކުގައި އެއާޕޯޓަށް ލޭންޑްކުރުމަށް ކުރިން ޝެޑިއުލްކޮށްފައިވާ ފްލައިޓްތައް ޑިލޭވާނެ ކަމަށެވެ.
އަދި އެކަމުގެ ސަބަބުން ލިބޭ ގެއްލުން ކުޑަކުރުމަށް އެ ކުންފުނިން މަސައްކަތް ކުރަމުން ގެންދާނެ ކަމަށްވެސް އެމްއޭސީއެލް އިން ބުންޏެވެ.
ރަންވޭ މަރާމާތު ކުރަންވީ ޑިސެމްބަރު މަހު އެންމެން ޗުއްޓީއަށް ދާއިރަކު ނޫނެވެ.