މަނީ ލޯންޑަރިންގެ މައްސަލައެއްގައި އެމެރިކާގެ މީހަކު ތިން ލައްކަ އެމެރިކާ ޑޮލަރުން ޖޫރިމަނާކޮށް ތިން އަހަރަށް ޖަލަށް ލުމަށް ދުބާއީގެ ކޯޓަކަރުން ހުކުމް ކޮށްފިއެވެ.
ދުބާއީގެ ހަބަރުތައް ގެނެސްދޭ ނޫހަކުން ރިޕޯޓްކޮށްފައިވާ ގޮތުގައި އެމެރިކާގެ ރައްޔިތެއް ކަމަށްވާ އަސީމް އަބްދުލް ރަހްމާން ޣަފޫރުގެ މައްޗަށް ސާބިތުވެފައިވަނީ މަނީ ލޯންޑަރ ކުރުމާއި ޓެކްސްއަށް މަކަރު ހެދުމުގެ ކުށެވެ.
އެކުށްތައް ސާބިތުވުމާއި ގުޅިގެން އޭނާ ވަނީ ތިން މިލިއަން ދިރުހަމް (816748.80 އެމެރިކާ ޑޮލަރު) ޖޫރިމަނާކޮށް ތިން އަހަރަށް ޖަލަށް ލުމަށް ހުކުމް ކޮށްފައެވެ. މި ހުކުމުގެ އިތުރުން އޭނާ ދުބާއީން ޑީޕޯޓް ކުރުމަށް ވެސް ކޯޓުން ވަނީ ހުކުމް ކޮށްފައެވެ.
މީޑިއާ ރިޕޯޓްތަކުން ބުނާ ގޮތުގައި މިމައްސަލަ ފެންމަތިވެފައިވަނީ އެމެރިކާގެ ކަމާއި ބެހޭ އިދާރާތަކުން ދުބާއީގެ އިދާރާތަކަށް އެކަން ހިއްސާކޮށް، އެމީހުން ކޮށްފައިވާ ތަހުގީގު ތަފްސީލް ހާމަ ކުރުމުންނެވެ.
އަބޫދާބީގައި ހުންނަ ޔޫ.އޭ.އީ ޕަބްލިކް ޕްރޮސެކިއުޝަން (ޕީ.ޕީ) އިން މި މައްސަލަ ބަލަން ފަށާފައިވަނީ އޭނާގެ އެކައުންޓްތަކާއި ބޭންކް ޓްރާންސްފަރ ތަކާ ގުޅޭ މާލީ މުޢާމަލާތްތަކަކީ ކޮބައިކަން އޮޅުންފިލުވައި، އެ މުޢާމަލާތްތަކަކީ ކޮބައިކަން ދެނެގަނެ، އެ މުޢާމަލާތްތަކުގެ މަސްދަރު ސާބިތުނުކޮށް، ދަޢުވާ ލިބޭ ފަރާތުގެ ފަރާތުން ބައިނަލްއަޤުވާމީ ޓްރާންސްފަރތައް ކުރިއަށް ގެންގޮސް، މަނީ ލޯންޑްރިންގ ގެ ކުށެއް ހިންގާފައިވާކަމަށް ޝައްކުކުރެވޭ ފަދަ މައްސަލައެއް އެ ޤައުމުގައި ހިންގާފައިވާކަމަށް ސާބިތުވުމުންނެވެ.
ރާއްޖޭގަ މަނީލޯންޑަ ކުރުމަކީ ގަޓުހުރި ކުޅަދާނަމީހުން ކުރާ މަތީފެންވަރުގެ ކަމެއް އެއިންމީހަށް އަދަބެއްދީފިނަމަ ރައްޔިތުން ނުކުމެ ސަރުކާރުވެސް ވައްޓާލަން ޖެހޭވަރު ކަމެއް