ގުރްމީތު ޗައުދަރީ އާއި ޑެބިނާ ބޮނަރޖީގެ ދޮށީ އަންހެން ދަރިފުޅު ލިއާނާ އަށް އޭޕްރީލް މަހުގެ ތިން ވަނަ ދުވަހު ދެ އަހަރު ފުރުނުއިރު، އޭނާގެ އުފަންދުވަސް ފާހަގަ ކުރަމުން އާއިލާއިން ވަނީ މަޖާ ވަގުތުކޮޅެއް ހޭދަކޮށްފައެވެ.
ލިއާނާގެ އުފަން ދުވަހުގެ އެއް ދުވަސް ފަހުން ޑެބިނާ ވަނީ އެ އުފާފާޅުކުރުމުގެ ފޮޓޯތައް އޭނާގެ އިންސްޓަގްރާމް ފީޑުގައި ހިއްސާކޮށްފައެވެ. ފުރަތަމަ ފޮޓޯއިން ފެންނަނީ ގުރްމީތު، ޑެބިނާ، ލިއާނާ އަދި އޭނާގެ ކޮއްކޮ ދިވީޝާ ސްވިމިން ޕޫލެއްގައި މަޖާ ވަގުތުކޮޅެއް ހޭދަކުރަމުންދާ ތަނެވެ. ލިއާނާ މުސަޅަކާއި އެކު މަޖާ ވަގުތުކޮޅެއް ހޭދަކުރަމުންދާތަން އެއް ފޮޓޯއަކުން ފެނިގެންދެއެވެ.
މީގައި އުފަންދުވަހުގެ ކޭކުތަކާއި ކޭކު ފަޅާ ރަސްމިއްޔާތާއި މަދު އާއިލީ މަޖާ ތަސްވީރުތަކެއް ފެނިގެންދެއެވެ.
ޑެބިނާ ބޮނާޖީ އާއި އޭނާގެ ފިރިމީހާ ގުރްމީތު ޗައުދަރީ 2022 ވަނަ އަހަރުގެ އޭޕްރީލް މަހު އެމީހުންގެ ތުއްތު އަންހެން ދަރިފުޅު ލިއާނާ އަށް މަރުހަބާ ކިޔާފައިވާއިރު، ދެވަނަ ދަރިފުޅު ދަރިފުޅަށް މަރުހަބާ ކިޔާފައިވަނީ ނޮވެމްބަރު 2022 ގައެވެ. ދެވަނައަށް ވެސް ލިބުނީ އަންހެން ދަރިއެކެވެ. އެކުއްޖާއަށް ދިވީޝާގެ ނަމުން ނަން ދީފައިވާކަން ހާމަކުރީ އެމީހުންގެ އިންސްޓަގުރާމުގައި ކުރި ޕޯސްޓެއްގައެވެ.
މިދިޔަ އޭޕްރީލް މަހު އެ ދެމަފިރިން ވަނީ ލިއާނާގެ ފުރަތަމަ އުފަންދުވަސް ވަރަށް ބޮޑުކޮށް ފާހަގަކޮށްފައެވެ.
ޑެބިނާ ބޮނަރޖީ އެންމެ ބޮޑަށް މަޝްހޫރުވެފައިވަނީ 2008 ވަނަ އަހަރު ރިލީޒްކުރި ޓީވީ ސީރީޒް ރަމަޔަން އިން ސީތާގެ ރޯލު ކުޅުނު އިރު އޭނާގެ ފިރިމީހާ ގުރްމީތު ޗައުދަރީ ލޯޑް ރާމްގެ ރޯލު ކުޅެފައިވާތީއެވެ. ގުރްމީތު އާއި ޑެބީނާ ކައިވެނި ކުރީ 2011 ވަނަ އަހަރު އަމިއްލަ ހަފްލާއެއްގައި ކަމަށާއި ޓީވީ ރިއަލިޓީ ޝޯ ޕަޓީ ޕަޓްނީ އޯރް ވޯ އާއި ނާޗް ބަލިޔޭ 6 ގައި ވެސް އެ ދެމަފިރިން ވަނީ ބައިވެރިވެފައެވެ.
ހެޔޮ އުފަން ދުވަސް ކުރިޔަސް ނުކުރިޔަސް އެމިހުން!
މީހަކު އަޅެ ހައިރާނެއް ނުވާނެތަ؟ އަހަރެމެންނަކާ ކޮން ކަމެއް؟ ނޫނީ އެއީ މަލާއިކަތުން ތަ ؟؟؟؟؟